Zirtawpni khan FA in England captain John Terry chu a captain nihna an hlihsak thu kan rawn tarlang tawh a. Tunah erawh FA in England coach Fabio Capello an ban mai theih thu kan tarlang ve thung ang.
John Terry kha England captain nihna hlihsak anih dawn khan FA chuan Capello hi a be lova, meeting-ah pawh a telh lo a ni. Tin, Capello hian a chung thu rel fel anih hma chu thiam loh chantir ringawt tur anih loh thu a lo sawi tawh bawk anih kha. FA chu a la ngawi a mahse he Italian pa tawng duh ve tak hian FA demna thu a sawi leh a, FA a cho chhuak a ni ber mai.
Capello chuan “John Terry-a chunga FA thiltih dan hi ka dem a, July ni 9-ah a chungthu hi court-ah ngaihtuah tur chauh a ni a, chuvang chuan court-in thuthlukna a siam hmaa hetianga FA in John Terry captain nihna an lo hlihsak mai hi ka pawmpui ve thei lova, keichuan captain-ah ka la ngai reng tho a ni” a ti. Hei mai hi duhtawk lovin Capello chuan “ FA Chairman David Bernstein pawh ka titi pui tawh a. Terry hi court-in thiam loh an chantir hma chu mimal leh sport lama thuneitu te’n thiam loh lo chantir ve ngawt chi niin ka hre lo tiin ka hrilh a. Chuvang chuan Terry hi captain a la ni tur a ni” tiin a sawi bawk.
Capello thilsawi vang hian FA chu a lungawi lo hle a. Capello chungthu hi an ngaihtuah dawn a ni. FA Executive Director hlui David Davies pawh a tawngchhuak a. “FA-a hruaitu hlun te nen hemi chungchang hi kan sawi ho tawh a, FA hian he thil hi a ngai serious hle a, a ngawih bo pui mai mai dawn lova, a contract paw’n a tuar phah mai thei a ni” tiin a sawi.
Capello hi tunkar chhungin FA Chairman David Bernstein hmu tura tih a ni a. Holland nen friendly match khel tur te an ni a. Tin, Euro khel tur an ni bawk a, captain nilai Terry-a a captain nihna an hlihsak tawh bawk a, Capello an ban leh anih chuan England team boruak a chhiat phah hle thei a. Chuvang chuan FA hian engtinnge Capello hi an tih chiah dawn hriat a chakawm tawh khawp mai.
Tin, England captain tur hian Rio Ferdinand leh Steven Gerrard-a hming a rawn lang nghal a. Mahse Ferdinand chuan a duh loh thu a lo sawi tawh a, Euro-ah hian tu hi nge England captain tura i rin?
Capello hian England team hi kum li zet chu a enkawl ve tawh a. 2008 atang khan England team hi a enkawl tan a. February ni 6, 2008 khan England chu match hmasa ber khelh puiin Switzerland an tum a ni.
otc cialis
where to buy cialis
viagra buy online
Buy online viagra
an va cherang ve a FA chu…. Mahse England tan chuan a thawk thra ka ti! Capello chu ka tran chuang miahlo a, mce an thlak tak rau2ah chuan poi ka ti em2 hranlo a chhan chu Redknapp hi a beiseiwm tho hmel ka ti! amah pawh hian a huphurh em2 ka ringlo…
[…] hian Terry a chhanna lamah FA a cho chhuah thu kan sawi tawh a. A hrechiang duh tan HETAH hian a en leh theih a […]
Gerrard hi a tha…mahse Liverpool ang em2 chuan an thatpui chuang lo ang…ti ve ngawt ila…:)
Gerard du tu in tam bera,ka lo hril dwn nia.coach ah hian sir,alex te hi han swm ve se w..
Terry an ban hi a tha ka ti…. Euro-ah pawh hian te tir lo se an thatpui zawk ka ring..
Capello ban se wenger la se ka ti..hehe..england hi zawng ka tan ve vak lova,mahse kan en tam ber a ni tlat lawi si a…captain chu(h) gerrard ni ta se,inhliam hi dam leh hleithei lo ta se, thlak leh a ngai ngei ang…mahse a tha ber tur chu gerrard a ni mai..or…rooney…..rooney lah hi Euro group stage khel tlem dawn bawk si….
Kei chu capelllo hi ban se ka tih na rei tawh mai, capt. ah chuan Gerrad aia tha an awm lo
Nia, Gerrard hi a fuh ber ang ka ring.
Gerrard ka duh e..
Team khai dig tur cuan Gerrard h England cuan an that pui ber ag
Keipawh Gerrard ka duh e.
Gerrard captain ve twh se…k tran chuaglo nanga… 🙂
Gerrard captain se o. England ka tan phah mial mahna
haha nia, duh aiin a pa mah mah a , a pawi thui ang tih a hlauhawm khawp mai 🙂
Ha5,good post,capelo hi chu apa ve thei khawp mai,buaina nei chu capt. atan chuan an tha ka ti chuang miahlo na a,coach an rawnlo khi an ngei awm ve,Gerrad ava awm ve
Court-in thiam loh a chantir hma a Captain nihna lo hlihsak ringawt chu a diklo deuh a ni, Capello sawi khi ka tawm pui e.
Gerrard hi tha kati ber England captain atan chuan,Liverpool game en thin chuan inhre vek ang,hetiang team tana inpe(selfish boksilo) hi an vang viau asin
Good post!! Rooney hi chu leadership quality hi a nei tha viau lova.. Gerrard hi nia a rinawm ber Ferdinand nen.
hehe nia, rooney hi capt mai se a tha ang se Gerrard ka ring ber.
le le le le….wayne rooney captain rwh se