Fantasy Premier League : Engtin zel ?

Estimated read time 2 min read

Khawvel pum a Premier League ngainatute ngaihhlut leh inkhel an ngaihhlut chhan ber pakhat chu Fantasy Premier League (FPL) hi a ni ti ila dawt kan sawi kher lo ang.

He FPL – ah hian mi hrang hrang kan inel a, khawvel huap atanga veng chhung leh thianho thlengin ‘league’ siamin inelna thianghlim a siam theih vek a, ZoFooties te pawhin boruak nung takin WAVE ZoFooty FPL 2019/20 kan khel mek a nih hi.

Hri leng vanga Premier League chawlh a nih hnuah FPL khel thin te an khua a har a, ruahman lawk ang chuan thil kal se tun May ni 17 kha Gameweek 38 tawp hun tur a ni tawh asin mawle !

Hetiang hi thil awm dan a nih laiin Premier League club te’n vawiin atangin training an tan leh dawn a, inkhelh chhunzawm theih a nih chuan FPL pawh hi khelh chhunzawm theih a nih beiseiawm.

Tunhnai khan FPL chuan thuchhuah siamin,” FPL manager te’n dawhtheihna nen min nghah tlat avangin lawmthu kan sawi a. Thu thar a awm veleh rang takin kan rawn hriattir thin ang che u. FPL hi kan chhunzawm dawn a nih chuan chips in neih lai – Triple Captain, Bench Boost, Free Hit leh Wildcard te kha in nei chhunzawm leh dawn a ni,” tiin.

“Tun boruak hi mi tumahin kan beisei leh rin lawk loh thil a ni a, FPL manager te dawhtheihnaah lawmthu kan sawi e,” an ti bawk.

C Tlanthianghlima

Football tui ve tak

You May Also Like

More From Author