Tunkar tâwpa English Premier League match ‘pui’ ber chu Arsenal vs Liverpool hi a ni awm e. ZoFooty chuan he inkhel thlirlawk nan Arsenal fan Lalchhandama Fanai leh Liverpool fan Hanji Eun Kop (nickname) te chu a kâwm a, ZoFooties ten ngaihnawm in tih ve ngei kan ring e. An ngaihdan hi in ngaihdan a ni ve em?
(Note: Facebook lamah i biak duh chuan a hnuaia an hming hi click rawh le).
ZoFooty Admin: Q1. A hmasain i chanchin tawitein min lo hrilh thei angem?
ChD-a (Arsenal): Football ngaina tak ka ni a, Invincible Arsenal-in hneh loh nei lova lallukhumkankhum ṭum phei kha chuan game zawng zawng deuhthaw ka en… Arsenal khel a nih chuan zan rei ka sawi lo…
Kop (Liverpool): Tun ah hian Aizawl Chawnpui vengah kan khawsa mek. Sport hi ka ngaina em em a, a bikin football hi ka game ngaihsan leh tuipui ber ani.
ZoFooty Admin: Q2. Arsenal vs Liverpool match i en tawha hmuhnawm i la tih ber.
ChD-a (Arsenal): Arshavin-an hattrick asiam ṭuma an inkhel kha a hmuhnawm ka ti khawp mai. Liverpool ber kher hi chu eng teh ualah ka ngaih loh vang nge, Arsenal nena an inkhel hi ka mitthlaah a cham zui vak lo… hneh sa turah ka ruat tawp mai.
Kop (Liverpool): Arsenal leh Liverpool match ka en tawh a hmuhnawm ka tih ber chu April ni 21, 2008 a 4-4 a an in draw ṭum kha a ni. A chhan chu kha match ah khan goal a lut tam a. Game hrim hrim ah poh an in hnehtawk em em a, hun tawp thleng khan an ṭang em em reng a. kha match kha chu a hmuhnawm ka ti ani. 🙂
ZoFooty Admin: Q3. Zanin a chak tura i rin zawk? Engvangin nge?
ChD-a (Arsenal): Arsenal le. Arsenal hi an chak loh ka ring ngai lo hrim hrim. Kan passing game hi an game-in a phak hlawl lo…
Kop (Liverpool): Liverpool FC ngat le..
Tun a team 2 te players dinhmun khaikhin hi chuan, Liverpool FC kan chak ka ring. A chhan chu, an squad han en ila, Liverpool midfield leh Arsenal midfield khaikhin hian Henderson, Adams,Lucas, Downing te ho han dang chat thei tur player ṭha an nei lo. Player pawimawh an khel thei lo nual dawn a, Diaby, Ramsey, Wallcot leh Arshavin an ni deuh mai a. Heng ho hian Liverpool midfield hi an hneh ka ring lo hrim hrim. Tin, an defence line hi a buai dawn chiang bawk a, ṭhiah chu an awlsam hle dawn ni in a lang.
ZoFooty Admin: Q4. Zaninah lehlam pawlah hian tunge hlauhawm ber tur nia i rin?
ChD-a (Arsenal): Dirk Kuyt hian a taimak rah a seng ve leh khut thin a, chutiang thulah chuan a ni hi a hlauhawm deuh ber ang
Kop (Liverpool): Van Persie leh Arshavin hi chu an khel chhe hle anih loh chuan ven ngai hle tur ah ka ngai. A bik tak in Arshavin hi a game a ṭha a, a ball drop a dik a, a pet goal thei em em bawk. Arshavin leh Van Persie kan dah nil chuan kan lamah goal a luh ka ring lo.
ZoFooty Admin: Q5. In tumpui tur aṭang hian player pakhat lei thei dawn la, i team a khelturintunge i thlan ang?
ChD-a (Arsenal): Suarez hi ka thlang ang
Kop (Liverpool): Tun a kan players te han en hi chuan a lungawi thlak viau a. Mahse kan lei thei dawn ngaite anih chuan Van Persie ka thlang ang.
ZoFooty Admin: Q6. Zaninah hian tunge i team tân player pawimawh ber tur ni a i rin?
ChD-a (Arsenal): Arsenal hian team game an khel a chuvang chuan pawimawh ber tur hriat a har ka ti… midfielder-te an pawimawh ber ang…
Kop (Liverpool): Football hi teamwork a ni a, player tin te an position ṭheuh ah an pawimawh ber vek. Mahse mimal ang zawng a min zawh tak ah chuan Luiz Suarez hi a pawimawh dawn in ka hria. Ball a thiam a, amah a chak bawk a, a finishing a tha em em bawk. An check deuh bik ka ring a, an check na lam ah midang in chance an hmuh phah thei bawk.
ZoFooty Admin: Q7. Arsene Wenger leh Kenny Dalglish te hi inthleng thei dawn ta sela, tunge i team enkawl turin i thlan ang?
