FC Barcelona 2-2 Chelsea (Agg. 2-3): Nou Camp ah goal leh mittui a sur!!!

Estimated read time 7 min read

Zan thiang reh lai tak ah Matteo leh a sipai 10 te chuan Barcelona khawpui run in, khawvel lak atanga daidangtu ‘kulh bang nghing ngailo’ an tih chu nasa taka beiin an sawinghing. English pachal thin in a diar tawh dawn lo emaw kan tih laiin Brazilian leh Spaniard pachal goal class zet  hmang in Chelsea FC chuan an si hnih phurh sa rul let in aggregate ah 3-2 in Europe a roreltu, FC Barcelona an hneh a, UEFA Champions Leaque final an in pet lut.

Inkhelh hma boruak :

Chelsea in 1st leg-ah 1-0 a hnehna an chan tawh avangin away ah an goal rangkachak humhim tumin an feh chhuak a. Hetih lai hian Barcelona erawh in goal engemawzah thun ngei tumin an mikhual lo dawnsawn an tum thung. Chelsea hian defensive a khelh rilruk deuh mahse away goal neih erawh an tum ruh ve hle niin a lang. Manager Matteo chuan 4-4-1-1 formation rawn hmangin Didier Drogba chu a maltlat tir a, attacking midfielder atan Frank Lampard a hmang thung. Barcelona erawh goal thun chak a tuihal ta na na chu huaisen takin Guardiola chuan, 3-4-3 formation a rawn hmang rep mai a. Gerrard Pique, Javier Mascherano leh Carles Puyol te defence line ah a dintir a ni. Gerrard Pique-a chu 25th mins ah a inhliam avangin Guardiola chuan a lachhuak a, heihi Barca chak lohna bulpui ber chu ni ta in a lang.

Team lineups :
Barcelona :
Valdes, Puyol, Pique (Alves 25’), Mascherano, Busquets, Xavi, Iniesta, Cuenca(Tello 68’), Fabregas(Keita 73’), Messi, Sanchez.

Chelsea: Cech, Gary Cahill(Bosingwa 10’), John Terry(Red Card 36’), A.Cole, Ivanovic, Mikel, Mereiles, Mata(Kalou), Lampard, Drogba (Torres 79’).

 

1st half : hliam 2, red card 1 leh goal 3

Dan pangai angin inkhel tan phat atangin Chelsea an phit tha hle a, amarawhchu rei an daih leh chuang lo. Minutes 10 lek ah Chelsea centre-back tha, Gary Cahill chuan a malpui tha a tihnat avangin lakchhuah a ni a, a hmunawl hnawh khat tur hian Matteo chuan Bosingwa a rawn luh tir a, Chelsea fans an zam ta kher mai. Barcelona in inkhel an thunun hle a, goal pawh an thun teuh thei kher mai. Barca goalkeeper Valdes chuan defender Gerrard Pique chu a lu ah a tauh palh hloh mai a, team damdawi thiam te hial koh luh ngai khop in a tha lova, amarawhchu hun rei lote chhung chu khelh chhunzawm tir a ni a, mahse 25th mins ah manager Guardiola chuan lachhuak in Dani Alvez a luhtir a, heihi Barca ho chuan an tuar phah ta niin a lang.

Barca in ball an chang tam a, midfield ah duhtawk in Xavi leh Iniesta te’n ball an in pe kual vel chu a hmuhnawm kher mai. Barca chuan Gary Cahill hmunawl lai chu remchang ah la in nawr nan an hmang tangkai hle a, 34th mins a nih meuh chuan Barca chuan an thawhrim rah sengin veilam kil sir atanga Joan Cuena ball cross tha lutuk chu Sergio Busquets chuan 10 yards atangin mam takin goal ah a thun lut a, Nou Camp ah fans thawm a tha kher mai. Chelsea players te Nou Camp boruak sa ta hnuai ah an khel a ulh tan a, hlauh ruk ang ngeiin 36th mins ah Captain John Terry chuan ball awm loh laiin Alexis Sanchez hnung lampang atanga a mal ah a khup in a do thluk avangin hnawhchhuah a ni a, hei erawh sawizui a hlawh nghal hle a ni.

