(He post tlâwm te hi, football ngainatute tan ka hlan e).
Zanlai a pel hret a, amah chauhin Pu Mawia chu ṭhutthlengah a ṭhu a, a chhungte, a ṭhiante, a thawhpuite leh mihring tam zawk chu tui takin an muhil tawh. Khum pindana a fanu ṭawngvai niah niah chu a hre lo a, pawnah ruahsur tur a inṭham mek tih pawh a hrechang tawh lo. A mit, a beng, a taksa leh rilru zawng zawng chu ṭhutthleng hmaa TV ah chuan a pe fai vek a, a hnathawhna, politics leh Pathian thu takngial pawhin a ngaihtuahnaah hmun an chang lo. Pu Mawia hian El Clasico a en mek a ni.
Inkhel inhnehtawk tak a ni a, huntawp dawn ṭepah a ṭan loh lamin an ti goal a, injury time ah a pawl pa-in goal ban a pet per bawk. Thinrim ṭeuhin a mu a, zingah a chaw ei a tui lo a, an nu a titau deuh lehnghal. Nilengin a mut a chhuak a, office-a a muthlu lai an pu in a hmu zui.
Hemi hnu kar 2 lawkah hian a pâwlte’n Champions League an khel a, zan menrei hlawk loh zia a hre tawh a, an nu pawhin mu hma mai turin a thlem. Inkhelh hun a nih meuh chuan TV hmaah, a pawlte jersey ngei mai ha chungin hmuhnawm ti takin ṭhu leh vâng tawh a, zanin chu a ṭan lam an chak ve ta e.
Pu Mawia anga football tuichilh hi Mizo ṭhalai, naupang leh nu leh pate zingah kan awm fur awm e. Football telloa nuam ti thei miah lo, TV a inkhel en changa vanglai ngaia lungleng veng veng ṭhin pawh kan awm ang. Football tân hian hun leh tha tamtak kan sêng a, nunphung pangngai kalpel dawrha khawsak châng lah a tam narawh.
Kan pawlte jersey kan lei a, European league hrang hrang TV ah kan en a, a vannei deuhin Old Trafford te, Camp Nou ah te an en a. A nih leh, a tawpah chuan hlawkna kan nei ve em le? Sum leh pai kan ngah phah lo a, kan hnathawhnaah kan kaisan phah lo a, thlarau nunah hma kan sawn chuang lo. Lehkha zir ṭhat theih loh phah an bâng hek lo. A nih leh football fan nih chu chânna em ni?
Kawng ṭhenkhatah chuan chânna a ni thei tehmeuh ang. Kawng tamtakah hlawkna nasa tak, sawichhuah thiam har khawpa nuam a ni thung si.
Lammualah a ni emaw, Thingsulthliahah a ni emaw, TV ah a ni emaw, ‘live’ ngeia inkhel en tluka thin tiphu rang leh min tiphûr thei thil hi a tam awm lo e. Boruak ṭang et awtah inkhel kan han en a, field chhungah player te an ṭang bawk, a kotlangah anni ai mahin kan ṭang emaw tih tur ni bawk. Kan ṭanlamin an han pet goal a, pa fing pui pui pawh kan au teng tung ṭhin a nih hi. Thildang zawng zawng theihnghilh a, lawm avanga kan auchhuak tuar tuar ṭhinte hi sumin lei dawn ila, a man a to awm mange.
Kan pawlte an chetṭhat emaw, kan player duh em emte an han ‘form’ viau mai hi chuan rilru hi a hlim veng veng mai a, an hriatpui miah loah nuam hi kan lo ti em em mai a ni. Hei hi inkhel en ngai loten an hrethiam lo a, a ho min tihsak fo ṭhin. Keinin an hloh hlêpah kan lo chhiar si.
A dang tamtak sawi tur a la awm a, mahse ZoFooties ten i sawiho zawk ang u.
cialis pill
cialis 20 mg
otc cialis
how to get cialis
Buy cialis usa
Free cialis samples
Manchester Utd. tan ula, in hlep reng ani mai…..:)
Comment #8 hi iti dik ani e . Football kan atchilh anih chuan engkimah in lawrh tumlo ila thenkhat chan ngam ila . kan tihtur thatak ti bawkila , nuam kan tih ang zawng ah hian chin tawk nei ila adng tih kual zun loin le, Kan exam lai leh Champion League a in nang thei sia ka en loh angai ani mai mahsela Football fans chu kani tho.
A tukah kan exam dawn a, Barcelona leh ManUtd semi final ah an intum bawk si (2008). A theih ang angin ka zir lawk a, ka thiante ho bulah second half chiah ka en ang tiin ka intiam vek a. An inkhelh tan meuh chuan hostel TV room ah, tlar hmasa berah ka thu leh daih tawh tho.
