Colombia a Under 20 World Cup khelh mekah football thiam ram pahnih te Final ah an inkhel dawn. Football an thiam piahlamah tawng inang hmang pahnih, khawmual inanglova awm si an ni. August 20 hian Bogota,Colombia ah Brazil leh Portugal te’n Final an khel ang.

Under 20 World Cup ah hian AFC(Asia) atangin Saudi Arabia, South Korea, Australia, North Korea te an tel a. CAF (Africa) atangin Mali, Eqypt, Cameroon, Nigeria. CONCACAF atangin Mexico, Panama, Costa Rica, Guatemala an tel a, CONMEBOL (South America) atangin Brazil, Uruguay, Argentina, Ecuador. UEFA(Europe) atangin France, Spain, Croatia, England, Portugal, Austria. Oceania atangin New Zealand an tel bawk. Heng ram bakah hian a thlengtu Colombia te’n World Cup an inchuh ta a ni.

Nimin lama semi-final result te:
Brazil 2-0 Mexico
*Brazil tan striker tha kum 19 mi Sao Paulo a khel Henrique chuan goal hnih te hi a thun

Portugal 2-0 France
*Portugal tan Danilo leh Nelson Oliveira te’n goal an thun

He tournament ah hian Brazil striker Henrique leh Spain striker Alvaro Vazquez te’n goal nga an thun tawh a. Player langsar deuh te chu Argentine midfielder Erik Lamela,tunhnaia AS Roma a lut te, Inter Milan midfielder naupang Philippe Coutinho, Real Madrid chhuahsan ta Sergio Canales bakah Arsenal striker lei thar Joel Campbell (Costa Rica) te an ni awm e.