Everton midfielder Marouane Fellaini chu Everton tân rinawm zel turin a intiam nawn leh ta a, kum 2016 nipui thleng daih tur contract thar a ziak. Kum 23 a upa Fellaini hian kum 2008 ah Standard Liege aṭanga Everton zawmin tunah hian David Moyes-a player neih te zinga pawimawh ber pawl a ni tawh a ni.
Everton Chief Executive Robert Elstone chuan club website-ah thuchhuah siamin, hunrei zawk Fellaini a la châm tur chu a lawm thu a sawi a, Everton a zawm tirh aṭanga player pawimawh tak a nih thu a sawi bawk.
Belgian international Fellaini chuan contract thar a ziah chungchang sawiin, “Ka tan chuan thutlukna harsa tak a ni. Ka contract hluiah khan thla 18 chiah ka nei tawh a, club lian lian pahnih pathum velin min enthla tih ka hre bawk. Mahse ka contract thar hian he club-ah hian ka la hlim tawk a ni tih a tilang a ni. Kum 20 mi lek ka nih laiin Everton hian ka chungah rinna an nghat ngam a, tunah hian he club ka rintawk zia lantir nan contract thar hi ka ziak a ni.” a ti.
Season ṭantirh ah Arteta a chhuak a, a thlakna tur mumal an lei lo. Everton hi tunah Premier League-ah 17 na an ni chauh mai a, tunhnaia chhuak tur niawm taka thuthang ngah tak Fellaini an chelhbet thei hi manager, fans, club management leh a khelhpuite tân pawh thu lawmawm tak a ni ngei ang le. Fellaini – Rodwell combination hi engtia rei chiah nge kan la hmuh zel ang tih hriat a chakawm ta hle mai.
Rodwell nen hian an style hi a inang vak lo a, chuvang pawh chu a ni maithei an inkawp rem theih fu ni. Everton pawh hi hma chu an sawn lem lo khawp mai, club lian ho angin pawisa an ngah lem lo a, hmasawn viau pawh a harsa a ni ang e.
Hepa hi Everton ah chuan ka duh ber pawl a ni
Fellaini hi ka duh loh chi. Rodwell erawh a thiam mai bakah a inpekna hi ka player duh chi a ni
Fellaini hi game damdup si hian a foul ngin thei teh mai nia…:p ball kangah chuan Crouch te aiin ka duh zawk
Ankasa chhipchhuan-a hi ball kangah chuan eng team tan pawh a hnawksak hrim hrim a ni e.. Chunga mite sawi ang hian Everton a la awm reng chi a ni. Chelsea velah chuan kal se chuan khelh tam lamah Scott Parker a hnung a zui a ni ringawt ang..
A thiam ka ti a, a aia thiam tih pawh ka ngah!!hehe… Everton ah hian awm rei se a tifuh ber ang. Good post
Fellaini hi nia, a thiam tho na a, Everton-ah a awm hi keipawn a tan a tha berin ka hria, chutilaiin Rodwell hi Chu Everton a chuahsan hun ala thleng ngei ka ring tlat, tun atanga reilo te a, club lian ten anla rawn rim ang.
A tha ! Everton, Fulham te ang hi chu Europa League vel khel atan an tha a, tihian awm ve rawh se.. Good post
Rodwell hi the viau bok ni.. Kan lei dn Man Utd ih hihih
Fellaini khel hi hmuhnawm ka ti reuh khawp mai, ball a chang thei lutuk hi a mak bawk. Club lian a khel atan chuan ka duh miah lova, mahse Everton tan chuan thu lawmawm a ni…