Vawiin khan Federation Cup ni 5 na chu khelh leh ani a, Vawiin khan Group A leh Group C te chuan an khel a. Heng group pahnih aṭanga Semi Final lut turte an chiang ta. Group tin atangin a sangber chauhin semi final an lut thei a ni.
Vawiin Result :
Kingfisher East Bengal 1-0 Dempo Sporting Pvt. Ltd. (Robin Singh 68') Shillong Lajong FC 1-0 Royal Wahingdoh (Johnny Menyongar 42') McDowell Mohun Bagan 2-2 Churchill Brothers SC (Barreto 41', Sunil Chhetri 43')(Henri Arnaud 23', 59') Pune FC 0-0 Mohammedan Sporting
Group A : Shillong Lajong, Royal Wahingdoh, Mohun Bagan, Churchill Brothers.
Mohun Bagan hi nikum a runner up leh Federation Cup champion zing ber an ni a. Mahse kuminah hian tumah an hnehlo. Match hnuhnung berah Churchill an draw a, point khat an hmu ve hram. Royal Wahingdoh hi an match hmasa pahnihah an chak ve ve , semi final spot rim an hnim hman tawh a, an match hnuhnung berah hian draw chauh an mamawh tawh laiin Lajong an hnehlo hlauh. Lajong leh Wahingdoh-te hian point 6 ve ve an hmu a, Goal difference pawh 1 ve ve ani a, Head-to-head ah Lajong an chak avangin Semi Final lut thei dinhmunah an ding ta zawk mahse an la lut chiang chuang lo, Churchill hian Mohun Bagan an hneh chuan Point 6 tho hmuin Goal difference hmangin an la luhkhalh thei a, he match a zawh hma hi chuan Lajong tan lawm ngawt theih ala ni lo. Mahse Lajong vanneihna a kaltluang a, Mohun Bagan in an khingpui 2-2 a an lo draw hlauh vangin Churchill hian point 4 an hmuh phah ta a, Lajong hian Semi Final an lut thei ta a ni. Lajong hian an match hmasa bera Churchill an hnehloh kha an vanduaipui dawn emaw tih laiin tunah chuan an theihnghilh vang vang thei ta! Royal Wahingdoh hi hmun sang takah invawrh chho ve ṭhin mahse a tawpkhawkah Lajong bawk hi an ngamlo leh ṭhin a, an thlen tur ang an thleng phaklo leh ṭhin a, an tluk thei rih nganglo a ni ber.
Group C : East Bengal, Pune, Mohammedan SC leh Dempo SC.
East Bengal hian an match hmasa berah an Mohammedan an draw khut a. Group a point hmu sang ber chauh luhtheih anih avangin point 2 hloh pawh a uihawm viau ania. Mahse an game hnihah an chak ve ve bakah, team dangte hi an in draw ta hlawm bawk nen, midang tihbuai phakloh in semi final chu an lut ta ani.
Pu Tluang, a hmuna awm chilh a en ve a chakawm thin khawp mai. I thlalak te a hmuhnawm khawp mai. Race ai chuan en tur a tam deuh ang chu.. tlantlang thuak thuak kha a awmlo deuh anga.. 🙂
Pu Tluang, i thlalak chu a nalh hlawm hle mai..
A hmun a en ve a chakawm kher mai..
@Rs-a, Kei chu vawiin East Bengal Vs Dempo leh Pune FC Vs Mohemddan kha ka lo en a sin, thla lak I en duh chuan ka blog ah I lo en mai dawn nia, In rawn report ngaihnawm thei hle mai, ka RSS feed ah in update ka lo nghak reng thin a nia. http://miyzone.blogspot.com/2011/09/watching-football-at-salt-lake-stadium.html?utm_source=feedburner&utm_medium=feed&utm_campaign=Feed%3A+Miyzone+%28MiYzone%29
Wahingdoh chu an va han vanduai ve ma le.. Ka tan ve reuh a sin. Mahse, Lajong in SF an lut tho a, a ziaawm e.. Good Post..