Kartawpah English Premier League 2011-2012 season a game ‘pui’ ber kan en dawn a, in ngaihdan he lo miah loa en kan ngam lo e. Manchester United fan ruh lutuk Gospel Ramdinmawia leh Arsenal nunpuitu kan kawmna hi in hmuh loh kan duh lo e.

(Note : Facebook lama hrechiang duh tân a hnuaia an hmingah hian a clik theih e)

Gospel Ramdinmawia (Gos-a)                                             Aslan Chama(Aslan)

ZoFooty Admin: Q1. A hmasain i chanchin tawitein min lo hrilh thei angem?

Gos-a (ManUtd): Ka hming chu Gospel Ramdinmawia a ni a, Chawnpui Veng, Aizawl ami ka ni. Tunah tak chuan Roorkee ah lehkha zirin ka awm mek.

Aslan (Arsenal): Tripura aṭanga seilian ka ni a, tunah hian zirna avangin Aizawlah ka awm mek a ni. Tunah hian football diktak min entir ṭhintu Arsenal fans ruhkawl ka ni.

ZoFooty Admin: Q2. ManUtd vs Arsenal a i prediction?

Gos-a (ManUtd):Gos-a: Tun dinhmun ah chuan kan (Man Utd) attacking player te leh Arsenal Defender te en mai chuan Arsenal hi a tlem berah goal thum tal chhuah thei dinhmuhah an ding. Tin, keini lamah hian Vidic te ho an khelh loh chuan goal khat chu kan chhuah ve thut thei. Man Utd 3-1 Arsenal hi ka prediction a ni e.

Aslan (Arsenal): Sawithiam mai a harsa ka ti..1-1 emaw, Man 1-2 Arsenal, anih ka ring.

ZoFooty Admin: Q3. He match ah hian khawilai nge key battle tur nia i hriat?

Gos-a (ManUtd): Kan attacking player te ho Nani,Young,Rooney leh Welbeck/Hernandez te hi chu Arsenal defense tlabal chuan an dang hneh kher lo ang. Chuvangin key battle vak a awm a rinawm loh Arsenal lamah chuan. Mahse Young a khelh a, Sagna a khelh bawk chuan an in check hle in ka ring. Kan lamah chuan kan defender naupang(Jones/Evans) leh Van Persie te in check hi a hmuhnawm khawp bawk ang.

Aslan (Arsenal): Midfield ah hian anin bei tawk hle turah ka ngai a, hei hi a pawimawh ber tur nia ka rin a ni. Manchester forward te an combination a ṭha a, Arsenal defender te nen an inbeih hle ka ring.

ZoFooty Admin: Q4. ManUtd vs Arsenal match i en tawha hmuhnawm i la tih ber.

Gos-a (ManUtd): Inkhelh en hi chu kan enpuite boruak a zir a ni thei bawk a. Ka hriat theih chin ah chuan nuam leh hmuhnawm ka tih chu 2007-2008 season a FA cup ah 4-0 a kan sawp kha a ni e. Hostel a en kan ni a, kan tam bawk a, a nuam khawp mai.

Aslan (Arsenal): A kum tak ka hre tawhlo a, Henry-a goal hmanga Old Trafford ngei maia Arsenal in an hneh kha hmuhnawm ka tiin en nuam ka tih ber ala ni.

ZoFooty Admin: Q5.  He match ah hian lehlam pawlah tunge hlauhawm ber tur nia i rin?

Gos-a (ManUtd): Van Persie hi a hlauhawm lutuk loh nangin, hlauhawm ber thlan a ngaih tak si ah chuan a hlauhawm ber awm e.

Aslan (Arsenal): Tunlaiin Manchester United forward te an combination a ṭha hle a, a bik takin Rooney hi a hlauhawmin ven a ngaih ka ring

ZoFooty Admin: Q6. I team aṭangin player pakhat thlangchhuak la (first XI changpha ngei tur), lehlam team ah hralh ngai dawn ta se, tunge i thlan ang?

Gos-a (ManUtd): Keini lam hi chu ka in rotate kual nasa a, First XI chang chiang sa tur rin thiam a har. Park hi a ṭha em em tho nangin a upa ve tan tawh a, ani ka thlan mai ka ring. Arsenal in star player an tlakchham lai a lo ni lehzel bawk nen, an playmaker ah va ṭang se, an hlawkpui viau ang.

Aslan (Arsenal): Manchester United tan chuan Ramsey hi ka phal maithei.

ZoFooty Admin: Q7.  He match ah hian tunge i team tân player pawimawh ber tur ni a i rin?

Gos-a (ManUtd): Rooney hi a pawimawh berin ka ring. A khelh dan hi free role ang a ni tlangpui a, chuvangin ven a buaithlak ve ta viau ang Arsenal defence tlabal tan chuan. Goal khawi hmun atang pawhin a thun thei a, a ball sem a ṭha a, a assist leh thei zel bawk nen.