ChD-a (Arsenal): Arsene Wenger le… The Professor te chu tu pawhin an thlang ang chu le…
Kop (Liverpool): Liverpool enkawl tur chuan Kenny Daglish aia duh ka nei lo. Club in a mamawh tak player a lalut thiam a, A naute ho hi a enkawl thiam em em bawk a. Tun hnai a liverpool a enkawl chhung reilo te ah pawh hma kan sawn nasa em em a, Khawvel a Club hlauhawm ber te zing ah min hlangchhuak leh nghal ani. Liverpool FC enkawl tur chuan ani aia tha ka hmulo ani ber e.
ZoFooty Admin: Q8. Lehlam aia i team te ṭhat zawkna lai leh ṭhat loh zawkna lai nia i hriat.
ChD-a (Arsenal): Midfield-ah kan ṭha zawk ang a, defence-ah hian ka tlemin kan pan deuh mahna…
Kop (Liverpool): Tun dinhmunah chuan engkimah kan ṭha zawk ka ti. Player inhliam 2 chiah kan nei a, adang zawng chu khel thei vek an ni. Arsenal chu an team an buai a, an player pawimawh ber, an captain ni bawk Fabregas a chhuak a. Tin, an player pawimawh Rosicky, Song, Wilshere leh Gervinho an khel thei dawn lo bawk a, player thlan tur a nei tlem em em ani. Arsenal striker te dang chat tur in kan defence line hi an tha ṭawk bawk a. Counter attack ah lah kan ṭha bawk .Kawng engkimah kan kan ṭha zawk ka ti ka ngaihdan chuan.
Tun dinhmun ah chun Arsenal aia Liverpool kan that loh zawk na sawi tur ka hre lo.
ZoFooty Admin: Q9. May 2012 ah Premier League-a Arsenal lehLiverpoolposition tur?
ChD-a (Arsenal): No. 1 ni thei ila duhthusam… mahse game chu game a nia, sawi lawk chiam mi ka ni lo…
Kop (Liverpool): 1. Liverpool, 5. Arsenal
ZoFooty Admin: Q10. In tumpui tur team i ngaihsanna lai leh i dahhniamna lai.
ChD-a (Arsenal): History ropui tak an nei hi an chhuanawm viau a, an fighting spirit hi a ngaihsanawm… Mahse Liverpool fans ho titipui apianga an history bak sawi tur an hre lo hi ka kawm peih lohna chhan pakhat a nia. Hmanlai English Football – ‘pet vaka um vak’ tih vel hi ṭhing ka ti…
Kop (Liverpool): An ngaihsanawm na lai ka tih chu an player tam zawk hi chu naupang tak tak leh experience nei tlêm tak an ni a, heti chunga top 4 a an lang reng thei te, passing game mawi tak an khel ṭhin te hian an ṭanrual zia a ti lang a, an ngaihsanawm ka ti.
Mahse Pressure hi an zo tawk lo ka ti. Tin, an captain arm band hreng pha ngat leh an player pawimawh ber te an hralh chuak fo ṭhin hi chu club management lamah harsatna an nei emaw ni chu ka ti ve fo. Players naupang tak tak ṭha tak tak in an chher chhuak a,mahse hmang hman lo a an hralh leh fo ṭhin te pawh hi ngaihtuahna a ti thui duh khawp mai
ZoFooty Admin: Q11. Tun dinhmuna Liverpool leh Arsenal combined XI.
ChD-a (Arsenal): Goalkeeper : Reina; Defence : Vermaelen, Agger, Sagna, Johnson; Midfield : Gervinho, Wilshere, Song, Ramsey (Nasri?); Striker : Suarez, Van Persie
Kop (Liverpool): Formation 4-4-2 : GK. Reyna; (Lb)Carragher (cb)Agger, SKRTEL (rb)G.Johnson; (lm)Downing (cm) wilshere, Gerrard (rm)Arshavin; (st) Suarez, Van Persie
ZoFooty Admin: Q12. Zaninah huntâwpa score tur chu..?
ChD-a (Arsenal): Kanchak ngei ka beisei a, a score erawh ka sawi lawk ngai lem lo…(sorry…)
Kop (Liverpool): Arsenal 0-2 Liverpool
ZoFooty Admin: Q13. ZoFooty i hmuh dan tawi te…
ChD-a (Arsenal): Ka ‘Like’ nghal pawp mai.. 🙂 a page a mawihnai… hei ai hian in la tihmawi leh theih ka ring… hehe…
Kop (Liverpool): Zawhna ṭha tak ani :-). ZoFooty hi ṭha ka ti. Mizo Sport lama tui mi ten mahni ṭawng hmang ngei a thu thar tak tak kan chhiar theihna anih avang in ka ngaisang in ka hlut em em bawk. Mizote tan chuan rahbi thar kan chuangkai in ka hria. In kal leh zelna tur ah duhsakna ka hlan a che u.
ZoFooty Admin: Q14. I hun hlu tak min pe a,kan lawm e.
