English Premier League gameweek 10 a inkhel hmasa berah Everton in an mikhual Manchester United 0-1 in an hneh lo. Goodison Park-a inkhel ‘beisei phak lo’ a goal awmchhun hi United Mexican striker Javier Hernandez thun a ni.
Tutenge khel?
Everton: Howard; Hibbert, Jagielka, Heitinga, Baines; Coleman, Osman (Vellios 76′), Rodwell, Fellaini, Bilayetdinov (Barkley 45′ ); Saha (Gueye 84′)
Manchester United: De Gea; Jones, Vidic, Evans, Evra; Welbeck (Valencia 73′), Fletcher, Cleverley (Nani 57′ ), Park; Rooney, Hernandez (Berbatov 67′).
First half ah Chicharito
Inkhel an ṭan chiah a, Leon Osman chuan minute 1 lekah Everton tân chance a nei nghal. Hemi hnu lawk hian Park ji Sung pawhin chance ṭha tak a nei bawk. Inkhel hmuhnawm tak kan hmu dawn emaw tih laiin team pahnihte an fimkhur a, midfield-ah ball a tam a, team pahnihte game a ropui lo dun hle.
Ball chang tam zawk ManUtd in minute 19 ah goal an thun a, veilam sîr aṭanga Evra ball cross ṭha tak chu Hernandez chuan hnai set sawt aṭangin a pet goal. Chicharito ‘movement’ ṭhat zia kan hmu leh e. Hemi hnu hian rei vaklo chhung chu United game a mawi chhunzawm viau a, Cleverley, Welbeck leh Hernandez te ho movement leh passing a hmuhnawm.
Game a rei tawlh tawlh a, mual neitu lam an hlauhawm tual tual a, dinglam sîr aṭangin Coleman a tlang leh zauh ṭhin. Minute 36 ah Osman leh Rodwell ten chance ṭha an nei a, minute 40 ah Baines chuan freekick aṭangin goal bar a pet per bawk. First half tawp lamah Everton an chungnung zawk a, de Gea kan hmu ngun a, midfield-ah Fellaini leh Rodwell an langsar.
Second half-ah Everton an langsar
Second half-ah mual neitu lamin bul an ṭan ṭha zawk a, Manchester United lamah ball a awm deuh reng a tih theih awm e. Minute 53′ a Rodwell shot, de Gea lo dan chu Everton fans hoin an ui khawp ang. Everton hian inkhel thunun viau mahse United defence a khawng ṭha a, goal chance hlauhawm tak han tih tur chu an nei hleithei bik lo. Nemanja Vidic a khel ṭha kher mai.
Everton fans lamin penalty a ni thei angem aw tih tur vawi 2 vel an hmu a, mahse referee in a pe lo. Carling Cup-a minute 120 inkhel Everton player te a tâwp lamah an chau deuh niin a lang a, ball an chan tam leh inkhel an thunun ngaihtuahin tlarhmaah ‘movement’ a tam lova, United player te tan ven an awlsam phah deuh niin a lang.
Injury time a ni tawh a, penalty box chhungah Evra chuan Everton player Gueye a ti tlu a, referee in penalty a pe lo. Penalty pawh pe se a awm viau ang. Huntawp thlengin goal dang a luhbelh lo a, City laka an mualpho hnuah United fans te an nui ve leh thei ta.
Sawibelh ila
Everton player te kha Nilaini Carling Cup-ah Chelsea nen minute 120 chhung an inchai tawh a, inkhel tâwplamah kha chuan an chau ve hle tih a lang. Season tir lamah club ṭha an tum nasa a, tunah hian game 9 ah point 10 chiah an la hmu. Mahse manager leh player te quality enin point an la hmuhbelh dawn chauh niin a lang.
Manchester City laka an mualpho hnuah Manchester United fans ten comeback ropui tak an beisei a, mahse an beisei ang an hmu lo. Captain Nemanja Vidic a rawn lêt a, minute 90 chhung goal an chhuah lo nghal. United tlarhnunga Vidic pawimawhzia chu a awmloh laia an khelhdan khan a tichiang mai awm e. Game harsa takah point 3 an hmu a, goal thun ṭeuh lo mahse Sir Alex-a leh a nau te hian pawi an ti lo khawp ang.
Manchester United in point 3 an hmu a, Old Trafford-a inkhelh leh hun an nghakhlel tawh khawp ang le.
Cialis online ordering
Brand name cialis overnight
Good post. point 3 kha a pawimawh ! Evans-a’n red card hmu tawhlo e 😀
Defensive midfielder bon deuh hlek chu a ngai a ni. Fellaini leh Rodwell ten inkhel an thunun thei tlat mai..
@Zara Scholes,…Baines chu a mimal takin ilo tan nimaw?? i player ni ngei ang 🙂 Cleverley a inhliam a serious lo chu lawmawm khp mai. A hmatawng an tha a, midfield lai bawk kanla tal buaiin ka hria cleverley a awmloh hnu phy kha chuan. Good post!
De Gea in 8 points a hmu, ava lawmawm em!!!
Baines a freekick kha ava goal teuh ve mawle…
haha, ka han duh tui ve deu mo le, tih theih nei ve si lo hian, coment lah hi time out ve ziah lehnghal a. web lam vang nge ni ang ka server or pc? hria kan om em o?
@eppie: thanks, ka siamṭha tawh e. ka ziah laiin goal dang a luhbelh ka ring lutuk alawm le 🙂
@ramenga “Ball chang tam zawk ManUtd in goal an thun hmasa a,” everton lam hian an khung ve si lo va, se poi chuang lo. kan chak a a lomom e. post a ngaihnom thin khop mai
a hmuhnawm em2 loh na in tan a na duh kher mai…Vai ho Cricket en duh nen,ka pawl te pawh an tang,kei ni pawh an khel en tur in kan tang.boruak rit tak hnuai ah kan chak ta hram a,refree in a ham tawp ber khan kei ni nge lawm ang Vai ho kha le….kan attacking na lo lutuk kha ka mit a ti tlai lo khawp mai,mahse kan Pu ah hian rinna ka hlawh ngai lo,Alex is Well