Captain tellova khel Chelsea game a dul ta kher mai a, Barca lah an phur tulh tulh mai si! Chelsea in ball an chan chhun in an hloh zel a, field chan ve ah bawk inkhel kan en leh ta. Barca chuan kimlo Chelsea hmun awl hmang tangkaiin 43rd mins ah Lionel Messi pass tha zet atangin changtu neilo Andres Iniesta chuan hahdamthlak tak, mawi tak ni bawk si in goal ah a lo thun a, Nou Camp ah goal tam tak thun beisei Barca fans an pawr ta kher mai. Barca in goal 2 pawh chu la duhtawk zo lovin an nawr chhunzawm zel a, amarawhchu defence line an tihphui tawkloh rah sengin 45+1 mins ah Ramires chuan counter attack atanga Lapard a ball tha zet atang in mawi mang kheng in a chip goal a, Valdes a pawn a ngaihna a hrelo chiang kher mai. He goal atang hian Barca defence line pherh zia kan hmu chiang hle a ni. 2-1 in first-half an tin. Ti hian aggregate ah 2-2 niin Chelsea in away a goal 1 an neih avangin lut thei dinhmun ah an ding ta a ni.

 

2nd half: Torres is back!

Second half tan a ni a, a ngai te bawk in Barca players te ke ah ball a awm tam leh zawk a, kimlo Chelsea in an goal venhim chu thupui ber ah an hmang tawh ni ber in a lang. 48th mins ah Cesc Febregas a ball ken luh tha lutuk chu Drogba chuan lo kalh thlu in referee chuan inngaihtuah buai hlek lovin penalty a pe nghal. Beisei ang ngeiin Messi chu penalty pet tur in a rawn pen chhuak leh a. Nou Camp a inkhel en tute a tu a te mah in thawm an chhuah ngam hauh lo. Messi chuan dinglam pangah koh zet in a pet a, mahse goal chung kham a per ta hlauh mai!!! Chelsea fans te tan chuan ava lawmawm dawn tehlul em!!!

Guardiola chuan 68th mins ah Joan Cuenca chu lachhuak in Tello a dah lut a, defender te thleng in a nawr tir tawh. Barca chuan goal thun ngei tum in an bei a, goal pawh an thun teuh thei thin khop mai. Messi, Xavi leh Iniesta an fakawm rual rual in a hmatawng lai ah erawh duhthu an sam lo mah mah niin a lang. Guardiola chuan a hmalam tlar ti chak turin 73rd mins ah Febregas lachhuak in Keita a dah lut a, Barca goal nawr a na leh sawt in a lang. Lionel Messi chuan 83rd  mins ah goal ban pet per in goal a thun teuh leh kher mai. Barca fans tawngkam takin zanin chu, “Barca vanduai zan,” a ni tak meuh meuh in a lang. 90th mins a Javier Mascherano long shot pawh a teuh kher mai. Barca in inkhel thunun hle mahse an defence line an venghim zolo tep leh thin. Matteo chuan Didier Drogba lachhuakin Fernando Torres a luhtir a, ani hian 90+1 mins ah an defence atanga ball an rawn vawrh luh chu chak taka a tlan luh pui in Barca goalkeeper Victor Valdes chu bum te te in chiang zet maiin goal ruak ah a thun a, Chelsea hmahruaina a nemnghet ta!!!

Ti hian Chelsea hian Munich khawpui a final khel tur in England pan in an hawh leh dawn a, amaherawhchu an players tha ber ber- John Terry(Red Card), Branislav Ivanovic, Raul Meireles leh Ramires te chuan final an khel thei dawn lo thung a ni. Heti a nih chuan kum dang ang thovin final ah hian mi cup chawi lai ang en liam leh mai angem? Nge an vanneihna hi an chhawm tluan zawk dawn? Zanin a Chelsea game en te chuan an fighting spirit that zia kha kan hmuh hmaih in ka ring lo. Manager Matteo a fakawm thlawt a, tin, captain awmlova goal 2 an khung thei kha an fakawm thlawt a ni(an vannei kan ti dawn nge?). Engpawh nise, Chelsea khan chak zawk nih phu lutuk lo mahse an team work that zia leh an mentality that zia kan thlir erawh in final khel hi an phu thlawt in ka hria. Chelsea an lawmpuiawm hle a, chutih rual in inkhel hmuhnawm tak pholangtu, Barcelona erawh kan tuarpui tak zet zet a ni.

