Kum 1983 atanga FIFA Executive committee member lo ni tawh leh Tuna FIFA Vice President ni lai leh Kum 1990 atanga CONCACAF President hna lo chelh tawh tu Jack Warner chuan Football kaihhnawih thil zawng zawng atanga a in hnuhdawh na (a banna) chu vawiin June 20, 2011 hian FIFA in a pawmpui.

Jack Warner hi FIFA ethics committee in an chhui naah eirukna leh thamna lak chungchang case 3 ah te thiamloh chantir ani a. May 29, 2011 atang khan FIFA exective leh football kaihhnawih hrim hrim a a chanvo neihte atang chuan chawlh tir ani a. June 20, 2011 ah a banna thehluh chu FIFA chuan a pawmsak a. Hemi rual hian FIFA case a neih lai 3 te hi a tihtawp sak zui a ni.

Jack Warner hi Trinidad and Tobago mi ani a, caribbean football leh CONCACAF tana mi pawimawh tak a ni. Amah hi school zirtirtu thin ani a. Football ah hian a tui em em a, Joe Public F.C pawh anei a ni. Tunah hian an ramah hian Minister of Works and Transport ani mek a, United National Congress chairman ani mek bawk a, Prime Minister awmloh changa acting Prime Minister ani.

FIFA chuan Jack Warner a chhuah chungchanga press conference a koh ah chuan “A (jack warner) banna hi world football governing body chuan a pawm tawh a, CONCACAF leh abik takin caribbean football tana a thawhna zozai te hi a hlu kan tiin ropui kan ti ani. Warner hian kum 28 chhung football hmasawn nana a lo thawh tawh hnu ah football kaihhnawih hna te chu a ram leh hnam te tana hna tha zawk a thawh theihna turin ama duh thu ngeiin abang ani” a ti a. FIFA Executive Committee, FIFA President leh FIFA management te chuan Jack Warner-a chungah hian lawmthu an sawi a, a kal lehzel na turah duhsakna an hlan bawk ani.