First Division roreltu Mizoram Police – Rooney Opa

Estimated read time 5 min read

mizoram-police
Mizoram Police-in ADFA 1st Division League final-ah Aizawl FC Academy chu 4-1 in an sawp a, season liam taa Mizoram Premier League atanga relegate team hi league round-ah chiang taka hma an hruai bawk avangin first division roreltu an ni.

Zanin khan Lammualah final khelh a ni a, Mizoram Police-in darkar chanve tlin hma hretin Lalfakawma hmangin hma an hruai a, first half injury time-ah Aizawl FC Academy-in assistant coach leh player ni kawp H. Lalnunzira penalty hmangin an sut. Amaherawhchu second half tan chiahah AFC Academy defender Lallawmawma chuan an lamah a tilut a, Police tan Lalfakzuala’n goal hnih khung belhin 4-1 in an chak.

Aizawl DFA champion ni mah se Mizoram Police tan Mizoram Premier League-a let lehnghal hi thil theih a ni lo. Aizawl DFA hian Mizoram chhunga district dang pariat nen MPL Qualifier-a quota an neih zat a inang reng a, hei vang hian Police hian MPL khel turin qualifier an hmachhawn phawt a tul. Aizawl DFA aiawhin Police leh Venghlui FC ten MPL Qualifier an tel ang a, Serchhip DFA aiawh club pakhat nen an inel ang.

Aizawl FC Academy hi an senior team MPL-ah an tel tawh avangin Mizoram Premier League an khel ve thei lo a, hei vang hian league round-a pathumna Venghlui FC-in MPL Qualfier khelh theihna ticket an neih theih phah.

An inhnehtawk lo
Season liam ta khan Aizawl FC Academy-in league round-ah hneh loh an tawng lo a, final-ah erawh Chhinga Veng an tlawm. Kuminah Aizawl FC Academy-in thilmak thlentir an tum a, league round thununtu Police hneh erawh a awlsam lo.

Police hian MPL 4 best player, top scorer leh best forward ni vek thei thei F. Lalrinpuia (Valpuia) tel loin an khel a, chutichung chuan Aizawl FC Academy lakah chuan an chungnung hle.

Aizawl FC Academy lamin an goal venhim chu an thupui ber a ni a, chutichung chuan tan atanga rei lote-ah Lalramtharmawia (Mamawitea) cross tha tak mai chu Lalfakawma chuan a tilut teuh nghal a, tantu ngah zawk Police thawm a tha hle bawk.

Minute 16 lekah inhliam vangin Police left back Lallawmzuala (Lawmtea) chu lakchhuah a ni a, a aiah Lalrinchhana (Itana) a rawn lut. Veteran defender Itana hian a luh hnu lawkah Fakawma tan ball tha pein, Police forward hian minute 29-naah goal hmahruai a khung.

Aizawl FC-in nomawi chan mai an tum lo a, first half tawp hma hretin penalty an hlawh chhuak. Chennai club Madras Sporting Union tan pawha lo khel tawh veteran striker Zirtea’n Aizawl FC Academy tan a khung a, 1-1 in first half a tawp.

Second half-ah Police-in an chungnung nghal a, an vannei tel bawk. Minute 48-naah AFC defender Lawma’n an lamah a tilut a, hei hi inkhel thlak danglamtu a ni. Police an hawi kir tawh lo. Police tan Armed Veng tlangval ball thiam Lalfakzuala’n goal hnih a khung a, Aizawl FC Academy-in an chhang let thei tawh lo.

Inkhel pumpui thlirin team pahnihte an inhnehtawk lo hle a, Police hian inkhel an thununin kum leh pianzia pawha phanchang zawk tih hai rual a ni lo a, Aizawl FC rawlthar rual ten an ngam lo a ni ber.
AFC Academy hmabak
Aizawl FC Academy hi kum lamah naupang te te la ni mah se a zawnin 1st Division final an khel thei a, anni aia tawnhriat ngah zawk team tam tak tudawlin tun season-ah beisei awm tawh lo anga a lan hnuah Chawnpui FC leh 1st Batallion MAP sawpin final an thleng.

Final-ah pawh hian a chak lo zawk an ni tluan chungin beidawng hmel an pu lo a, a tawp thlenga beiin mipui lawm pawh an hlawh hle. AFC rawlthar rual tan Police defender te tawnhriat a tam lutuk hret a, chutihrualin nomawi chawi tur erawh chuan anmahni aia upa zawk an hneh a tul lawi bawk.

AFC Academy hian MPL Under 18-ah final an la lut lo a, tualchhung football-ah khelmual chhungah game tha tak khel mah se nomawiin a zui loh chuan sawisel an la hlawh dawn. AFC Academy hi an thawhrim avangin fak an phu a, hmasawnna tur erawh a la tam tih zep rual a ni lo.
ZoFooty Statistics:
Mizoram Police FC 4-1 Aizawl FC Academy (FT)
MPFC : Lalfakawma 29’; Lallawmawma 48’ (OG); Lalfakzuala 52’, 60’
AFC : H. Lalnunzira 45’+2 (P)
54% Ball Possession 46%
19 Shots 9
8 On Target 5
1 Yellow Cards 0
0 Red Cards 0

Tute nge khel?
Mizoram Police FC: Andrew Lalhmingliana, Lalhmunmawia, Lallawmzuala, B. Zoramthanga, Lalbiaknunga, V. Laltanpuia, Lalramtharmawia, Lalbiakhlua, Lalfakawma, Lalsangbera, Lalfakzuala.
Subs: J. Vanlalhriata, Lalrinchhana, Zohmingmawia, Vanlaldika, R. Vanlalhriata, Roliantluanga, F. Lalrinpuia, PC Vanlalhruaia.
Aizawl FC Academy: Sangtluanga, Lallawmawma, Malsawmtluanga, Lalmuankima, Lalhmingmawia, Lalrintluanga, Lalbiakfela, Lalengmawia, Hmangaihkima, Ramsangliana, H. Lalnunzira.
Subs: Hmangaihsanga, Vannunmawia, Ramchullova, Lalruatfela, Lalremtluanga, Thangzawmsanga, Rampianmawia, Lalnunsanga, Lalhriatpuia.
Lawmman
Best Goalkeeper: Sangtluanga, Aizawl FC Academy
Best Defender: Lalhmunmawia, Mizoram Police FC
Best Midfielder: V. Laltanpuia, Mizoram Police FC
Best Forward: Lalbiakhlua, Mizoram Police FC
Best Player: V. Laltanpuia, Mizoram Police FC
Top Scorer: Lalsangbera, 12 goals, Mizoram Police FC
Fair Play Award: 1st Battalion MAP Academy

Champion: Mizoram Police FC (Rs 150,000)
2nd Position: Aizawl FC Academy (Rs 80,000)
3rd Position: Venghlui FC (Rs 65,000)
4th Position: Ramhlun FC (Rs 55,000)
5th Position: Chaltlang FC (Rs 45,000)
6th Position: Chawnpui FC (Rs 35,000)
7th Position: 1st Battalion MAP Academy (Rs 25,000)
8th Position: FC Kulikawn (Rs 15,000)
1st Battalion MAP leh FC Kulikawn te hi 2nd Division lamah an relegate a ni.

You May Also Like

More From Author

48Comments

Add yours
  1. 48
    RebGype

    Buy Periactins Online Viagra Bestellen Voor Vrouwen Finasteride Work Does Propecia viagra What Is Cephalexin Used For Viagra En Ligne Livraison Express Order Viagra On Line

+ Leave a Comment