barcelona-2-2-chelsea

You May Also Like

More From Author

42Comments

Add yours
  1. 1
    H.Vanlaldika

    Chelsea khan khawvel a football hmuhnawm loh ber an khel a, Barca tan inkhelh hrehawm ber ani bawk, Barca khan an goal ven him tum se( gaol hnih an neih lai khan) chutiang zel chuan gaol gaol nei apiang box ah in hnawh hung zel se, football hi kan en tha peih lo ang. barca tactic te sawisel tur chuan tun hnai a an trophy lak leh an goal thun te hi ngaih tuah ila … chelsea hun a thleng ve te pawh ani mahna.

  2. 2
    Lalthanpuia

    Messi kun ngaaih han hmuh kha nuam ve riau mai, khatiang kha kan hmu khat tlat, messi kun ngaaiha siamtu chelsea an fakawm hle, Drogba kha defender tha tak a nih kha. Terry aiah dah mai chi lo maw ?

  3. 4
    Koptea (Upuia)

    Ti hian ka lo tehkhin ve mai mai a… Boxing game ni ta se…B-a zawk chuan a ngam khawp mai, a hnep pawp pawp reng ,ai a, C-a erawh a lo indang char char thung…Vawi engemaw zat a hnek hnu chuan C-a chuan vawi hnih a hnek fuh zeuh mai a…B-a lo hnek tawh zawng zawng khan lo fuh se chuan C-a kha a tlawm chiang ngawt ang le…Mahse a dawih zawk a chak ta tlat…hehe

  4. 6
    hmelthapiannalh

    Chelsea kan champion dawn chiang nih hi, Bayern Munich an home ngei maiah kan han sawp leh ngei anga, kan champion ni mai lawm. Tichuan, EPL-a 4-na nih buai a ngai tawh lovang.

  5. 7
    Zorema01

    Chelsea hi an defensive reng lem lo va, a tul dn azir leh an tumpuite azirin an insiamrem mai zel niin ka hria, eng game-ah pawh 4ward 3 tal khelhtir ziah an ni, final-a an twrh ber tur chu Ramires awm loh.

  6. 9
    fakhlena chhangte

    A hmuhnawm khawp mai. .chelsea khan center defender ( panggai ) nei miahlo in Messi and Co an dang thei nia. .pui tak ani..Cesc kha Keita in alo thlak kha a fuhlo ka ti. .Keita khan han tih that em em aneilo tlat..overall ah chuan game tactical tak ani

  7. 10
    lrpatea

    Football-ah chuan Ball chawk a inkat kual vak2 leh in pass kual vak2 hian kan duh ber chakna min pe vek lem lo tih chu nizan game a tang khan a chiang khawp mai…KAN TUM BER ‘CHAK’ A NIH MIAU AVANGIN GOAL 1 LEK PAWH THUN ILA KAN CHAK A NIH MIAU CHUAN A TAWK Fiiiii NI…hahah…LONG LIVE CHELSEA..

  8. 11
    hernandez

    2nd half tawp lamah phei chuan drogba te pawh side defence ah te an khel mawp mawp mai kha ania, an defending game a pui thlawt ani.

  9. 12
    ruata

    Chelsea hi game lian ah hian an che thei fu zel hi CFC fans nih nawm na ania.. Khatiang game defending game turu ltk min hmuh tir kha ka pawl te hi ka chhuang hle bawk ani. John Terry red card erawh kha chu ka dem ve khawp mai.. a tul lo a tul hlol lo.. mahse ngaihdam te pawh a dil tawh kha, rilru na tak a min siam hnu ah ka ngaidam thei leh ta e. Final chu huphruhawm leh dawn mange aw.. Bayern lah an home ni dawn bawk si, Real lah Mourinho leh a pawl te an nep lo ropui bawk sia.. huiham. mahse kan hneh ang, kan thei! Go blues.. Keep The Blue Flag Flying High!