ChD-a (Arsenal): Keipawh le..
Kop (Liverpool): Keipawh ka lawm e.
generic cialis cost
cialis 20mg
viagra once daily
Free viagra samples
Cop nula chu ring dik ve, inlarna hmu mi ?
Arsenal Chu in chak ta em? kkekekekek
Emirates ah meuh in chak bok a ka lompui khop mai che u Hanji. Mahse, k rin aiin in inkhel tok ka tia arsenal squad an that loh ngaihtuah in. Khoi lai kha nge in siam that ngai deuh a i hriat? Entirnan midfield ah khan ro in rel bik miahlo a… I ngaihdan ka va se chak ve…
2-0
Anfield-a inkhel tur chu ni se Liverpool hi chak turah ka ngai deuh. Mahse Arsenal hian home advantage an nei dawn a, an phur viau ang.
Chumaibakah Fabregas leh Nasri te an chân ve ve a nih phei chuan a la awm ho hi a hma aia nasa daihin an ṭang dawn a, an ṭha tawk tih tihlan an tum ngei ang. Hei hi an ṭhat phah ve tlat thei bawk.
E khai!!! Archhenal Pa chuan KOP nula a hnehlo a va ang ve… Thudiktak a sawi ang zet2 reuh a, Mipa zawk thusawi ah khian han point out deuh nalh tur a ve wm ve lo ve.. mipa min ti mualpho lek2 in ka hria, a lan dan ahchuan khi nula khi Football ah a ril jok hmel tlat. Tin k ngaihdan tlem ka lo soi ve lok, Arsenal leh liverpool hi an inkhel tok thin angreng hle a, mahse tun trum ah hi cuan Arsenal hian an khan lo deuh ang ka ring. hun kal toh a in inkhelhna cu a liam tohj. mahse voin a in inkhelh tur hi a poimoh, Player te en chuan Liverpool ka thlang jok tun a match inkhelh tur ah hi cuan.
KOP nula te reuh chu a sawi dik phian. Khi zawhna khi min zawt ve se chu a chhan ang deuh tho khian ka chhan ka ring. Hemi te 2 team ka thlir hian a buai tur zawk chu rin dan ka nei nghal. Midfield ah chuan liverpool an tha zawk ka t ve tlat, gerrard tih loh khel thei vek an ni a, Arsenal ve cu an midfield khaikhom tu Cesc a om toh bok c lo. Big match khel tur cuan a midfielder khel thei a neih ho hi ka ring tok lo. A fight in an fight ngei ka ring a liverpool ho hian, Tharum nen an nawr tur hi Arsenal player ho hian an dan zawh k rig lo.
An thusawi a ngaihnawm angreng hle mai. Marawhchu Liverpool hi huphurh en a en tur chuan kan te tawk lo niin ka hria. Tuna squad hi pan viauin lang mahse an khelh tur hi Liv….pooooolllllll an ni tlat. I hlau lo phawts mai teh ang.
Zanin chu an inhnehtawk ka lo ring ve ringawt a. Arsenal hian field lai velah chuan passing game mawi tak an khel thei nameuh mai a, mahse lehlam pawl tana a hlauhawm chinah chiah hian an buai deuh ṭhinin ka hria. Liverpool midfield en in Arsenal aia an ṭhat bik em em na ka hre lo tlat.
Liverpool fan in van Persie ven a ngaih thu a sawi leh Arsenal fan in Suarez a huphurh khi chu ka thlawp e. An club chauh ni lo, lehlam pawl te pawh an hrechiang viauin a lang..
arsenal two zero in an chak ka ring
Arsenal fan ruhkawl ka ni e kei chu.
Keichu Arsenal an chak ka ring squad chu Liverpool in an neitha zawk pawh ani maithei mahse Liverpool hian Arsenal hi an thisen hian a ngamlo a ang tlat thin in ka hria an lo intum tawhna atangin btw ka tanlo ve ve ania haha
Thei top a in tan loh chuan min um pha thei lo ang.
Nasa takin tan la rawh u.
emirates cu a ngui ruai ag cu zanin cu le…:))
KOP nula nge nge, rilru i ti hahdam thin e. I thusoi zawng2 khi malsawmna ruah, vanneihna thlen tir tu a ni LFC tan. LFC ropui zual zel roh se
Ka hul e..
hahhahha puuuuuuul nula cu ka rim peih lo..history ah ka tui lo tlat football lam ah cuan….1 liv 5 ars a tih khi….an mahni can tur ni bok in kahria…champ league khal pha lo tok ciah in an ron kai leh ang livpuuul ho cu…..hahhahah.
A hmeichhia te hi a chhang hnem zawk zel reuh leh nghal a ka tan reuh tawp a bulah football chungchang sawi pah a rim ka chak !!:D 😀
Arsenal kan chak dawn…. Zawhna chhangtu rau2 ah mipa sawi khi a dik zawk ang… Liverpool chu khuuuuuuutah an awm dawn… 😀 GO!! GUNNERS!!