Zanina European Championship 2020 final inkhel boruak sang takah Italy leh England te extra-time thlengin an inhnehtawk a, penalty shootout – ah Italy hi 3-2 a chakin a vawi hnih nan European Championship nomawi an chawi.
He inkhelah hian Italy lam inrin hmain England defender Luke Shaw chuan minute 2-na lekah goal hmahruai a thun a, hei hi Euro final – a goal lut rang ber a ni. Si phur zawk Italy in inkhel an thunun chhunzawm a, an siphurh erawh an sut thei lawk lo. Minute 67-naah Leonardo Bonucci chuan Euro final – a goal thun thei upa ber ni turin an siphurh a sut.
Minute 90 thlengin goal a luh belh lo a, extra-time – ah thil danglam thleng a awm hek lo. Penalty shootout – ah ram pahnihte chan a inthat chhawk zak zak a, a tawpah keeper nei tha zawk a ngaih leh tawnhriat ngah zawk Italy in 3-2 in hnehna an chang.
Penalty shootout – ah hian Italy tan Domenico Berardi, Leonardo Bonucci leh Federico Bernardeschi te’n thunin Andrea Bellotti leh Jorginho te pet chu England keeper Jordan Pickford an dansak mahse Three Lions tan a pet zingah Harry Kane leh Harry Maguire te chiahin an pet goal a, penalty pet tur ni ngei a lut Marcus Rashford, Jadon Sancho leh Bukayo Saka te’n an thun lo a ni.
Italy 1-1 England (aet)
(Italy win 3-2 on penalties)
Man of the match – Leonardo Bonucci
Mimal lawmman :
Player of the Tournament – Gianluigi Donnarumma
Golden Boot – Cristiano Ronaldo
Golden Glove – Jordan Pickford
Young Player of the Tournament – Pedri
