FIFA leh Coca Cola ṭangkawpin an tihchhuah ṭhin, FIFA/Coca Cola World Ranking thar ber chu Nilaini (June ni 6) khan tihchhuah a ni a, table chunglamah team hrang hrangte dinhmun a inthlak nual.
A vawikhatna atan Uruguay chu FIFA ranking ah 2 na an ni a, hei hi FIFA ranking-a an thlen sân ber a ni. Germany chu 2 na aṭangin 3 na-ah a tla thla a, Brazil (5 na), England (6 na) leh Denmark (9 na) ten position pakhat ṭheuhin hma an sawn a, Argentina (7 na) in position hnihin hma an sawn bawk. Tunhnaia Macedonia draw a, Turkey hneh lo bawktu Portugal chu 5 na aṭangin 10 na ah a tla thla duai mai. Uruguay in Germany an lehpelh avang hian pakhatna Spain an sangfal leh nalh tawh a, Euro-ah an tla hma viau a nih loh chuan lehpelh mai mai theih an la ni rih lo ang.
Ranking hi World Cup 2014 qualifiers leh Euro 2012 hmaa friendly match khelhin a nghawng nasa a, World Cup qualifiers a che ṭha Algeria, Tunisia leh Egypt te chu hmasawn nasa ber ber te an ni. Ranking thar atan hian ni 30 kalta chhunga FIFA hriatpui international match 115 lâk a ni a, heng zinga 87 te hi friendly match niin, 28 hi World Cup qualifiers a ni thung.
Ranking tharah hian India chu a dinhmun ngaiah a ding a, World Ranking-ah 164 na niin, Asia khawmualpuiah 31 na a ni.
A hnuaiah hian top 20 chin kan rawn tarlang a, table pumpui en duh tân HETAH hian a click theih e.
Khawmualpui tina pangana chin tarlang ila, bracket chhûng ami hi khawvel puma an rank zel a ni.
Asia:
1 (23). Japan
2 (24). Australia
3 (35). South Korea (Korea Republic)
4 (45). Iran
5 (66). Uzbekistan
Africa:
1 (16). Ivory Coast
2 (25). Ghana
3 (32). Algeria
4 (42). Libya
5 (43). Mali
Europe:
1 (1). Spain
2 (3). Germany
3 (4). Netherlands
4 (6). England
4 (8). Croatia
South America
1 (2). Uruguay
2 (5). Brazil
3 (7). Argentina
4 (11). Chile
5 (20). Columbia
North and Central America
1 (19). Mexico
2 (28). USA
3 (46). Panama
4 (55). El Salvador
4 (55). Honduras
Oceania
1 (130). New Zealand
2 (155). New Caledonia
3 (156). Samoa
4 (160). Fiji
5 (172). Vanuatu
source: fifa.com
Buy real cialis
Pharmacy cialis
Pa 1na hi chu Brazil khan an inhmeh ka la ti ber
Kei chu 10 na leh 164 na maw le, ho thin mange a.
14 naah leh 164 naah kan la awm vang mai,haha
Hamara desh lamin hma kan sawn ve lo 🙁 ho thin mang e
@Ramenga:lwm ltk e,lungwi thei tep,he2,kum 3 kalta vela an result in nghwng aneih vel vang anih lek tak hia,an tehna dang khi kalo hre ve nelnual twha,Spain leh Germany tepwh chaklo khat mhs Q.Rnd ah tepwh an aia hniam hlir an tum vethoa,an dinhmun a nghet angreg sia,chutih laiin play off atanga rwn tling twk tepwh an lawnsang chak sia te ka lo tiaaa….hram ana
@laipuichhuanga: nia, Mexico te hi an chetṭhat vei nen, hma an sawn hleithei lo khawp mai. Mahse chak ringawt bakah, an tumpuite rank kha an en tel a, mahni aia hniam hneh chuan point an hmuhbelh tam vak lo a ni awm e. Mahni level pui deuh emaw, mahni aia sâng hneh in point an hmu tam a, mahni aia hniam hneh lohin point an paih hnem leh deuh a. Mahse nia, kum 3 kalta vela an result in awmzia a la nei pha ṭhin te hi a rei mah mah deuh chu ni. Kum 1 kalta-a an result hi en tawp ṭhin se cuan a danglam khawp ang mawle. Ka thu chu nise awww hahaha
FIFA Ranking hi ka pwm vaklo keichu,Holland leh Sweden te hi kan chetthat kaltluan viau lai pwn kan sang mwh emai…se wmjia atam lemlo bwka phun lungwi veleh jel phot ila…gud post
Pakhatna kan va ni rei twh ve le..futbal ram lianah spain leh brazil hi tv. a kan en theih ve chinah an intum tak wm ka la hre miah lo…an intum twh emw?
Good post