Aslan (Arsenal): Robin Van Persie ngei mai le. Ani hi Manchester United nen an khelh hian a khel ṭha thei hle a, ani hi kan team tana player pawimawh ber anih ka ring.

ZoFooty Admin: Q8.  Lehlam aia i team te ṭhat zawkna lai leh ṭhat loh zawkna lai nia i hriat.

Gos-a (ManUtd): Tun dinhmunah chuan kan chungnung lawr lak Arsenal lakah chuan, player inhliam an nei nual bawk nen. A position ang zawng chuan Arsenal hi Central midfield ah(inhliam awmlo ta se) an ṭha deuh maithei (Entirnan Wilshere leh Cleverly te, Carrick leh Song te). Mahse position dangah chuan chuan kan chungnung chiang a lawm,subtitute te thleng a en pawn.

Aslan (Arsenal): Tun dinhmunah chuan kan tlarhnung lam hi a pawp hrih khawp a..hei chiah hi Manchester aia kan panna lai chu ani. Mahse midfield ah chuan ro kan rel ngei ang tih ka ring.

ZoFooty Admin: Q9. May 2012 ah Premier League-a Arsenal leh Manchester United position tur?

Gos-a (ManUtd): Manchester United hi chu May 2011 a an awmna tho, 1 na an ni leh ang. Chutih laiin Arsenal hi an star player pahnih Fabregas leh Nasri ten Arsenal a an awm reng chuan nomawi la thei dinhmuna an din theih an inrinloh avangin an chhuahsan a ni a. Chuvangin ka ngaihdan chuan Liverpool hi palina ah dah ve hmiah ila, a dawtah Totenham chumi dawt lehah Arsenal awm se.

Aslan (Arsenal): May 2012 alo thlen meuh chuan Arsenal chu table lêr ah kan awm vang tawh ang a, Manchester United erawh Champions League khel pha tawk velin an tlahniam ang

ZoFooty Admin: Q10.  Tun dinhmuna Manchester United leh Arsenal combined XI.

Gos-a (ManUtd): Inhliam leh suspend ho telh ve ta ila. (4-4-2)Keeper: De Gea; Defender:Sagna,Ferdinand,Vidic,Evra; Midfield:Nani, Anderson, Wilshere,Young; Striker:Rooney,Hernandez

Aslan (Arsenal): (4-3-3) Goalkeeper: Szczesny; Defender:Sagna, Vermalean,Vidic, Rafael; Midfield: Ramsey, Fletcher, Wilshere;
Forwards: Van Persie, Rooney, Walcott.

ZoFooty Admin: Q11. Lehlam team a player i ṭan ber leh huat ber?

Gos-a (ManUtd): Arsenal ah chuan Wilshere hi a ṭha ka ti khawp mai. Huat em em chu ka nei lo a, mahse Alexander Song hi a chet mawi loh deuh chang a nei zeuh zeuh in ka hria.

Aslan (Arsenal): Manchester United player an nih tawh hrim hrim hi chuan ka hmuhdan a danglam nghal vek zel a. Nani tluka ngei hi ka nei kher lo ang..Vidic hi Manchester playerah chuan ka duh ber awm e.

ZoFooty Admin: Q12. Man of the match tur chu..?

Gos-a (ManUtd): Rooney hi tun dinhmunah chuan a khelh ṭhat ber ka ring. Tin, Nani hi Arsenal kan tum hian a khel ṭha thei hle bawk a, a awm ve tho ang.

Aslan (Arsenal): E khai, man of the match tur chu Arsenal ami ngei a nih ka ring. van Persie emaw Walcott an thlang ang.

ZoFooty Admin: Q13. ZoFooty i hmuh dan tawi te…

Gos-a (ManUtd): Hetiang site ṭha lutuk Mizo tawng ngei a chhiar tur a awm hi a lawmawmin a bengvar thlak ṭhin khawp mai. A bik takin Mizoram chhung lam news in dah thin hi a bengvar thlak lehzual. Tin, Mizoram football hmasawnna atana in thawhnaah duhsakna ka hlan a che u.

Aslan (Arsenal): ZoFooty hi ṭha ka tiin kan hlawkpui hle in ka hria a, mahni ṭawng ngeia hetianga khawvel football titi han sawiho ve theihna kan nei hi chhuanawm ka tiin a hlu takzet ani. A changkangin chhiar a manhla thei hle a, ZoFooty avang hian football chungchangah hriatna leh knowledge tam tak ka neih belh a ni. Duhsakna ka hlan takmeuh a, Zofate, football khawvela min phuarkhawmtu lo ni zel rawhse

ZoFooty Admin: Q14.  I hun hlu tak min pe a, kan lawm e.

Gos-a (ManUtd): Keipawh ka lawm e.

Aslan (Arsenal): Keipawh ka lawm e.