England-a football thuneitu sâng Football Association chuan ‘racism’ thubuai avanga chhui mek John Terry chuan England captain a nihna a chhunzawm tur thu an puang. November thlaa Spain leh Sweeden te nen friendly match an khelh hunah pawh England captain a ni ang.

Terry buaina

Chelsea captain John Terry hian tunah hian ‘racism’ thubuai a awrh mek a, QPR nen Premier League match an khelh ṭumin QPR  defender Anton Ferdinand chu a vunrawng chungchanga mawilo taka ṭawngkhum nia puh a ni. Hei hi Terry chuan a pha nasa hle a, mahse Football Association leh Metropolitan Police ten he thil thleng chungchang hi an chhui mek a ni.

Hetia chhui mek a nih vang hian England captain a nihna aṭanga paihthlak a ni maithei niin thuthang a awm hman a, mahse thutâwp engmah a la awm loh avangin FA chuan captain a nihna hi hlihsak a nih loh tur thu an puang a ni. Finfiahna a awm a, Terry an puhna hi a dik a nih chuan an ngaihtuah nawn leh tur thu an sawi thung.

Terry hian thiam a chang a nih pawhin Spain leh Sweeden an tum hunah Capello hian a thlang kher lo maithei. Mahse hei hi chu a buai vang ni lovin, player naupang leh khel khât deuh te chance a pek a rinawm vang zawk a ni.

source: rte.ie