FA Cup round 3-na match zinga upset nasa ber chu Swindon-in Wigan 2-1 a an hneh hi a ni ngei ang. League Two club Swindon hian Premier League club Wigan hi County Ground-ah an lo mkhual a. Wigan hian chance nei hmasa zawkin, Callum McManaman chu penalty box-ah an pawh thluk avangin Wigan-in penalty an hlawh a, mahse Ben Watson chuan a pet goal tlat lo. Mahse penalty hlawhtu McManaman chuan ball rawn let leh chu a pet goal ta tho va, chawlhlawk hmain 1-0 in hma an hruai a. First-half tawp hmain minute 5 a la awm tihah Swindon tan Alan Connell chuan an si phurh sut nan a head goal ve leh tlat.
Minute 76-naah Paul Benson chuan Swindon tan goal a rawn khung leh a, an chakpui. Swindon hi Premier League star hlui Paolo Di Canio enkawl niin, tun tum hi kum 16 hnua FA Cup round 4-na an thlen leh vawikhatna a ni.
Bolton an chak lo teuh hle a, League Two club tho Mcclesfield nen 2-2 in an in draw. He inkhelah hian Bolton hian Ivan Klasnic goal hmangin hma an hruai a, mahse rei lo teah Colun Daniel chuan an si phurh a rawn sut a. Yard 25 atangin Arnaud Mendy chuan goal khungin Mcclesfield-in hma an hruai leh hnuah Bolton tan David Wheater chuan an si phurh a rawn sut leh a ni.
QPR leh League One club MK Dons 1-1 in an in draw a. MK tan Dean Bowditch-a’n goal a khung hnuah WPR tan Heidar Helguson chuan minute 89-naah an si phurh a sut hram a ni.
Newcastle erawh 2-1 in Blackburn lakah an chak thung a. Blackburn hian minute 35-naah David Goodwillie hmangin hma an hruai a. Second half minute 70-naah Hatem Ben Arfa chuan an si phurh a sut a, hun pek belhah Jonas Gutierrez chuan chakna goal a khung hram a ni.
Tottenham chuan 3-0 in Cheltenham an hneh a, Jermain Defoe, Roman Pavlyuchenko leh Giovani Dos Santos ten goal an khung a. Swansea pawhin si an phurh hnuah Championship club Oakwell chu 4-2 in an hneh let bawk.
Inkhel dangah West Brom-in 4-2 in Cardiff an hneh a, Everton-in Tamworth 2-0 in an hneh a. Stoke pawhin si an phurh hnuah League Two club Gillingham 3-1 in an hneh bawk a. Fulham chuan 4-0 in Charlton an hneh a, Clint Dempsey chuan hat-trick a siam.
Norwich pawhin 4-1 in Burnley an hneh a, Wolves leh Championship club Birmingham goal awm lova in draw-in, Aston Villa chuan Bristol Rovers 3-1 in an hneh bawk a. League Two hmahruaitu Crawley Town chuan Championship club Bristol City 1-0 in an hneh bawk a. League One club Stevenage pawhin Championship club Reading chu 1-0 a hnehin an la kal ve zel bawk a. Wrexham leh Brighton 1-1 in an in draw a, League One club Notts County-in Championship club che chhia Doncaster 2-0 in an hneh a. Southampton erawh 2-1 in Coventry lakah an chak thung.
Inkhel dang result:
Blackpool 5-1 Fleetwood
Hull 3-1 Ipswich
Watford 4-2 Bradford
Derby 1-0 Crystal Palace
Middlesbrough 1-0 Shrewsbury
Notiangham Forest 0-0 Leicester
Sheffield United 3-1 Salisbury
cialis dosage 40 mg
buy cialis
Buy real viagra
Buy viagra without a prescription
Good post.. ‘FA cup kan khelh ve thin lai te kha chuan….” tia ka fapa ka hrilh lo tur ringawt pawh hi ka indem ngawih2 a ni.. FA hi kan ngaihlu tawk tawhlo tlt in ka hria (duh aiin).
Good Post.. A bengvarthlak e.. Giovani Dos Santos hming pawh ka hre thar leh e, hepa hi chu a vanduai ka ti tlat.. FA Cup ropui ka tih em em na chu a upat lam niloin upset a awm thin na hi a ni teh tlat.. ‘Game a nia, a sawi lawk theih loh’ tih hi a dik bikin ka hre thin..