Nizan a Europa League Quarter Final Fist leg match khelah AZ Alkmaar, Athletic Bilbao, Sporting Lisbon leh Athletico Madrid ten an tumpui theuhte an hneh.
AZ Alkmaar 2-1 Valencia CF
Nizan inkhel ah rin loh takin Netherlands club Alkmaar chuan Spanish club lian Valencia an lo hneh. Valencia hian game thunun zawk mahse Eredivisie League hmahruai mek tu te hian first half tawp dawn tepah Brett Holman hmangin goal an thun hmasa a. Valencia tan second half-ah Mehmet Topal chuan rawn sut leh mahse AZ tan Maarten Martens chuan chakna goal a thun ta ani. Tihian Valencia hian away goal khat neiin second leg an hmachhawn dawn ta ani.
FC Schalke 04 2-4 Athletic Bilbao
Inkhel hmuhnawm takah Schalke hian 2-1 a hma an hruai reng hnuah Athletic hian an tumpuite hi hun tawp dawn minute 17 chhunga goal thum khungin an lehthal. Spanish club tan hian Fernando Llorente chuan min 21 naah goal hmasa ber a thun a. Mahse min 2 hnu lekah Real Madrid striker hlui Raul chuan a sut ve leh nghal a. Raul vek hian kum 34 ah pawh a la chuai lo ani tih lantir nan min 60-na ah nalh takin a ke veilamin a volley lut leh a. Mahse Athletic tan Llorente bawk chuan min 73-na ah a goal hnihna a rawn thun ve leh a. Bilbao hian min 9 a la awmin De Marcos hmangin hma an rawn hruai zui a. Extra time ah Muniain chuan chak chianna goal a thun leh bawk ani.
Sporting Clube de Portugal 2-1 FC Metalist Kharkiv
Mual neitu te hian Marat Izmailov leh Emiliano Insúa te goal thun hmangin hma an hruai char char a. Mahse Ukrainian team hian hun pek belah penalty hmuin, Cleiton Xavier chuan away goal hlu tak a rawn thun ve leh ani.
Club Atlético de Madrid 2-1 Hannover 96
Atletico chuan Europe a anmahni khelmual a a zawna game riat an chakna ni turin an German mikhual te an lo hneh. Kum hmasa Europa League top scorer Falcao chuan min 9 na lekah goal hmahruai a thun a. Mahse Hannover tan Mame Diouf chuan he competition-a game li a a goal thumna ni turin half time hma hretin a rawn sut ve leh a. Tichuan an in draw mai dawna a lan tawh laiin hun tawp dawn min khat a la awmin substitute Eduardo Salvio chuan Falcao a header chu chakna goal atan a lo pet lut ani.
Quarter Final Second leg hi April ni 5 khian khelh ani ang.
cheap cialis
generic cialis online
Discounted viagra online
viagra cost
Europa hi kei ka tuipui khwp mai..spanish club champ gei teh se.
bilbao chu champ rawh se.an inpumpek tak2 chuan barca pawn an chai tawk khawp ang
Athletic Bilbao chu anva raptlak ve mawle, United min pet thla tu an ni bawk a, champion teh se 🙂
Europa hi chu ka tui lo
^– thnx.. Athletico hi an chet that zel cn chmp maithei sin.. SF poh hei an lut tluk ni tawh mai a
post tha hle mai…. Europa hi Athletico Bilbao hi champ se ka ti khop mai