EURO 2012 : Tla Tawh Sweden An Huaisen; France An Barakhaih !

Euro 2012 Group D match hnuhnung berah tla tawh Sweden chuan kut benga haw an tum loh zia lantirin France chu 2-0 in an hneh. He match ah hian Zlatan Ibrahimovic a che tha hle a, Quarter Final khela a chevel hmuh a la chakawm hle a ni.

Inkhel te :
Sweden : Isaksson, Mellberg, Granqvist, Mn Olsson, Olsson, Larsson, Svensson, Kallstrom, Bajrami, Ibrahimovic, Toivonen
Substitutes : Wiland, Hansson, Lustig, Antonsson, Safari, Elm, Wernbloom, Holmen, Wilhelmsson, Elmander, Hysen, Rosenberg

France : Lloris, Debuchy, Rami, Mexes, Clichy, Nasri, M’Vila, Diarra, Ribery, Benzema, Ben Arfa
Substitutes : Mandanda, Carrasso, Evra, Reveillere, Koscielny, Cabaye, Valbuena, Matuidi, Malouda, Martin, Giroud, Menez

First Half Hmuhnawm Chu 
Sweden in tla tawh mah se point hmu lova haw an tum hauh lo. A tir atangin nawr nghal tum mah se France defence inkawp fuh Mexes leh Rami an khawng tha hle. France lamin chance nei hmasa zawkin Benzema ball pek tha zet mai chu Ben Arfa chuan a pet out hlauh mai!

Chutah Sweden tan Toivonen a rawn langsar a. Boruakah Mexes head khalhin a la lut a, France keeper Hugo Lloris nen inhmachhawnin he chance tha zet mai hi a bawhpelh hlauh mai a, a pet out hlauh a ni. Minute 25 vel atangin France in game an thunun lehzual a, Sweden tlarhnung an rim malh malh hle.

Goal thun tuma nasa taka beiin Rami chuan free kick pet over in Benzema pet tha zet mai chu Olsson chuan a dang hman hlauh bawk. Hun tawp hma hretin Ribery chuan tha zet maia Swedish defence tlanpelin a thun tawh dawn ngeia a lan hnuah Mellberg chuan a rawn tibuai hman hlauh a ni. Hetih lai hian Sweden pawh mual lehlamah an awm hle hle bik lova, Toivonen chuan France defence vawi 2 lai paltlangin ho tak maiin a offside ve ve a ni.

Pic : Ibrahimovic ; Courtesy : www.dailymail.co.uk

Second Half Chu Sweden Ta 
Second half an tan a, Sweden lamin harhtharna an chang emaw tih mai turin bul an tan tha a. Substitute Wilhelmson a che ropuiin second half tantir ah goal thunna chance a hmu a, mahse, a offside hlauh. Sweden in an nawr karah France lamin nawr let lehin Minute 50 na ah Benzema chuan nalh zet maia ball lalutin a pet lut lo hlauh! Hei hi lut se chuan a nalh viau ang.

Wilhelmson a che ropui zel a, defence atanga ball rawn kal chu tha zet maia lo dawngin Debuchy a bum hnu ah Larsson tan a cross a, Lloris che tha lo se chuan a goal nalh viau ang.

A nawra nawr na na na chuan an nawr rah chu minute 54 ah Larsson in a cross chu Ibrahimovic chuan nalh zet maiin a lo pet lut ta! He goal hi a nalhin a ropui takzet a ni. Hemi hnu hian Ibrahimovic bawk chuan Wilhelmson tan tha zetin a siam leh a, mahse France keeper in a lo dang hman leh hlauh a ni.

France coach Lauren Blanc chuan chak ngei duhin khel tha em em lo Ben Arfa aiah Malouda a rawn dah lut a. Mahse, awmzia a awm lem lo hle. Nasri chuan chance tha zet a thelh bawk a. An theih ang tawkin nawr mah se Sweden defence khawng lutuk kha an paltlang hleithei lo a ni ber mai. 1-0 a hun a tawp mai dawn emaw tih hnu ah Wilhelmson bawkin tha taka petin goal bar a pet per a, chumi lo let leh chu Larsson chuan goal ruakah thunin kum 1969 hnu a France an hneh leh hmasak ber a nemnghet ta a ni.

Pic : Larsson ; Courtesy : www.dailymail.co.uk

Sawi Belh Ang
Sweden an fakawm! Tla tawh an ni tih hriat miah lohin an khel thei a, chak ngei ngei tumin an nawr ngam a, an thawhrim rah an seng ta a ni. France an khel chhe hran lova, an forward te an vanduai deuh a tih theih ang.

Tikhan England an chak avangin France chu an group ah pahnihna an ni ta a. Quarter Final ah Spain an hmachhawn dawn ta a ni. France tlarhnung a pherh lek lek thin a, an defender tha Mexes an chhawr theih dawn loh avangin Spain forward tha tak tak lakah enge an an ang?

Tin, tuna an chak loh hi September 2010 hnu a an chak loh hmasa ber a ni a. A zawna match 23 hneh loh nei lova an kal tluang lai a tawp ta bawk a ni.

Match Statistics

Image from www.livescores.com

Posted in EURO12, Result, Review.

8 Comments

  1. Feren ho chu euro 12′-a an match hnuhnung 2 ah an chak dawn lo ang ta hle mai……

  2. Lang ve zut zel mai ag aw..sweden khan an khelh twh match 2 te ai in an game a rang tha vat vat hle in ka hria..kha2 an that pui ka ti ve..game muang lam ai in arag lam an atir atag khan khel se adan deuh ka rig ve gwt..

