FIFA leh Coca-Cola ṭangkawp chuan November ni 23 khan FIFA ranking thar ber an tichhuak a, World Cup 2010 champion Spain chuan khawvela football thiam ber ram nihna an chelh chhunzawm zel. India chuan tunhnaiah anmahni aia ranking sâng zawk Malaysia hneh mahse 160 na aṭangin 162 ah a tla thla thung a ni.

FIFA ranking-ah hian Euro 2012 playoffs leh international friendly match hrang hrang ten awmzia an nei viau a. Ranking-ah hian Netherlands chu pahnihna niin, tunhnaia 3-0 a an hneh loh Germany chu pathumna an ni bawk. Netherlands leh Germany inthlauhna hi point 20 chiah a ni tawh a ni. Europe ram ni lo zingah Uruguay sâng berin 4 na an ni a, tunhnaia Spain leh Sweeden te hnehtu England chu 7 na aṭangin 5 na-ah an insawnchho bawk.

Africa khawmualpui aṭangin Ivory Coast chu 16 na niin an sâng ber a, Asia khawmualpui zinga sâng ber Japan chu 19 na an ni thung. Mexico chu 20 na niin North American ram zinga football thiam ber ram an ni bawk.

Tajikistan chuan position 29 ngawta hmasawnin 153 aṭangin 124 ah an chho a, an ni hi October leh November inkara hmasâwn nasa ber an ni. Moldova chu 88 na aṭanga 122 naah tla thlain, hnungtawlh nasa ber an ni thung.

FIFA ranking top 15 kan rawn tarlang a, table kimchang hmu duh tan HETAH hian en theih a ni. FIFA ranking hi December ni 21 ah tihchhuah leh a ni ang.

Khawmualpui hrang hranga a sâng pangate hi tarlang tel ila, bracket chhung ami hi a pumpuia an rank zel a ni.

Europe:

1. (1)Spain

2. (2)Netherlands

3. (3)Germany

4. (5)England

5. (7)Portugal

North America

1. (20)Mexico

2. (34) United States ofAmerica

3. (47)Jamaica

4. (51)Panama

5. (54)Honduras

South America

1. (4)Uruguay

2. (6)Brazil

3. (10)Argentina

4. (13)Chile

5. (24)Paraguay

Asia

1. (19) Japan

2. (22)Australia

3. (32)KoreaRepublic

4. (45)Iran

5. (72)ChinaPR

Africa

1. (16)Côte d’Ivoire(Ivory Coast)

2. (29)Ghana

3. (30)Algeria

4. (31)Egypt

5. (43)Nigeria

Oceania

1. (119)New Zealand

2. (158)Fiji

3. (163)New Caledonia

4. (171)Vanuatu

5. (179)Solomon Islands