FIFA-in World Cup 2014 Opening match leh final khelhna tur a tichiang ta

Lalthanzama VanchhawngOctober 21, 2011October 21, 2011 FIFA, Information 9 Comments

FIFA chuan World Cup 2014 opening match khelhna atan Arena Corinthians Stadium, Sao Paulo leh closing/final match khelhna atan Marcana Stadium, Rio De Janeiro a thlan thu a tichiang ta a ni. World Cup vawi 20-na hi Brazil in a host dawn a, a vawihnih host-na tur a nghe nghe. Tihian Brazil hi Mexico, Italy, France & Germany te baka World Cup vawihnih host thei ram 5-na chiah a ni ta a ni. World Cup hi June 12 atanga July 13 chhung khelh tur a ni a. First match hi a host ‘Brazil’ hian a khel dawn nghe nghe.

Ram 32 zet te chu World Cup-ah hian an inel dawn a. Match 62 a awm dawn a ni. Heng match zawng zawng hi khawpui 12-ah khelh a ni ang, chungte chu Belo Horizonte, Brasilia, Cuiaba, Curitiba, Fortaleza, Manaus, Porto Alegre, Natal, Recife, Rio de Janeiro, Salvador & Sao Paulo ah te an ni.

Brazil hi World Cup history-a record nei tha ber an ni a, vawi 5 an champion tawh a. Italy hi vawi 4 an champion tawh a. World Champion nilai erawh Spain an ni thung. World Cup 2014 ah hian tu tak champion ang maw? Kan dam ve chhung hian India hian World Cup hi a khel ve hman ang em? Zofooty ah hian India in World Cup a khel ve dawn tih hi kan ziak hman ang em tih hi he post ka siam lai hian ka ngaihtuah nasa hle.

9 thoughts on “FIFA-in World Cup 2014 Opening match leh final khelhna tur a tichiang ta”

Pingback: goodrx cialis
Pingback: cialis price
Pingback: Fda approved viagra
Lalthanzama Vanchhawng Post authorOctober 23, 2011 at 4:17 am

@distin sampler : nia mawle, kan tute chuan an khel pha tawh mai thei sin. haha
@zaia : nia, an rn sexy leh khawp ang le, mit a tlai leh hle dawn nimai lom. haha
@eddie : beiseina nen hian han thlir ve phawt ila..
Eddie October 22, 2011 at 11:06 am

Keini India ve zawng, kan la tel pha lovang tih hi zawlnei ni kher lo tan pawh sawi lawk ngam anih hmel, tuna kan dinhmun angah hi chuan. Mahse kan coach thar hian,beiseina tlem azawng chu min siam sak ve deuh.
Zaia Roite October 21, 2011 at 10:52 pm

Brazil hian Samba lam nen an lo thleng leh ang a, a sexy leh het het ang chu! World Cup-a an goal khungtu thin Romario kha tunah chuan Congressman a ni tawh a, stadium sakna velah a vei thar thar thin a ni awm e ;D
eppie October 21, 2011 at 8:40 pm

dustin sampler14 comment “like” e!
dustin sampler14 October 21, 2011 at 7:42 pm

Good Post!! India i sawi takah chuan Bangladesh leh Lankans ho hian min khelh khalh daih mai ang ti tepawh a hlauhawm tawh khp mai tun kan dinhmun thlir hycn..engpawh nise ka bawite lola piangtute bawihtea te chuan an khelpha ve tawh mahna 🙂
Ramenga October 21, 2011 at 5:59 pm

An stadium chu a pui hmel hle mai. World Cup leh ah chuan Rooney te ho an champion ve tawh em ang chu maw.