  10. 13
    gustboy04

    a pawngsual tum tu (Barca) kha a in rin loh hlan in voi 2 ngawt English Club ropui in an han pawngsual chu le.Khawvel a Club ropui ber a an sawi thin cuan Attack dan 1 cauh an lo htia kha a pawi anih kha

  11. 15
    laipuichhuanga

    Congrats CFC,ka dream final (Bay v Barca)cu athleg dn talo pht,cutih ahnekin ucl final ghahhlelhwmlo br pwl aniag te katia,nzn game ag,pwgsual tum ag mai,thun tum lh alut tr veg ringwt ani lh ag th ahlauhwm,…mhs final pwimwha chaklo thag Ballack a wm th loa,Terry akhl thei dn lo bwka,an champ mai cu karing kei

  12. 16
    MadongaJongte

    Ka lawm ka hlim bok.
    BARCA kha an nep kati 10 man goal 2 a hma an hruai hnu ah an inpawhthlak tir thei kha
    chelsea Goal 2 mawizia kha beisei phak bak ani.
    Di matteo hi a vanneih akal chho tlat Game tough tak tak a hmachhawn a voi-1 chiah man city lakah atlawmpui nia. (hresual em aw)

  13. 17
    laipuichhuanga

    CFC leh Di Matteo ka lwmpui e,mhs ka dream final cu athleg dn talo pht,cu2 swiloh final ghahhlelhwmlo br pwl ani dwn a ag,hmeichhe pwgsual tm ag lek game kn hmu lh ag th a hlauhwm,thun tum leh alut tr veg…mhs finala chaklo thag Ballack lh Terry an wmloh cuan an champ mai cu karing deuh

  14. 18
    TLT Chelsea

    Messi a goal thun tam record chuan Chelsea goal a thleng zo ve lo a ni ber mai, goal khung hlei thei lo Torres meuh pawhin a thunna chu Team tha tak nge an nih ang, team tha vak lo??? Chelsea no one can stop us now!!!!! 🙂

  15. 19
    lza

    hmana inter leh Barca match kha min hriat chhuah tir a, tunhnaia ka match en ah Chelsea ka tan vang nge ni, hmuhnawm ka la ti ber awm e… lone striker a dah ngam nei tha zawk leh through ball a run nei tha zawk chu Chelsea an lo nih hi ka ti… Chance an neih chhunah a ACE zawk chu an che fuh anih ber hi, a thu hrimah Barca hi mu te reuh te te hlauhawm tho si chu an ngah thlawt, a a tlawlh mai thrin pawh a, lehlam ho hian an mu neih chhun an ti hraw thei bawk sia ni..

  16. 20
    freddie ltm

    keipawh…chelsea ka tran vawikhat na aniang,hahahahh,toress erawh ka lawmpui khawp mai abik tak in,,…hetiang a an chak zel anih hi chuan,mateo hi ahun tawh khawp mai…….

  17. 23
    Rca Hmar

    Barca khan short passing in chelsea defender te an thiat darh thei lo a nih chuan wing atranga low cross an uar mai loh le…te k t ve mai2…. Ramires a goal kha a BRAZIL hliah2….gud post

  18. 24
    puia chawngthu

    captain leh skipper ni bawk an hnawhchhuah hnu a chelsea tawm tlat kha demawm ka ti lo…khawi club pawh nise….barca ngei pawh hian tiang khan an khel tho ang…chakduh vagn vek anih kha….Barca khan game plan an neihlohzia an tarlang a…tinge defence lai a inhnawhphui tlat chelsea kha pawh darh an tumlo a….an sawikhawm tlat zawk le? khatiang a an khelh kha chelsea tan chuan duhthusam alawm le… alai atang chauha goal thun tum game plan kha khati khawpa defence lai a phui chuan second half ah chuan a in pawtparh zawng leh a aia game rang tactic apply tur ania….Ball Cross tam se, D line Pawn atanga shot ngahse….game a dang deuh ang mawe….Mateo a thluak kha avan tha tak em!!…..Tores a luhtir hun kha a fuh cher cher em asin…Players 11 khan ti nge players 10 striker kha man to man a an mark loh aw….an thianpa ania an hriatchian dawn tehlul nen!!!

