FIFA point hi team tin ten FIFA hriatpui match an khelh apianga an point hmuh chhut na a ni a. He point hi FIFA ranking atan a criteria pawimawh ber (leh awmchhun) a ni a. FIFA point hmu tur hian chakleh chakloh chu ni mahse, a chakin point thum tih ngawt kha ani lo a. Engtin nge an chhut teh reng i han chhuichiang teh ang.

Formula : Point = M x I x T x C

M = Inkhelh result azira point hmuh (chak/chakloh)
Hemiah hi chuan Inkhelh result, chakleh chakloh kha a pawimawh a. A chak team ten Point 3 an hmu a, draw match ah point 1 ve ve, chuan chaklo in point an hmulo thung. Penalty shootout a chakzawk zawn anih erawh chuan a chak zawkin point hnih an hmu a, chaklo zawkin point 1 an hmu thung.

I = Match pawimawh zawng atanga chhut (Importance of the match)
Heta point hmuh tur zat hi chu an match khelh pawimawh dan in a zir dawn ani. Match chi hrang hrang awmthei te leh an hlutzawng te chu.

Friendly match (including small competitions):                     I = 1.0
FIFA World Cup qualifier or confederation-level qualifier:         I = 2.5
Confederation-level final competition or FIFA Confederations Cup: I = 3.0
FIFA World Cup final competition:                                I = 4.0

T = Tumpui te thiamleh thiamloh atanga chhut
Hetah hi chuan an tumpui te thiamleh thiamloh (rank san leh san loh) in a hril thui a.  Hemi point hmuh tur zat chhut nan hian formula pakhat hman a ni a, chu chu “200-tumpuite rank” a ni. Ranking-a 150 hnuailama awm te chu minimum point atan hian 50 pek tawp an ni a, chumi awmzia chu India rank 169 naa awm hi an tumpuite tana “T” value-a 200-169=31 chauh ni tur kha, Ranking 150 aia an hniam avangin 50 ah fix sak an ni.

C = Confederation hlutzawng atanga chhut
Team te awmna confederation hlutzawng atanga chhut a ni a. Chumi awmzia chu UEFA hnuaia awm te value chu AFC hnuaia awmte ai chuan an sang zawk a ni. He confederation hlutzawng chhutna hi FIFA world cup a an champion zin dan a zira chhut a ni ber. Confederation hrang hrang te hlutzawng chu :

UEFA/CONMEBOL   1.00
CONCACAF        0.88
AFC/CAF         0.86
OFC             0.85

Heng zawng zawng chhut hian FIFA chuan point hi a chhut ta thin a, Heta point hmuh a zir hian ranking pawh a sang in a hniam thei hle a ni.

EXAMPLES :
1. India hian World cup match-ah Spain 1-0 in lo hneh ta se
M = 3
I = 4.0
T = 199
C = 0.93 (Confederation hrang ami an in khelh chuan an confederation awmna pahnih mean value lak tur a ni)
P = 3 x 4.0 x 199 x 0.93 = 2220.84
India hian point 2220.84 an hmu dawn a ni. Hemi anih chuan top 50 ah chuan an in hlangkai nghal thei ang.

2. Nehru Cup a India in Cameroon an hneh kha FIFA hriatpui thlap nita se, Cameroon team kha an ram team pangngai ni bawk ta se India chuan
M = 2 (penalty shootout in an chak avangin)
I= 1.0 (Competition tenau anih vangin)
T = 200-61 = 139
C = 0.86
P = 2 x 1 x 139 x 0.86 = 239.08
Point 239.08 lai an hmu thei dawn ani a, hei hi lo hmuthei ta se chu he tournament-a an chakna zawng zawng nen phei chuan top 100 an kai chho thuak thei dawn a ni.