FA CUP-AH FA CUP SPECIALIST ARSENAL AN CHAMPION – Lawmkima Hmar

Inrinni zana FA Cup final khelhah Arsenal chuan an phu ang result hlawhchhuakin 2-1 in Chelsea an hneh a, an champion.

He result hian Arsenal leh Arsene Wenger te chu FA Cup chanchina hlawhtling berah a siam. Arsenal hi FA Cup bikah chuan club ropui ber niin vawi 13 an champion ta a, champion tam ber record an siam. Arsene Wenger hian Arsenal a enkawl chhungin FA Cup title vawi 7 ngawt (1998, 2002, 2003, 2005, 2014, 2015, 2017) a lak pui tawh bawk a, ani aia FA Cup la tam an awm lo.

Wembley Stadium a inkhelhah defender phuahchawp nena mual chhung rawn lut Arsenal tlar hnung a derthawng viau dawna a lan laiin a tak ramah erawh Chelsea tlar hnung a buai. Thli chhem len Parda zar ang maiin Gunners forward hmaah a then vel a, goal line atangin Cahill chuan vawi 2 lai an lama goal tur a pet chhuak.

Minute 4-na lekah Arsenal hian Chilean forward Alexis Sanchez-a hmangin goal sawisel hlawh an thun. Chelsea penalty area-a ball vawrhluh chu offsite position-a awm Aaron Ramsey chuan lak tumin a hnaih zuau hman a, mahse, Sanchez zawkin rawn tlan lutin a la a, goal-ah a thun.

Linesman chuan offside position a awm Ramsey hi a offside nia hriain a phar a, amaherawhchu, match referee Anthony Taylor nena an sawi dun hnuah Ramsey hian ball a khawih loh avangin goal-ah pawm a ni.

Arsenal in inkhel pumpui an thunun a, an goal hmasa zawk an thun lawkah Danny Welbeck chuan woodwork a tauh per a, Ramsey pawhin a thun ngei tura ngaih chu ho deuhin a hlah ve leh.

Second half tantirhah Chelsea game in hma a sawn hlek a, Victor Moses pet chuan David Ospina a paltlang zo lo tlat. Minute 68-naah yellow card chawi tawh Chelsea wing-back hian penalty area-a a tluk der avangin yellow card a chawi leh a, hnawhchhuah a ni.
Hemi hnu hian Arsenal game a rawn dik chho leh a, Xhaka chuan long-ball dik tak taka vawrhkualin Chelsea midfielder te khel chhe lo mah se, Gunner midfielder te an khelh that em avangin an che hlei thei lo.

A kim lova an khelh hnuah Chelsea player a tang zual thung a, thinrim avanga vawi engemaw zat meng dur tawh Diego Costa an si phurh a sut. Ospina aiah Cech ding ta zawk se a beng per hman ngeiin a rinawm.

He goal avang hian Chelsea lawm mah se an lawm rei lo, minute 2 hnu lekah duh hun huna goal thun thei awm hrimin Gunner tan Ramsey chuan a rawn tauh goal a, kum 2014 FA Cup final-a Hull City lama chakna goal a thun ang thovin hei hi chakna goal a ni ta (mi lar an thi lo turah ngai ang).

Arsenal vanneih ni nise zawng hei aia tam zawk goal thun ngei tur an ni a, Mesut Ozil chuan 6 yard box atangin goal ban a la pet per cheu a, Bellerin leh Xhaka ten an hun tha an khawhral bawk.

Chak lo tur zawka tlang rin Arsenal hian chak phu takin an khel tluan a, an player zawng zawng an khel tha.

An defender pawimawh Laurent Koscielny, Shkodran Mustafi leh Gabriel te an chhawr theih loh avangin centre-back Per Mertesacker chu tun season-a a vawikhat na’n a inlan a, Sele ang maia tal na Costa hup bettu ber a ni. A khel kha a nihin a ni thlap. Tihian, tun season-ah match 1 khat khelin a khelh chhunah trophy a chawi!

Mertesacker-a dinpui Arsenal defender Rob Holding a khel tha leh pek hle bawk a, a khelh dan en chuan English defender kum 20 mi hi £43.5m man awm vel niin a takah erawh £2 man lek a ni .

Formation inang team 2 te inkhel khaikhawm na’n chuan : An position theuha khaikhinin, goalkeeper tih chauh lohvah chuan Chelsea player ten Arsenal player te an tluk lo vek a ni ber.