Blue is the colour. Chelsea is the name. Inrinni zana FA Cup final khelh hunah London club Chelsea FC hi ‘home team’ tur an ni a, Wembley stadium-ah an fans te hmaa tlawm an hreh khawp ang. Chelsea hi Europe-a English team ‘nil’ tur veng a final hial lut an ni a, Europe-a rorel lai  Barcelona petchhuaktu an ni. FA Cup champion tuma an kalna kawngah English football a history nei ropui ber Liverpool an lo ding dawn a, London khawpuiah a pawl hian a sen hneh thei tak ang maw? Chelsea fan ruh Nathaniel Lalnghinglova ngaihdan hi han chhiar ve teh le.

Nathaniel Lalnghinglova (Nathan)

ZoFooty: Q1. A hmasain i chanchin tawitein min lo hrilh thei angem?

Nathan: Nathaniel Lalnghinglova Lahnim ka ni a, BE (computer science) zirlai, Chelsea fan ruh ve tak mai leh football manager game tuipui tak ka ni bawk. Inkhelh takah erawh hi chuan ka laktlak lutuk lo thung.

ZoFooty: Q2. Liverpool i hmuh dan, thumal 3 lekin min hrilh thei angem?

Nathan: Ninawm, ngeiawm, hmelma (UCL ah min ti tla ve ziaha, Premier League-ah lah kan hneh ṭha thei lo ve ṭhin khanglanga)

ZoFooty: Q3. Tun dinhmunah, Liverpool aia Chelsea chungnun zawkna leh ṭhat loh zawkna nia i hriat.

Nathan: Tun dinhmunah hi chuan Liverpool aiin kawng engkimah kan ṭha zawkin ka hria, kan khelh dan erawh hi chu a hmuhnawm hranpa vak lo ka ti. Liverpool hi chu keini aiin an gameplay hi a fluid deuh hlek em aw ka tia, mahse kan playstyle erawh hi chu a inang viau e.

ZoFooty: Q4. Liverpool player zingah tunge ven uluk ngai ber tur nia i rin? Manager ni ta la, he player dang tur hian engtinnge i inbuatsaih ang?

Nathan: Liverpool player ah chuan Luiz Suarez hi a hlauhawm berin ka hria. A “off the ball movement hi” a ṭha a, a finishing a nep vak lem lo bawk nen dan beh ngai ber turah ka ngai.

He pa han shut off tak tak tur chuan defensive midfielder ten an isolate ṭhat a, ball supply an tihtawp sak a ṭulin ka hria.

ZoFooty: Q5. FA Cup final-ah hian Fernando Torres leh Luis Suarez te hi inthleng thei dawn ta sela, tunge Chelsea-a khel turin i thlan ang?

Nathan: Torres leee…QPR laka a chet dan khan a rawn che leh ngei dawn e (hattrick)

ZoFooty: Q6. Chelsea manager ni la, Liverpool hneh thei turin eng formation nge i hman ang? I first XI tur tutenge?

Nathan: Ka formation tur chu 4-5-1 ani anga, ka first XI tur te chu:

Cech; Ivanovic, Terry, Luiz, Cole; Essien, Lampard, Ramires; Mata, Malouda, Torres.

ZoFooty: Q7. Liverpool player zingah tunge i ṭan/duh ber a, tunge i huat/ngei ber?

Nathan: Team dang player han huat hranpa vak ka nei lo, ka team aia ka ṭan zawk an awm lo bawk( team dang khel tur chu nise  ṭan zawng te chu ka nei ṭhin)

ZoFooty: Q8. Chelsea leh Liverpool inkhel i en tawh zinga hmuhnawm i la tih ber?

Nathan: Eng kum tak nge chu ka hre tawh chiah lova, Robben te ho la awm lai kha a nia- chumi game ah chuan Robben-a’n a pet goal lawm lutuk a kawr a phelh a, yellow card a hmuh na kha. Drogba-a’n Reina man tur a lo head khalhna game nen khan game inang a nih leh nihloh chu ka hrechiang tawh lo.

ZoFooty: Q9. FA Cup leh Champions League final luhpui theitu Roberto di Matteo hi season thara Chelsea manager ni chhunzawm turin i ringtawk em?

Nathan: Ringtawk. Player te pawh a kaihhruaina hnuaiah an confident sawtin ka hria a, an hlim hlawm bawkin ka hria.

ZoFooty: Q10. He match a inveng turte zingah tute inveng tur hi nge pawimawh/hmuhnawm ber tur nia i rin?

Nathan: Chelsea leh Liverpool te hi attacking potential nei ṭha lutuk ve ve an ni a. attacking player tute pawh hi an hlauhawm lutuk tlat a ni. Suarez hi a pit/lawr leh deuh thut thut ṭhin a( a finishing a nep lo), Liverpool midfield in ball ṭha deuh deuh an siam reng a, chutah an winger te crossing a accurate angreng fu ṭhin bawk nen, hemi piah lamah longshot ah an la hlauhawm phian bawk. Chelsea lamah ve erawh thung- Mata hian defence a pawtbuai hneh ve bawk a, Lampard longshot leh Malouda cross +  ramires(the new threat) leh Torres (returning  form ) an awm bawk(Torres hlauhawm theih zia hi chu sawi vak pawh ngaiin ka hre lo).

Kan defender te hi England ah chuan zahpuiawm loh berte zinga mi niin-Liverpool tunlai form hi ṭha lo mahse, cup ania, Liverpool hi cup ah hian an khel chhe ngai lo. World class keeper an awm ve ve bawk nen, hemi team pahnih te insu tur hi chu a hmuhnawm leh ngawt ang.

ZoFooty: Q11. FA Cup final score prediction tur nia i rin?

Nathan: Chelsea 2-1 Liverpool

ZoFooty: Q12 . zofooty.com i hmuh dan tawite..

Nathan: Tualchhung(mizoram), India ramchhung leh kan thlir ber EPL bakah Europe leh khawvel football chanchin leh thuthang te dedicate taka mahni ṭawng ngeia tarlang tu sports website bik liau liau “Zofooty.com” in  lo din hi lawmawm ka tiin, admin zawng zawng ten in hun awl neih an gang a in lo enkawl na te leh in remhriatna (initiative)leh in inpumpekna hi a fakawm ka ti.

ZoFooty: Q13. I hun hlu tak min pe a, kan lawm e.

Nathan: Keipawh ka lawm e.