Zanin ah FA Cup khel chhunzawm a ni a, nizan match hnih ah result a awmlo ve ve a, zan in erawh a dang ta. Chelsea in Championship division a mi Leicester City 5-2 in an sawp a. Liverpool in an mikhual Stoke City 2-1 in an hneh bawk.

Harhtharna chang Chelsea leh Torres!! :
Chelsea in an khelmual Stamford Bridge ah Leicester City an mikhual a Villas Boas chhuahsan hnu ah match 4 ah vawi 4 chak na tur in 5-2 in an mikhual an sawp.Chelsea goal hmasa ber hi an defender leithar Gary Cahill chuan mawi tak in min 11 ah a thun a, min 18 ah Solomon Kalou chuan an thun ve leh nghal bawk. Chelsea in game an kaihhruai hle a, goal dang awmlo in 1st half a tawp.

2nd half an tan a Chelsea lam in ball an chang tam zawk a, ball an nawr pawh a na thin hle. Min 67′ ah Chelsea striker man to Torres chuan goal a thun ta. A teammate ten an lawmpui nasa hle.Leicester City an zam biklo a min 77′ ah Jerome Beckford chuan Chelsea defending chhe kar ah a thun ve hlauh. Min 85′ ah Torres chuan thawhrim rah seng in goal a khung leh bawk. Min 89′ ah Leicester City tan B Marshall chuan a khung ve leh a, beiseina tibo leh zual turin R Meireiles chuan min 90′ Chelsea tan a khung leh a Chelsea chuang tak in an tlang ta a ni.

AVB an ban hnu ah Chelsea team an chetha tulh tulh a, zan in a ti goal tu te hi UCL round of 16 ah Napoli 4-1 an hneh tum a ti goal tu te an tello vek a, Chelsea hian pet goal thei an nghal tih an tarlang leh ta. Player tha tak tak awmkhawm an ni bawk , Cup 2 chawi thei dinhmun ah an ding ti ila player quality en chuan kan sawi lawk ngam tho awm e!!

Liverpool tan Suarez leh Downing goal ropui a tawk!! :
Liverpool in Anfield ah 2011 FA Cup Finalist Stoke City an lo mikhual a, an home ah hi chuan keipui ang hlauh an ni bawk a, game tan tirh atang in Liverpool game a tha nghal hle. Liverpool tan an striker Luiz Suarez chuan mawi mang kheng in min23′ ah a pet goal a. Anfield boruak a tha nghal ham ham hle. Stoke City an insiam tha nghal a, Peter Crouch chuan a san advantage ah hmang in chiang tak in min 26′ ah a head goal ve nghal a. Liverpool in nawr zui viau mahse 1st half ah Showcross leh a ho ten Stoke City goal an chhanhim thei.

2nd half ah Liverpool bawk in game an thunun a, Suarez, Andy Carroll,Downing leh Gerrard te combination a tha thei hle. Liverpool naupang pahnih Martin Kelly leh Jay Spearing te fak thlak khawp in an khel tha bawk, Enrique pawh dan pangngaiin a kheltha hle. Min 57′ ah Liverpool team goal ropui tak kan hmu a, Downing chuan Liverpool tan a goal 1 nan mawi leh chiang tak in a pet goal a, in nawr tawn zak zak thin mahse goal dang a awm belh lova Liverpool in Semi Final an lut ta a ni.

Nizan lamah Everton leh Sunderland 1-1 in an lo indraw tawh a, replay an khel leh dawn a. Tottenham leh Bolton inkhel ah Muamba a tluk avangin match suspend a ni bawk a. Fixture hi draw nghal a ni a, an intum dan tur :

Liverpool vs Everton/Sunderland 14 Apr 9:30pm
Tottenham/Bolton vs Chelsea 14 Apr 9:30pm