Football khawvela knock out tournament upa ber leh ngaihhlut hlawh berte zing ami, the Football Association Cup (FA Cup) 4th round ah Liverpool chuan an mikhual Manchester United 2-1 in an hneh a, round of 16 an lut ta.
Inrinni zana Anfield-a inkhelah hian Liverpool tan Daniel Agger leh Dirk Kuyt ten goal an thun a. Manchester United goal hi Park Ji Sung thun a ni.
Inkhelh hma chuan
English football-a inepna lian ber a ni a, English football-a club hlawhtling ber pahnihte hi club inhal ber an ni bawk. Tun season-ah Luis Suarez leh Patrice Evra te inkar buaina avangin club pahnih inkar boruak a duhawm lo zual tih kan hria. Club pahnih hotuten fans te chu mawi taka inkhel en tur leh, buaina tipunlun zawnga che lo turin an chah hial a ni. Manchester United boss Sir Alex Ferguson pawhin Man Utd fans te hnenah ngenna lehkha thawnin, mawi lo lutuka che lo turin a ngen a nih kha.
Internet khawvelah pawh he inkhel hi fans te titi tui ber a ni a. Mizoten kan hriatlar em em Facebook-a Mizo football group hrang hrangah club pahnih fans te inhnialna hmuh tur a tam a, chak zawk tur inrinsiak, pet goal tu tur inrinsiak leh team pahnihte khaikhinna post hrang hrang a thahnem ngei mai.
Liverpool hi Carling Cup final lut hlim hlawt niin, English club lian zingah tun season-a trophy chawi hmasa ber ni thei dinhmunah an ding. Manchester United hi Premier League-ah champion beiseiawm zing ami an ni thung.
Tutenge inkhel?
Liverpool: Reina; Kelly, Agger, Carragher (Charlie Adam 63′), Skrtel, Jose Enrique; Gerrard (Kuyt 72′), Henderson, Downing Maxi (Bellamy 63′); Carroll.
Manchester United: De Gea; Rafael, Smalling, Evans, Evra; Carrick, Scholes (Hernandez 76′), Valencia, Giggs (Berbatov 90′), Park Ji-Sung; Welbeck.
First half-ah goal 1 ve ve
Inkhel an tan a, fans te bengchhen ang aiin inkhel a tang lem lo. Team pahnihten midfield-ah ball an inpekual nasa a, inkhel tirlamah an goal bawh a na lo ve ve. Liverpool lamin Maxi Rodriquez leh Steven Gerrard te hmangin ‘half-chance’ an nei a, Manchester United winger Valencia chuan goal ban a pet per bawk. Rinlawk ang ngeiin Liverpool fans ten Patrice Evra ball khawih ve apiangin an ‘boo’ nasa ngei mai.
Minute 21 ah Liverpool in goal an thun a. Corner atanga ball lo kal chu Agger chuan a head goal. Man United keeper De Gea leh defender te tihsual vang a ni pakhat awm e. He goal a luh hnu hian Man United an khel tha sawt a. Scholes leh Carrick ten midfield-ah ball an chang hnem a, mahse defender panga hmanga khel Liverpool tan buaina an siamsak tam lem lo. Goal thuntu Daniel Agger a khel tha ngei mai.
Minute 39 a ni a, dinglam atanga Rafael cross tha tak chu penalty box chhunga vengtu nei lo Park Ji Sung chuan a lo pet goal. He goal siamchhuak tura Valencia leh Rafael te ‘combi’ a mawi kher mai. First half-ah team pahnihte an inkhelhthat chhawk zak zak a. 1-1 pawh hi result fair tak a ni awm e.
Second half-ah Liverpool substitutes an langsar
Second half tirlamah pawh team pahnihte an inhnehtawk ngei mai. Manchester United lamin ball an chang tam a, mahse de Gea tihsual vangin Liverpool in tumhnih vel chu pet goal theihna chance tha tak an nei. Nilaini zan maia Carling Cup semi final game hautak tak khel zo Liverpool player te an chau deuh niin a lang.
