Chelsea manager Andre Villas-Boas chuan a striker Fernando Torres chu a rin tawk zia a sawichhuak a, Torres chu a goal thun zât chauh ni lovin, Chelsea game-a a pawimawh dan aṭanga teh tur a ni a ti.
Goal thun lo mahse a inringtawk
Premier League match-a Swansea City nen an inhnehtawk hnuah, Andre Villas-Boas chuan khami game-a goal thun lo Fernando Torres chungchang sawiin, “Tunah hian a insiamrem mek a, hun a duh deuh a, hei hi chu thil pangngai a ni. Amah hi a inringtawk a, keini pawhin a theihna hi kan ring tawk bawk. A passing leh lay-offs te hi team tân a ṭangkai em em a. Striker a ni a, goal thunna chance siamsak a mamawh a, goal a thun theihna tura goal chance tam zawk a mamawh a nih chuan goal chance kan siambelh zel ang.” a ti.
AVB hian Drogba pawh sawilangin, “An pahnih (Drogba leh Torres) hian position pakhat an inchuh a, Drogba a rawn kir leh hunah chuan striker ṭha tak pahnih inkarah inelna a awm leh dawn a ni. He team tâna Drogba pawimawh zia leh a goal record pawh kan hria.” tiin, Torres thlavang hauh chungin a sawiṭhaih zauh bawk.
Goal thun thei lo Torres
AVB hian a Chelsea tâna Torres pawimawhzia sawi mahse, striker ṭha tehna pawimawh ber chu a goal thun zat a ni lo thei si lo. Thawhlehni (31.01.2012) kha Liverpool aṭanga Chelsea in Torres an lakluh champha vawikhatna chiah a ni a. Chelsea-a kum khat a khelh chhung hian goal 5 chiah a la thun. Striker manto tân chuan hei hi a tlem khawp mai a, inhliam pui tawk pawh ni si lova Fernando Torres ‘meuh’ in heti zat lek a pet goal hi a mak hial zawk a ni.
Torres hian October thlaa Genk laka a pet goal hnu (Champions League) khan goal a la thun leh miah lo a. Game 17 chhung goal hma-ah a ‘nil’ tawh a, a goal thun hnuhnung ber aṭang hian minute 1000 chuang a inkhel leh tawh a ni. Tuna Chelsea-a a khelh ngun nachhan pawh hi Drogba leh Kalou ten African Nations Cup an khelh vang a tih theih awm e.
Chelsea hian Pathianni lo awm turah Manchester United an mikhual dawn a, Nemanja Vidic ropui vanglaia dah nil theitu Fernando Torres hi inchhandam thei tak ang maw..
source: the evening herald
how much is cialis
cialis
AVB hian a tidik,Torres hi club dang tan hnawksak tak ala ni ang….a hunlai hian tlanchhe roh uuu…free advice
A ring sual leh si ange… 🙂 tak2 a, striker mawhphurna chu ball tha tak2 mi siamsak nilovin mi siamsa lo tih goal kha a ni thin a, midfielder, winger leh a tlanpuipa goal thun ah rgnt a innghat a nih chuan khel chhelo mhs, striker hlawhtlngtak chu a ni thy dawn em ni??
A neituin a rintawk miau chuan a tha a ni mai. Goal erawh a khung thei lo ve tawk chu a nih rih hi. A mak angreng ve ngawt mai, Liverpool chhuahsantu player hi an chhuah hnu hian an nawi viau zel… engemaw takin an dawi emaw ni dawn ni? 😀
Ka hmuh ve dan mai2 cuan torres hi cu amaha chance insiam thiam ci anilo..apen zau duau2 lutuka,ball a thai kwi thiam twk lo..leia long through ball pek hi a thatna ber niin ka gai ve..cu cu gerrard khan a hre ciag..
Player ropui tak tak te pawh hian goal thun theih loh lai an nei fo a, mahse Torres a goal thun theih loh dan em em hi chu heiden rial tlat lawm le he he…
He pa hi chu a uihawm ngawt mai. A chuai tawh dawn emawni aw te ka ti mai mai.. se mimal tak hi chuan a tanawm ve sin le. Owen hnung pawh a zuipha lo ang tih a hlauhawm hle..
#1 A dik lutuk…Tlachhe vai2 viau ang…ring eng ang mahse a pet goal miau loh te chuan…:)
Off topic lawks… LUNGLEI lam unaute Thuamluaia Mual hnathawh dan vel kan hmu chaak e…
Goal thun lo mahse a khel tha thei fu nan!mahse striker hi chu goal thun tr an ni miau sia;liverpoolFc in anmah mh lai a phatsan tu chu an heti xel mai ang:owen ang vel nih dn hi:P