The Thlams sawi ang deuh hian, nuam leh hmuhnawm kan tih em em, tui taka kan han en thei te hi damchhan, nun tinuamtu a ni bawk si.
Ka rilrua awm, ka sawichhuah thiam si loh i rawn sawichhuak kîlh kêlh vek chu lê!!!
Hetiangte engtinnge rawn post nachang i hriat aw.. tha lutuk.. Nia, ani khawp mai! keipawhin mu hmunah ka ngaihtuah neuh neuh thin! MAhse nuam tihzawng hmuh nawm tih zawng kan tih a kan en hi.. kan damchhan chu a ni mai lawm nile ka ti deuh.. Amaherawh a fing a piangin thil awm tawk leh mawi tak hi chu an hre zel zawng a nih hi. Kei chu a a pawl chu ka ni maithei! Hmuhnawm thin bawk sia. Tin a chang chuan football lovers tak tak chu ka ni lo em ni aw.. chu ka ti thin. Ka pawlte leh team lar deuhte khel lo hi chu ka en peih meuh lo. An inkhel result erawh ka ngaihven fu lawi!
@ben vangchhia: Nia an reh hlawm khawp mai. Aizawl lamah internet a nuar a nih hmel 🙂
@gust’boy04: Lung i tileng hle mai. Hostel-a vaiho nen TV han inchuh deuh rap rap laite pawh a ngaihawm lehling ta phian nia..
Epl hi chu men hun pangai anga a chhuah thin avang hian inthlahrung vak lovin ka en thei mai thin a. El clasico(La Liga) leh Champions League tak hi chu zanlai pelh hret anih thin avang hian ka tan chuan a buaithlak deuh thin. Kan room ah hian tv kan dah bawk sia nupui fanau te harh hlau taka zanlai lai a patling a pumpa tho tham2 a tv han on thin mai chu mahni in mah nise a inthlahrung ve theih khawp mai. Champions league leh la liga phei chu kan han enzawh meuh chuan dar 3 te alo ri daih tawh thin a, Pu Mawia anga ofc kal a ngaih thin vangin dar 8 velah chuan thawhchhuah ngei2 ngai leh tawh thin sia min sen rum a chhuah chang te hi a tam thin hle. Mahse heng zawng2 avang hian inkhelh en sim hi chu ka la tum chuang lemlo khawp mai….ka la en zel dawn tho e! 🙂
En mai k la duhtawk lo,a tuka thianho a han sawiho te h nuam k ttt
engineering ka zir mek a,kan HOSTEL TV ah Cricket an chhuah deuh reng a.lung a leng duh khawp mai..mahni In a,42″ TV hma a thut a inkhel en a chakawm thei khawp mai.monday-friday lehkha ka theih tok in ka zir a,week-end ka ‘ENJOY’ na thin chu inkhel en a ni.UCL chu Quater Final atrang lo chuan ka en ve hman mang ngai lo a,a tam xok phei cu ka MISS thin,ka xirna avang in.ka tan cuan FOOTBALL FAN NIH HI HUN KHOHRALNA a ni lo a,ka nun ti famkim tu leh min ti hlim tu 1 a ni. (tun thla ni 27 hi ka BIRTHDAY a ni a,Father-a’n ManU jersey Original min PRESENT leh dawn a,Football FAN nih hi a nuam a ni)
Pu Mawia ang em hi chuan ka tuichilh lo na a, football live en tur a awm khat hi chuan ka khua a har veng veng thin. Weekend min nghahhlelh tirtu pakhat chu a ni chiang khawp mai bawk.
In va han reh mai mai e! Mut hmain Comment lawk nge.. Zanlam inkhel ena menrei avangin chhun lamah mutchhuak pawh ni ila pawi ka ti lem lo.. Bakah tun hnai kum thum kum li chho vela ka menrei tum hi UCL Match alo ni tlangpui a, ka club te an che chhe vak ngailo nen, a tukah pawh hlim sarih a awm theih zel tlat.. An chakloh tum lah Final te a lo ni tlangpui tawh nen…………………
In va han reh mai mai e! Mut hmain Comment lawk nge.. Zanlam inkhel ena menrei avangin chhun lamah mutchhuak pawh ni ila pawi ka ti lem lo.. Bakah tun kum thum kum li chho vela ka menrei tum hi UCL Match alo ni tlangpui a, ka club te an che chhe vak ngailo nen, a tukah pawh hlim sarih a awm theih zel tlat.. An chakloh tum lah Final te a lo ni tlangpui tawh nen…………………