FOOTBALL KHAWVEL A MI LEHKHATHIAM TE

Khawvel changkanna in a ken tel tam tak zingah hian lehkhazir hi Mizo te hian kan ngai pawimawh in kan dah sang ber emaw tih turin naupan tet atangin a nei deuh leh nei lo deuh te pawhin mahni phak ang zelin lehkha kan in zirtir a. Khawthlang lamah chuan lehkha zir hi an ngaih pawimawh rual rual in an naupan tet atangin anmahni talent dawn emaw, an thiam zawng leh an tuina zawngah kal turin nasa takin an kaihruai a, an nu leh pa, an zirtirtu te pawh an tuipui hle thin a ni tih kan hre awm e.

Football khawvela mi hmingthang tak tak, managers leh players zingah hian ‘Lehkhathiam’ tia han sawi tham hi an lo tam lo viau nge ni anga, kan hmuhchhun te hi an tlem zawk, chhiar tham lek mai an awm a. A then te phei chu kan hriat ngai loh tak tak te, hranghlui kan han tih tur ang te an awm nawk a, heng Football khawvel a mi lehkhathiam awm ve te hi han thailang ve hrim hrim ila a tha ange.

1. Slaven Bilic : Ani hi Croatian Footballer thin a ni tih kan hria a, Croatia National team lo enkawl tawh tu a ni a. Tunah hian Lokomotiv Moscow a enkawl mek a ni. Ani hian ‘Bachelor of Law’ degree course chu a zo a ni.

2. Zvonimir Boban : Ani hi AC Milan midfielder rinawm thin, kum 11 tehmeuh mai Milan tana lo khel tawh kha a ni a. Ram tan hian Yugoslavia tana a inlan zet hnu ah Croatia in zalenna an hmuh hnu in Croatia tana khelh a thlang ta a ni. Boban hian University of Zagreb atangin History subject ah Bachelor degree a hmu a ni.

3. Harald Bohr : Ani hi chu hranghlui kan tih ang tak tak zing ami a ni a, kum 1908 Summer Olympics a Denmark in Silver Medal an lak tuma player pawimawh tak a ni awm e. Ani hi Mathematician ropui tak mai a ni a, University of Copenhagen atangin kum 1909 ah Mathematics subject ah Master degree a la a, chumi hnu kum rei lote ah Ph.D a zo leh bawk a ni. Mathematics subject a ‘almost periodic functions’ an tih hmuchhuaktu a ni a, a thianpa nen Edmund Landau ‘Bohr–Landau theorem’ an tih chu an hmuchhuak bawk a ni.

4. Steve Coppell : Manchester United supporters chuan a hming hi kan hria in a rinawm a, United winger hlui tlanchak em em mai, Man. Utd a kum 8 lai mai lo khel tawh a ni a. Tunah hian Crawley Town FC ah Director of Football a ni mek a ni. Coppell hi Man. United player hlui ni mahse a zirna lamah chuan Liverpool University atangin subject hnih lai – Economic leh History ah te degree course a zo a ni.

5. Iain Dowie : Ani hi chu a khel hmu phak pawh kan awm maithei a, West Ham United leh Northern Ireland forward hlui a ni. Tin, Hull City a enkawl thin bawk. Dowie hi kum 16 mi anihin Southampton a lut turin a intlar ve a, mahse anni hian an lo chhawk a. Chutiang anih takah chuan a zirna lam a chhunzawm a, University of Hertfordshire atangin Engineering degree a zo a ni. A zir zawh veleh hian  British Aerospace ah thawk zuiin chumi hnu ah football a luhchilh leh chauh a ni.

6. Ceri Evans : Ani hi chu kan hre lar vakin a rinawm lova. New Zealand lam mi niin an ram tan hian vawi 56 lai mai a khel ve hman a ni. A ni hi University of Oxford a Rhodes Scholarship an tih, an ngaihhlut em em mai dawng pha ngat a ni a, Oxford atang hian Psychology ah Post-Graduate degree a zo a ni.

7. Brian Hall : Ani hi Liverpool legend tiin sawi ila, kan sawisual anih pawhin kan sawisual tam pui lo maithei a ni. Midfielder niin kum 8 zet Liverpool ah a khel a ni. Hall hian Liverpool University atangin B.Sc – Mathematics a zo a ni.