Minute 63 ah Liverpool manager Kenny Dalglish chuan substitute awmze nei a siam a, khel tha lo Maxi leh Carragher te lachhuakin Charlie Adam leh Bellamy te a luhtir a, anni pahnih hian game an thlak danglam chiang kher mai. Liverpool veilamah ball a tam sawt a, midfield-ah Adam a langsar a, mual neitu lam an khel tha tulh tulh mai.
Team pahnihten goal thunna chance an ngah lo ve ve a, game a rang lova, back pass a tam a, neutral taka inkhel thlirtute tan chuan inkhel hmuhnawm tak a ni awm lo e. Team pahnihte hi goal thun lovin an inthen tawh mai dawn emaw tih hnuah, Liverpool long ball chu Andy Caroll chuan lo head in, hei hi substitute Dirk Kuyt chuan penalty box bulah lo changin awlsam angreng takin a pet goal. Anfield a bengchheng a, he goal hi Liverpool chakna goal, FA Cup atanga Manchester United hnawtchhuaktu goal a ni ta a ni.
Game pumpui thlirin inkhel inhnehtawk tak a ni a. Mahse hun pawimawh ber, inkhel tawplama khel tha zawk Liverpool an dingchang ta zawk a ni. Manchester United ‘nil’ kum a ni thei mai angem?
Inkhel dang result:
Watford 0 – 1 Tottenham
Tottenham: Rafael Van der Vaart 42′
Everton 2 – 1 Fulham
Everton: Stracqualursi 27′ , Fellaini 73′
Fulham: Danny Murphyu 14′ (Penalty)
QPR 0 – 1 Chelsea
Chelsea: Juan Mata 62′ (penalty)
Blackpool 1 – 1 Sheffield Wednesday
Blackpool: Kevin Philips 93′ (penalty)
Sheffield Wednesday: Morrison 52′
Derby 0 – 2 Stoke City
Stoke City: Cameron Jerome 5′, Robert Huth 81′
Hull City 0 – 1 Crawley Town
Crawley Town: Matt Tubbs 57′
West Brom 1 – 2 Norwich City
West Brom: Fortune 54′
Norwich City: Holt 35′, Jackson 85′
Stevenage FC 1 – 0 Notts Country FC
Stevenage FC: Damion Stewart (OG) 12′
Milwall 1 – 1 Southampton
Milwall: Darius Henderson 86′
Southampton: Rickie Lambert 36′
Bolton Wanderers 2 – 1 Swansea City
Bolton: Darren Pratley 45′, Chris Eagles 56′
Swansea: Luke Moore 43′
Sheffield United 0 – 4 Birmingham City
Birmingham : Redmond 18′, Adam Rooney 38′, 78′, Wade Elliot 58′
Leicester City 2 – 0 Swindon
Leicester : Jermain Beckford 5′, 53′
Brighton 1 – 0 Newcastle United
Brighton: Mike Williamson (OG) 76′
cialis coupons
cialis
viagra on line purchase
Buy viagra online canada
liverpool an khel tha hle a ni 😀
@Ramenga, nya, keipoh mak kalo ti hman khop a…. 🙂
A lawmawm e. Cup tournament upa ber ti hian an sawi mai thin a, knockout tournament upa ber tih tur zawk a lo ni ngei e.
@Ben, hehehe captain babu sawi khi keipoh ka pom e 🙂
@Dustin.. Ni tak e.. Zofooty’s Expert in i rawn preview tak kha… Carrol hi che tha tur chuan Kuyt nena an khelh tam a ngai ka ti.. Khel tam tho mahse Kuyt khelh hian a khelh tha ve deuh..
@ben & Koptea, Henderson chu engvangin nge a chetthat reng2 ang, nikum Fans interview ah khan ‘flop’ ber turah kalo dah daih toh lom 🙂
ben leh Koptea in sawi dik ka ti e. Liverpool till i die, coz’ i’ll never walk alone.
Henderson hrim hrim hi chu tha ka ti thin. Mahse Sunderland a awm lai kha a tluk thlawtlo. Carragher pawh hi Club thatna tur chuan bench ah a thut hnem a ngai ka ti. Duh aiin a muang tawh tlat.