  19. 27
    Ramenga

    Nizan second half a chelsea defence phui zia kha. An first choice centre back pahnih awm loh hnuah, player 10 ni chunga minute 45 chhung barcelona an dang thei kha pui tak a ni..an lo vannei deuh a nih pawhin vanneih phuin an khel ah k ngai.
    Ramires finishng leh lampard pass tawih reuh zia kha..
    Good job dustin.

  20. 30
    Hmingz

    Chelsea ka lawmpui mahse barcelona kha an tlachhia a ni lo. . .vawi 2, 1 an chak lo zawn ve mai chauh ani. . .kei chuan club tha ber pawl an ni ka la ti fan. . .eng poh nise. . .munich nen final se ka t khawp mai.

  21. 31
    Xavi fanai

    E..inthlahrung mah ta ce,a aia seiin rwn ti leh teh a..he he..arpa chan kan chan lai ani ve alwm le..tal hiar ve hle teh ag u.

  22. 33
    David Pachuau

    Ni 5 zet ka damlo tawh a,nachhawkna kan ei a, Alarm kam chungin ka mu ta a. Ka alarm chuan min kaitho ta reng2 lo mai! Ka han harh hlawl a,sana kan en a dar 1 a lo pel tawh!… Rang lutuk in ka tho a,ka chhungten min tihharh hlau khan, sound awmlo in a lo en a,enge an din hmun ka ti a. Second half an tan leh tep Barca in 2-1 in hma an hruai an tia, an tan leh ta. Kan pawl Chelsea players te kan chhiar a,1 in kan lo kim tawh lo! Hlauhthawn ang ngei ngei in, game ah kan hneh lo nasa mai! Mahse,a tawpah thlamuanna goal niturin El nino rawn comeback fuh leh ta,…lawmawm thin mang e. Hmuhnawm leh hlauhthawnawm in rilru a hah duh ngei mai. A sei ta deuh mah2 e. Midang hian keimah ang hian damlo nasa se an en peih ve a ngem aw…! Terry hian he cup hi a chawi hleithei thin lo a, A vanduai lai hian Lampard hian a CHAWIPUI dawn a niag. Best of luck CFC

  23. 35
    SinlungSuok

    Inkhel en hma a, ka sawilawk theih te.
    1.Barca in ball an chang tam anga.
    2. Goal shot pawh an ngah khawp ang.
    3.Chelsea an hneh lo ang. Hehe.
    In pass kual ringawt hian kawngro a su tak2 thei lo.
    Chelsea champ ngei turin ka duhsak e..

  24. 36
    Xavi fanai

    Good post..ava han nuam tak em ve aw..drogba te ho defence a an han wm rwt mai kha cu nuihza angreg khwp mai..barca hi short passinga alai ataga ball an lakluh theihloh hi cuan plan dang an nei thiam twh lo ni in ka hria..! long shut te kha han uar ve deuh ik sela cuan kwngro a su deuh tur ania.ball cross an uar bwk silo! Messi pwh vana pa aga zaidam cu alo nih bik loh kha..cuan kan pwlte finala khel theilo turte hmun luah tur hi cu kan la nei tha tho in ka gai..kan champ lw lw ka rig twh..

  25. 37
    ebenezers

    Tun season cu chelsea hyn spanish club hi an gam kh0p my valencia leh barca an pet tla t0h a,real madrid hi final h hneh lh keuh i la nuam viau ag

+ Leave a Comment

FC Barcelona 2-2 Chelsea (Agg. 2-3): Nou Camp ah goal leh mittui a sur!!!

Zan thiang reh lai tak ah Matteo leh a sipai 10 te chuan Barcelona khawpui run in, khawvel lak atanga daidangtu ‘kulh bang nghing ngailo’ an tih chu nasa taka beiin an sawinghing. English pachal thin in a diar tawh dawn lo emaw kan tih laiin Brazilian leh Spaniard pachal goal class zet  hmang in Chelsea FC chuan an si hnih phurh sa rul let in aggregate ah 3-2 in Europe a roreltu, FC Barcelona an hneh a, UEFA Champions Leaque final an in pet lut.

