August 17, 2011: Mizoram Football Association (MFA) hnen atanga thu dawn danin “Khliehriat, Meghalaya ah vawiin khan Lajong leh 1st MAP in Exibition Match an khel a, Lajong 2-0 in an chak. Second Half ah Tuboi leh Boithang ten an thun. KDFA (Khliehriat) lam sawmna angin MFA hian exhibition match khel turin 1st MAP hi an tir”.

MFA atanga thu kan dawn rualin Zofooty lam pawn chiang zawkin he inkhel hi a ngaihven nghal a, Shillong Lajong Captain Samson-a chu zuk bia in, Samson-a chuan Mizo Pathum (Ramluaha, Samson & Mahlima) te an first eleven tih a rawn sawi a, anni bakah hian Chhuantea Second half lama a rawn lut thu a rawn sawi.

“Inkhel ah tunge chungnung zawk ?” tih Zofooty zawhna chu Lajong Captain Samson-a chuan chhangin “1st Half ah chuan an inhnehtawk thu a sawi a, mahse 2nd half lamah chuan Lajong an chungnung zawk” tih a rawn sawi a. Hei bakah zan dar 2 hnu a an mut fel theih chauh avanga an khelthat theihloh thu te, khua a chhiat avang inkhel a har thu leh, field chhiat thu te a rawn sawi a, chutihrualin inkhel entu erawh an tam thu a rawn sawi tel bawk. Game pawn lamah inkhel zawh tawh hnua bawng an insik tir tih chu nui chungin a rawn sawi tel bawk.

Shillong Lajong hi tunah an chawl tawh anga, ni 20 August ah hian practice an tan leh anga, ni 23 August ah inkhel turin Assam an pan anga, ni 26 August ah Oil India nen an inkhel leh ang.