@Ben Vangchhia, Henderson hi chu a khel tha ngai lo hrim hrim…mahse a start ve ziah tho…ninawm ka ti tawh khawp mai…
#16.. Enrique
Inkhel en laia current awm ngun lutuk kha a ninawm khawp mai…:)
Neutral takin thlir lawk teh ang. Enrigue leh Valencia te pahnih han indang/nawr dun vel kha a hmuhnawm khawp mai.. Kuyt a luh hnuah Liverpool ho game kha a hmuhnawm deuh. De Gea leh Henderson te hi an man ngaihtuahin an la che tha tawklo ka ti. Scholes an lak chhuah hnua United substitution siam khan a hma an game a phak loh tir. Rafael lama Carrol han awm zeuh khan tan a ti na khawp mai. Liverpool Kelly kha a lamah ball an lak luh tlem chu thuhran beisei a pha lo bawk.
GP…Vanglaini ai pawhin Zofooty post hi nghahhlehawm tawh zawk…en ve reng mah ila chhiar chhuak dap zel…Tin, Hman zanah Goalkeeper vangin kan chak zo lo tep a, nizan erawh Goalkeeper vangin kan chak e…:)
a va lawmawm ve man utd chakloh hi chuan khi sang reng ila ni mai
Post tha tak zawng a va han ni chiang em,kar 1 chhung in Manchester khaw 2 han velh chuh nuam duh ngei mai a…ka fans pui te ka lawmpui a che u keini zawng eng CUP pawh nirawhse kan kal zel dawn e…BE THE REDS WELL DONE
Liverpool player-te chuan an boss Kenny Dalglish-a hauh an ngeih hle mai. An inkhel kha – a tawp lamah kha chuan a hmuhnawm ve pangngai khawp mai.
Ni 4 chhunga Manchester khaw club pahnih hneh hi thil namai a ni hauh lo. Well done to the Reds.
Tin, FA Cup hi ‘Cup tournament upa ber’ niin a lang lo. ‘Knockout tournament’ a upa ber erawh a ni awm e.
Post a tha, chhiar a nuam, a dak thlarh mai. 😀
Rilru ava na duh ve aw, mahse kan nil dawn lo, United tak tak kan rawn chhuak dawn e..
Curen nei lova,en ve lo.livrp lwmpui e.mahse,club te zwk lakah an buai le tho ka rig..club lian an khelhin tan patwpin an taga,cak pw an cak thei,ate deu ho an khelin rilru an pe twk lovin alian ho an khelh agin an ur twk thin lo niin ka hria.egpwnise,manu antla a,blues kan caka inkhwm pw nuam deu e.
Man UIH hou kan hneh chu ava nuam dang lam ve Le;Man Uih nil kum ani dawn ta anih hi;P’an rooney leh nani khel lo anchhuam lam leh ang chu thenkhat ho chuan;pP
Ka en hman lo leh pek a, rilru a na duh kher mai… De Gea ai hian Lindegaard hi a hman tlak mah toh xokin ka hria. good post
Liverpul hi chuan club lian khelh hian an khel tha zawk thin, mahse club te ho draw an hrat thin. Ka lawmpui a che u. Final ah kan intum dawn nia.
Kan Nil dwn hleinem cup 2 kn la chawi thei ania United fans lo zam suh u
Rilru hi a na asin 🙂 chuan Durand Cup (India) hi a maw khawvel a tournament upa ber ka lo ti ve char char a 😀
Nuam eeeeee Hrehawm zawk.
Chak hi cuan kar tluan hian gaih a tha veg2 jel
rilru hi ava na ve leeeee 🙁 mhse man utd tran reng dawn tho2…GGMU 🙂
Scholes chhuah hnu khan Carrick khan a va pass sual tam ve le.. De Gea lah che fu theilo.. Carrol pawh Rafael nen an in um tawk em em ringawt. Maxi lah kha ka en ve lai chuan 2nd Carrol niawm a ni..