Inkhelh hma boruak :

Chelsea in 1st leg-ah 1-0 a hnehna an chan tawh avangin away ah an goal rangkachak humhim tumin an feh chhuak a. Hetih lai hian Barcelona erawh in goal engemawzah thun ngei tumin an mikhual lo dawnsawn an tum thung. Chelsea hian defensive a khelh rilruk deuh mahse away goal neih erawh an tum ruh ve hle niin a lang. Manager Matteo chuan 4-4-1-1 formation rawn hmangin Didier Drogba chu a maltlat tir a, attacking midfielder atan Frank Lampard a hmang thung. Barcelona erawh goal thun chak a tuihal ta na na chu huaisen takin Guardiola chuan, 3-4-3 formation a rawn hmang rep mai a. Gerrard Pique, Javier Mascherano leh Carles Puyol te defence line ah a dintir a ni. Gerrard Pique-a chu 25th mins ah a inhliam avangin Guardiola chuan a lachhuak a, heihi Barca chak lohna bulpui ber chu ni ta in a lang.

Team lineups :

Barcelona : Valdes, Puyol, Pique (Alves 25’), Mascherano, Busquets, Xavi, Iniesta, Cuenca(Tello 68’), Fabregas(Keita 73’), Messi, Sanchez.

Chelsea: Cech, Gary Cahill(Bosingwa 10’), John Terry(Red Card 36’), A.Cole, Ivanovic, Mikel, Mereiles, Mata(Kalou), Lampard, Drogba (Torres 79’).

 

1st half : hliam 2, red card 1 leh goal 3

Dan pangai angin inkhel tan phat atangin Chelsea an phit tha hle a, amarawhchu rei an daih leh chuang lo. Minutes 10 lek ah Chelsea centre-back tha, Gary Cahill chuan a malpui tha a tihnat avangin lakchhuah a ni a, a hmunawl hnawh khat tur hian Matteo chuan Bosingwa a rawn luh tir a, Chelsea fans an zam ta kher mai. Barcelona in inkhel an thunun hle a, goal pawh an thun teuh thei kher mai. Barca goalkeeper Valdes chuan defender Gerrard Pique chu a lu ah a tauh palh hloh mai a, team damdawi thiam te hial koh luh ngai khop in a tha lova, amarawhchu hun rei lote chhung chu khelh chhunzawm tir a ni a, mahse 25th mins ah manager Guardiola chuan lachhuak in Dani Alvez a luhtir a, heihi Barca ho chuan an tuar phah ta niin a lang.

Barca in ball an chang tam a, midfield ah duhtawk in Xavi leh Iniesta te’n ball an in pe kual vel chu a hmuhnawm kher mai. Barca chuan Gary Cahill hmunawl lai chu remchang ah la in nawr nan an hmang tangkai hle a, 34th mins a nih meuh chuan Barca chuan an thawhrim rah sengin veilam kil sir atanga Joan Cuena ball cross tha lutuk chu Sergio Busquets chuan 10 yards atangin mam takin goal ah a thun lut a, Nou Camp ah fans thawm a tha kher mai. Chelsea players te Nou Camp boruak sa ta hnuai ah an khel a ulh tan a, hlauh ruk ang ngeiin 36th mins ah Captain John Terry chuan ball awm loh laiin Alexis Sanchez hnung lampang atanga a mal ah a khup in a do thluk avangin hnawhchhuah a ni a, hei erawh sawizui a hlawh nghal hle a ni.