8. Steffen Heidrich : He German pa hi Germany football player ah chuan hriat hlawh lutuk nilo mahse kum 2000 a FC Energie Cottbus in division hniam atanga Bundesliga an rawn kai chhoh tuma an team Captain kha a ni a, tunah hian Bundesliga II club Erzgebirge Aue ah Sporting Director in a awm mek a ni. Heidrich hian Dresden University of Technology atangin Business Management ah degree course a zo a ni.

9. Steve Heighway : Ani hi 1970s chho a Liverpool player pawimawh ber te zing ami a ni a, Liverpool hi 1st Division League Champion vawi 5 lai a nihpui hman a, kum 11 zet Liverpool ah hian a khel a ni. Ani hian University of Warwick atangin Economics subject ah degree a hmu a ni.

10. Shaka Hislop : Premier League en thin chuan ani hi chu kan hre vek awm e. West Ham United leh Portsmouth ah te a hun tam zawk a hmang a, ram tan erawh England a piang mah nise Trinidad and Tobago tan a khel daih thung. Hislop hian Howard University, Washington D.C atangin Mechanical Engineering degree chu ‘Honours’ ah ngat a zo a ni.

11. Brian McClair : Ani hi Man. Utd ruhkawl chuan an hriat ngei ngei ka ring a, Premier League trophy vawi 4 zet lo chawipui tawh tu leh United a kum 11 zet lo khel tawh anih avang hian Red Devils supporters ho chuan an hre fu maithei a ni. Tunah hian Director of Youth Academy in Manchester United ah hian a awm mek a ni. McClair hian University of Glasgow atangin Bachelor of Medical Science a zo a ni.

12. Kevin O’Flanagan : Ani hi footballer lar tak nilo mahse Arsenal ah te pawh lo khel ve tawh thin a ni a. Mak tak mai chu Football atanga a retire hnu hian Rugby a khel leh a, an ram Rugby team tan vawi 3 lai a inlan leh hman a ni. A ni hi University College Dublin atanga Medicine lampanga degree course zo a ni a, an ram Ireland ah phei chuan Dr. Kevin O’Flanagan tiin an sawi thin. An ram tan hian Sports huang chhungah nasa takin ‘Doctor’ a nihna hi a hmang tangkai a, an ram mi leh sa te chuan an ngaisang hle a ni.

13. Volker Oppitz : Ani hian Dynamo Dresden ah a football career zawng zawng a hmang zo a tih theih a, inhliam neuh neuh in a tlakbuak reng avangin an ram Germany tan pawh a koh a ni ve hman ta lo a ni. Tunah hian Dynamo Dresden ah hian Managing Director in a awm mek a ni. Ani hian Dresden University of Technology atangin Economics subject ah degree a la a ni.

14. Steve Palmer : Ani hi Ipswich Town defender thin a ni a, Ipswich ah hian kum 6 zet a khel a, Premier League ah vawi duailo a lo inlan ve tawh a ni. Palmer hian Cambridge University atangin Software Engineering ah degree course a zova, an hunlai a he University a footballer lehkha zir thei awmchhun niin an sawi nghe nghe a ni.

15. Arsene Wenger : A ni hi chu sawi tam tehchiam a ngai lo. Premier League en thin chuan tunge a nih leh enge a tih kan hre vek awm e. Kum 16 zet mai Arsenal lo enkawl tawh tu hi football a khelh ve lai chuan Sweeper position kan tih ang chi ah hian a khel thin in an sawi a, mahse football hi a khel rei lo hle a, club enkawlna lamah a inhmang ta zawk a ni. Ani hian  University of Strasbourg atangin Master of Economics a zo a ni.

16. David Wetherall : Ani hi Leeds United leh Bradford City mi hlun tiin a sawi ngam ang chu. Leeds United a kum 8 zet a khelh hnu in David O’Leary in Graham a thlak khan  Lucas Radebe leh kum 18- mi lek Jonathan Woodgate te chu manager thar in defense line a ding tura a dah thlan tak zawk avangin Wetherall hi Bradford City chuan an club transfer record ni turin  £1.4 million in an lei a, Bradford City ah hian kum 9 zet a khel a, a retire zui nghal a ni. Ani hian Sheffield University atangin B.Sc – Chemistry a zo a ni.

