Football khawvela thuneitu sang ber FIFA chuan an president hlui Sepp Blatter lakah thubuai (criminal complaint) an thehlut tih an puang.
FIFA deputy secretary general (administration) Alasdair Bell sawi danin “Kum 2013 a bultan Zurich khawpuia museum pakhat cheithat nan khatih laia Blatter – a enkawl FIFA khan dollar maktaduai 420 zet a seng a. Audit te tih a nih hnuah kil hrang hrangah thil dik lo engemaw zat hmuh chhuah a nih tak avangin thuneitu sang zawk te chhui turin” thubuai hi an thelut a ni.
Blatter – a ukil Lorenz Erni chuan FIFA thubuai theluh hi thu awmze nei lo a nih thu a sawi ve thung. Tarlan tawh angin Sepp Blatter hi kum 1998 atanga kum 2015 – a chawlhtir a nih thleng, kum 17 chhung zet FIFA President a ni a, corruption thubuai a awrh mek avangin kum 2022 thleng football khaihnawiha inrawlhthei lo turin hrem a tawk mek a ni.
