Football-a thuneihna sang ber neitu FIFA chuan India keeper Subrata Paul chu a chetmawi loh avangin Euro 5000 ngawt a chawitir a. 1 Euro hi Rs.67 vel a ni a, Euro 5000 chu Rs. 3,35,000 lai a ni. Hemi avang hian All India Football Federation (AIFF) chu a luhai hle. AIFF nge Subrata Paul hian pawisa hi chawi dawn tihah a buai a ni. AIFF Executive Committee chuan hemi chungchang hi a ngaihtuah dawn a ni.
July ni-23 khan India football team-te hian Khalifa Stadium, Abu Dhabi-ah World Cup Qualifying an khel a, 3-0 ngawtin UAE an hneh lova, he match-ah hian India player pahnihin red card an hmu a. Red card hmu zinga pakhat chu Pune FC keeper Subrata Paul hi a ni a. Hemi avang hian a thinrimin dressing room-a fridge (refrigerator) leh darthlalang a tikeh a. Dressing room kawtah pawh mi an punkhawm phah nia sawi a ni. He thil thleng avang hian UAE FA lam paw’n Korean match commissioner hnenah report an theh lut a ni.
Hetih lai hian Subrata Paul erawhin a ti loh thu leh dawt anih thu a sawi ve thung a. Robert Lalthlamuana’n Indian goalkeeper-a thiam a la tih ber Subrata Paul hi a vanduai thei hle a. 2007 pawh khan World Cup Qualifying-ah bawk Lebanon nen an inkhelh tumin red card a lo hmu tawh a, keeper tha tak ni mah se chetchhiat chang a nei leh thin a ni. India team tan hian Captain pawh a lo ni hial tawh a ni.
He fine hi thlakhat chhunga pek tur ni mah se AIFF chuan Subrata Paul nge anmahni (AIFF)-in pe dawn tihah thuthlukna an la siam thei lo a. Tu takin chawi ang maw?
viagra dosage
Buy viagra online uk
Hei hi chu AIFF ai chuan amah ngei hian chawi se an hremna pawh hi a ‘effective’ zawk ang. AIFF an hrem lova AMAH hi an hrem chu a ni. Tin, an chawitir hi Europe players te chawi ngaihtuah chuan tamlo tak a ni. Tiang hi chu ching tam tawhlo se a tha ngawt ang,..mhs, a thiamber tho2 e.
ka hriat sual loh chuan kum khatah nuaih 22 vel a hlawh a, a na lutuk chuang hleinem…
He pa hi chu Indian keeper ah chuan thiam ka ti ber chiang a ni.. A thil tihchhiat an sawi pawh hi kha thil thleng ngaihtuah let chuan awm ve tak a ni tho.. An chawi tir a nih chuan a buai ve phat ang le..
A hrim2 a Indian players te hian average in kar khata, engzat nge an hlawh ? India ram tan chuan a tam mah2.European players te fine tur chu nise ana em2 lo anga,mase keini India ram tan chuan atam deuh chu ani. Engpawh nise thil ti diklo tu te chu an phutawk hremna chu an hmachawn a ngai miau si ni.Rs.5000 ni zawk se tha tur € aiin.hehe
UCL result ka lo chang reng e..
India ram,ram rethei tan chuan a tam, players te hlawh en chuan AIFF hian chawi sak awm tak a ni.
Va tam ve.. luhai na tham chu a tling a nih hi.. A tihsual ngei a nih chuan hrem lak chu a nih tho hi le..