FC Barcelona chuan Valencia left back Jordi Alba chu €14m in kum 5 chhung atan an lei fel ta. Medical test erawh karleh hian a nei ang tiin FC Barcelona website chuan a tarlang.

FC Barcelona left back Eric Abidal chu April thla khan liver transplant vangin zai a ni a. Doctor te chuan a dam hnuah football a khelh leh theih tur thu an sawi nain Abidal-a dinhmun tur hi sawichian a har hle a ni. Kumin September hian hian kum 33 a tling ve tawh dawn bawk nen, Barcelona chuan amah thlaktu atan Jordi Alba hi an la a tih theih.

Tunge Jordi Alba chu?
He Spanish defender hi Euro hma chuan kan hre vak lo pawh a ni thei. Mahse Euro en thin chuan kan hre vekin a rinawm. Ball a thiamin a khel a hmuhnawm hle a. A defending pawh a tha hle a ni. Euro 12 ah hian Spain tan a la khelh kim mai bakah, full time a la khel vek bawk a ni.

Kum 23 a upa Jordi Alba hi FC Barcelona youth academy chhuak a ni a. 1998 atang khan awm tanin 2005 thleng khan a awm a ni. Mahse Barcelona Senior team-ah a tling ve ta lova. Chuvang chuan club dang a zawm ta a ni. Kum 7 chhung zet club danga a khelh leh hnuin Barcelona-ah bawk a kir leh a ni. Barcelona-a a luh leh hma hian Cornella, Gimnastic leh Valencia-ah te a khel a ni.

 Source : www.fcbarcelona.com