Europa League ah semi final lut tur a chiang ta a. Spanish club pathum leh Portuguese club pakhat te an lut. English club te chet chhiat kumah Spanish club te an chetha tluang zel a. Nizan 2nd leg khelh te chu hetiang te hi an ni:

FC Metalist Kharkiv 1-1 Sporting Lisbon (Agg: 2-3)
scorers: 57′ Jonatan Ezequiel Cristaldo – Ricky van Wolfswinkel 44′
Sporting lam hi player nei tha an ni a. Liverpool left back hlui Insua te, La Liga lama midfielder beiseiawm ber te zingami ni thin Diego Capel leh Matias Fernandes te bakah tunlaia striker inchuh nasat Ricky van Wolswinkel te an nei a. UEFA Champions League atanga tla thla Ukranian club Metalist te hian Portuguese club ball thiam te hi an hnehzo ta lo a ni. Sporting hian semi final ah Manchester United lo hneh tawhtu Athletic Bilbao an hmachhawn ang.

Athletic Bilbao 2-2 Schalke (Agg: 6-4)
scorers: 41′ Ibai 55′ Susaeta – Klaas-Jan Huntelaar 29′ Raúl 52′
Manchester United an hneh hnua inringtawk tak Athletic Bilbao chu German club hlun Schalke in an lo dang hnehlo hle a. Marcelo Bielsa nau te hi an khel a hmuhnawm hle a. Tlar hma lama Llorente, Muniain, De Marcos, Ander te han che vel hi chu tunlaia hmuhnawm ber pawl a ni thei ang. Javi Martinez, Susaeta, Iraola te in an goalkeeper an lo awl hneh bawk nen. Schalke hmatawng Raul leh Huntelaar te chetthat lai ni mahse Bilbao lam hi an su tlang zo lo ni in a lang.

Valencia 4-0 AZ Alkmaar (Agg: 5-2)
scorers: 15′ Adil Rami 17′ Adil Rami 56′ Jordi Alba 80′ Pablo Hernández
Dutch club AZ lam hian Spanish club hlun Valencia te hi an ngamlo hle a. Valencia hian season tir lam chethalo mahse hun a kal zel a, an rawn chetha chho zel ni in a lang. Alba, Soldado, Hernandez te bakah Valencia player han en hian champion thei tura rin te an ni a. Valencia hian an Spanish club pui an hneh chhoh zel chuan nomawi hi an chawi thei dawn ni in a lang. AZ Alkmaar winger Adam Maher ve thung hi season thar ah transfer a inhawn hunah club lian zawk te chuan sawm in an hel nasa ngei ang.

Hannover 96 1-2 Atletico de Madrid (Agg: 2-4)
scorers: 81′ Mame Biram Diouf – Adrián 63′ Radamel Falcao 87′
Diego Simeone in a enkawl hnua chetha Madrid club te hi an player neih en chuan eng club pawh hneh thei an ni a. Tunlaia striker hlauhawmber te zingami Falcao bakah tunlai a striker thang duang ber Adrian an nei bawk a. Brazilian play-maker Diego pawh a ral mai dawn emaw tih hnuin Madrid ah a rawn harh thar leh a. He Madrid club hian an hriat chian em em Valencia semi final a an hmachhawn tur hi an huphurh em em a rinawmloh zawk. Hannover 96 hi beisei aia chetha an ni a. German club hming chu semi final bak hi a ziah theih dawn ta lo a ni.

Semi Finals:
Valencia vs Atletico Madrid
Athletic Bilbao vs Sporting Lisbon

Tun dinhmun a goal thun thei te hi tarlang nghal ila:
Klaas-Jan Huntelaar (Schalke) 14
Radamel Falcao (Atlético de Madrid) 8
Adrián (Atlético de Madrid) 8
Jonatan Ezequiel Cristaldo (Metalist Kharkiv) 7
Joseph Akpala (Club Brugge) 7