FIFA U-17 World Cup ah Vinicius Junior kan hmu dawn

October ni 6 atanga India ram khawpui hrang hranga khelh tan tur FIFA U-17 World Cup ah khawvela rawlthar duhawm ber zinga chhiar tel mek Vinicius Jr. kan hmu dawn.

Kum 17 a upa Brazil forward hian kumin kumtir khan an ram chu U-17 South American Championship-ah a lo champion pui tawh a, hemi tum hian goal 7 thunin Best Player leh Top Scorer lawmman a dawng kawp.

Feet 5 leh inchi 10 a sang Flamengo tana khel mek hi Real Madrid chuan euro maktaduai 45 in an lei fel tawh a, kum 18 a tlin hunah Madrid hi a zawm thei ang.

Brazil hi Group D-ah Niger, Korea DPR leh Spain nen an awm ho a, Goa leh Kochi-ah te an group match an khel dawn a ni.

Posted in Rampawn.

Leave a Reply

Or