Captain tellova khel Chelsea game a dul ta kher mai a, Barca lah an phur tulh tulh mai si! Chelsea in ball an chan chhun in an hloh zel a, field chan ve ah bawk inkhel kan en leh ta. Barca chuan kimlo Chelsea hmun awl hmang tangkaiin 43rd mins ah Lionel Messi pass tha zet atangin changtu neilo Andres Iniesta chuan hahdamthlak tak, mawi tak ni bawk si in goal ah a lo thun a, Nou Camp ah goal tam tak thun beisei Barca fans an pawr ta kher mai. Barca in goal 2 pawh chu la duhtawk zo lovin an nawr chhunzawm zel a, amarawhchu defence line an tihphui tawkloh rah sengin 45+1 mins ah Ramires chuan counter attack atanga Lapard a ball tha zet atang in mawi mang kheng in a chip goal a, Valdes a pawn a ngaihna a hrelo chiang kher mai. He goal atang hian Barca defence line pherh zia kan hmu chiang hle a ni. 2-1 in first-half an tin. Ti hian aggregate ah 2-2 niin Chelsea in away a goal 1 an neih avangin lut thei dinhmun ah an ding ta a ni.

 

2nd half: Torres is back!

Second half tan a ni a, a ngai te bawk in Barca players te ke ah ball a awm tam leh zawk a, kimlo Chelsea in an goal venhim chu thupui ber ah an hmang tawh ni ber in a lang. 48th mins ah Cesc Febregas a ball ken luh tha lutuk chu Drogba chuan lo kalh thlu in referee chuan inngaihtuah buai hlek lovin penalty a pe nghal. Beisei ang ngeiin Messi chu penalty pet tur in a rawn pen chhuak leh a. Nou Camp a inkhel en tute a tu a te mah in thawm an chhuah ngam hauh lo. Messi chuan dinglam pangah koh zet in a pet a, mahse goal chung kham a per ta hlauh mai!!! Chelsea fans te tan chuan ava lawmawm dawn tehlul em!!!

Guardiola chuan 68th mins ah Joan Cuenca chu lachhuak in Tello a dah lut a, defender te thleng in a nawr tir tawh. Barca chuan goal thun ngei tum in an bei a, goal pawh an thun teuh thei thin khop mai. Messi, Xavi leh Iniesta an fakawm rual rual in a hmatawng lai ah erawh duhthu an sam lo mah mah niin a lang. Guardiola chuan a hmalam tlar ti chak turin 73rd mins ah Febregas lachhuak in Keita a dah lut a, Barca goal nawr a na leh sawt in a lang. Lionel Messi chuan 83rd  mins ah goal ban pet per in goal a thun teuh leh kher mai. Barca fans tawngkam takin zanin chu, “Barca vanduai zan,” a ni tak meuh meuh in a lang. 90th mins a Javier Mascherano long shot pawh a teuh kher mai. Barca in inkhel thunun hle mahse an defence line an venghim zolo tep leh thin. Matteo chuan Didier Drogba lachhuakin Fernando Torres a luhtir a, ani hian 90+1 mins ah an defence atanga ball an rawn vawrh luh chu chak taka a tlan luh pui in Barca goalkeeper Victor Valdes chu bum te te in chiang zet maiin goal ruak ah a thun a, Chelsea hmahruaina a nemnghet ta!!!

Ti hian Chelsea hian Munich khawpui a final khel tur in England pan in an hawh leh dawn a, amaherawhchu an players tha ber ber- John Terry(Red Card), Branislav Ivanovic, Raul Meireles leh Ramires te chuan final an khel thei dawn lo thung a ni. Heti a nih chuan kum dang ang thovin final ah hian mi cup chawi lai ang en liam leh mai angem? Nge an vanneihna hi an chhawm tluan zawk dawn? Zanin a Chelsea game en te chuan an fighting spirit that zia kha kan hmuh hmaih in ka ring lo. Manager Matteo a fakawm thlawt a, tin, captain awmlova goal 2 an khung thei kha an fakawm thlawt a ni(an vannei kan ti dawn nge?). Engpawh nise, Chelsea khan chak zawk nih phu lutuk lo mahse an team work that zia leh an mentality that zia kan thlir erawh in final khel hi an phu thlawt in ka hria. Chelsea an lawmpuiawm hle a, chutih rual in inkhel hmuhnawm tak pholangtu, Barcelona erawh kan tuarpui tak zet zet a ni.

barcelona-2-2-chelsea

You May Also Like

More From Author

+ There are no comments

Add yours