Leave a Reply

Or

EURO 2012 : Tla Tawh Sweden An Huaisen; France An Barakhaih !

Euro 2012 Group D match hnuhnung berah tla tawh Sweden chuan kut benga haw an tum loh zia lantirin France chu 2-0 in an hneh. He match ah hian Zlatan Ibrahimovic a che tha hle a, Quarter Final khela a chevel hmuh a la chakawm hle a ni.

Inkhel te :

Sweden : Isaksson, Mellberg, Granqvist, Mn Olsson, Olsson, Larsson, Svensson, Kallstrom, Bajrami, Ibrahimovic, Toivonen

Substitutes : Wiland, Hansson, Lustig, Antonsson, Safari, Elm, Wernbloom, Holmen, Wilhelmsson, Elmander, Hysen, Rosenberg

France : Lloris, Debuchy, Rami, Mexes, Clichy, Nasri, M’Vila, Diarra, Ribery, Benzema, Ben Arfa

Substitutes : Mandanda, Carrasso, Evra, Reveillere, Koscielny, Cabaye, Valbuena, Matuidi, Malouda, Martin, Giroud, Menez

First Half Hmuhnawm Chu 

Sweden in tla tawh mah se point hmu lova haw an tum hauh lo. A tir atangin nawr nghal tum mah se France defence inkawp fuh Mexes leh Rami an khawng tha hle. France lamin chance nei hmasa zawkin Benzema ball pek tha zet mai chu Ben Arfa chuan a pet out hlauh mai!

Chutah Sweden tan Toivonen a rawn langsar a. Boruakah Mexes head khalhin a la lut a, France keeper Hugo Lloris nen inhmachhawnin he chance tha zet mai hi a bawhpelh hlauh mai a, a pet out hlauh a ni. Minute 25 vel atangin France in game an thunun lehzual a, Sweden tlarhnung an rim malh malh hle.

Goal thun tuma nasa taka beiin Rami chuan free kick pet over in Benzema pet tha zet mai chu Olsson chuan a dang hman hlauh bawk. Hun tawp hma hretin Ribery chuan tha zet maia Swedish defence tlanpelin a thun tawh dawn ngeia a lan hnuah Mellberg chuan a rawn tibuai hman hlauh a ni. Hetih lai hian Sweden pawh mual lehlamah an awm hle hle bik lova, Toivonen chuan France defence vawi 2 lai paltlangin ho tak maiin a offside ve ve a ni.

Pic : Ibrahimovic ; Courtesy : www.dailymail.co.uk

Second Half Chu Sweden Ta 

Second half an tan a, Sweden lamin harhtharna an chang emaw tih mai turin bul an tan tha a. Substitute Wilhelmson a che ropuiin second half tantir ah goal thunna chance a hmu a, mahse, a offside hlauh. Sweden in an nawr karah France lamin nawr let lehin Minute 50 na ah Benzema chuan nalh zet maia ball lalutin a pet lut lo hlauh! Hei hi lut se chuan a nalh viau ang.

Wilhelmson a che ropui zel a, defence atanga ball rawn kal chu tha zet maia lo dawngin Debuchy a bum hnu ah Larsson tan a cross a, Lloris che tha lo se chuan a goal nalh viau ang.

A nawra nawr na na na chuan an nawr rah chu minute 54 ah Larsson in a cross chu Ibrahimovic chuan nalh zet maiin a lo pet lut ta! He goal hi a nalhin a ropui takzet a ni. Hemi hnu hian Ibrahimovic bawk chuan Wilhelmson tan tha zetin a siam leh a, mahse France keeper in a lo dang hman leh hlauh a ni.

France coach Lauren Blanc chuan chak ngei duhin khel tha em em lo Ben Arfa aiah Malouda a rawn dah lut a. Mahse, awmzia a awm lem lo hle. Nasri chuan chance tha zet a thelh bawk a. An theih ang tawkin nawr mah se Sweden defence khawng lutuk kha an paltlang hleithei lo a ni ber mai. 1-0 a hun a tawp mai dawn emaw tih hnu ah Wilhelmson bawkin tha taka petin goal bar a pet per a, chumi lo let leh chu Larsson chuan goal ruakah thunin kum 1969 hnu a France an hneh leh hmasak ber a nemnghet ta a ni.

Pic : Larsson ; Courtesy : www.dailymail.co.uk

Sawi Belh Ang

Sweden an fakawm! Tla tawh an ni tih hriat miah lohin an khel thei a, chak ngei ngei tumin an nawr ngam a, an thawhrim rah an seng ta a ni. France an khel chhe hran lova, an forward te an vanduai deuh a tih theih ang.

Tikhan England an chak avangin France chu an group ah pahnihna an ni ta a. Quarter Final ah Spain an hmachhawn dawn ta a ni. France tlarhnung a pherh lek lek thin a, an defender tha Mexes an chhawr theih dawn loh avangin Spain forward tha tak tak lakah enge an an ang?

Tin, tuna an chak loh hi September 2010 hnu a an chak loh hmasa ber a ni a. A zawna match 23 hneh loh nei lova an kal tluang lai a tawp ta bawk a ni.

Match Statistics

Image from www.livescores.com

Posted in Rampawn.

Leave a Reply

Or