17. Arjan de Zeeuw : He Dutch defender hi Premier League club Portsmouth leh Wigan Athletics ah te a chetla kan lo hmu tawh thin a, Dutch ni mahse England ah a football career tam zawk a hmang a ni. A ni hian Bachelor of Medical Science chu University of Amsterdam atangin a zo a ni. Footballer zinga ‘Doctor’ tlemte zing ami a ni. Kum 2009 a football atanga a retire hnu hian ‘Investigative detective’ hna a thawk a, a bik in Forensic lam a buaipui a ni.

18. Avery John : A ni footballer hriat hlawh lutuk lo ni mahse an ram Trinidad and Tobago tan erawh chuan vawi 65 lai mai a inlan tawh a ni. A football career pumpui hi America ram lamah a hmang a, MLS ah chuan defender hriat hlawh pawl a ni ve a ni. Ani hian American University atangin Business Administration ah degree course a zo a ni.

19. Michael Videira : A ni hi American midfielder a ni a, USA tan age-level competition hrang hrang ah te a chhuak ve thin a, U-17 ah leh U-20 ah te an ram USA ai a lo awh ve zak zak tawh a ni. A ni hian Duke University atangin Sociology subject ah degree a zo a ni.

20. Rob Taylor : A ni hi League Two club Port Vale a khel a ni a, midfielder leh forward position a khel kawp thei, tlanchak tak mai a ni. Taylor hi Manchester United supporter ruh tak mai a ni a, University of Worcester atangin Bachelor of Sport Science (BSS) a zo a ni.

21. Jean-Alain Boumsong : A ni hi chu kan hre fur in a rinawm a, Newcastle United leh Juventus tlarhnung lo hnawhphui tawh thin tu kha a ni a, tunah hian Panathinaikos tan a khel mek a, an ram France tan vawi 27 lai a khel ve tawh nghe nghe a ni. A ni hian University of Le Havre atangin B.Sc – Mathematics a zo a ni.

22. Seyi Olofinjana : Ani hi Premier League club Wolverhampton Wanderers, Stoke City leh Hull City ah te a lo khel tawh thin a, an ram Nigeria tan pawh vawi 44 lai mai alo inlan tawh a ni. A ni hian Ladoke Akintola University of Technology atangin B.Sc – Chemical Engineering a zo tawh a, tunah hian M.Sc hemi subject ah vek hian a zir mek a ni.

23. Fabrice Muamba : A ni hi chu kan hre vek awm e. Hmanni lawka lung thalo avanga thil lek lek hman, an chhanchhuah leh kha ania, 15th August 2012 khan kum 24 mi lek niin a taksa a harsatna awm avangin football chu ui tak chungin a chawlhsan anih kha. Ani hian B.Sc Mathematics University of Bolton ah a zir mek a, tin, University of Bolton vek hian July, 2012 khan a nuna thil thleng te avangin ‘Honorary doctorate degree’ an hlan a, tunah ‘Dr.’ Fabrice Muamba a ni ta vuh mai!

Heng kan han ziah tak te bakah hian footballer lehkhathiam kan tih an la awm nual in ka ring a, heng ho hi ka han lakchhuah theih ho an nia, kan han thailan bak te kan hria anih chuan rawn tarlang thei ula a lawmawm ngawt ang. Degree course tia ka han ziah ho hi ‘Bachelor’ degree tihna a ni.

Posted in Articles.

23 Comments

  1. He post chu a va ṭha ve. Footballer hlawhtling tak tak ni tur chuan zirna an thlahthlam ve deuh kha a ngai tlat bawk sia, zirsang an tam lo pawh hi a awm khawp mai.
    Frank Lampard hi footballer zingah chuan IQ sâng pawl kha a ni ve thinin ka hria, zir sâng lam ni lo in 🙂

  2. Bengvarthlak hle mai,Liverpool khawchhuak hoin zirna an uar anih khi,ka hriatsual loh chuan Vialli pwh kha eng degree emw chu anei velo mw,nihloh cuan millionaire chhungkua kha chu anni ngei maiah…ve mai2

  3. ahruaia’n zara a rawn sawi ta sa3…KC LALHRIATPUIA ramhlun venglai,mohun bagan in an sawm subroto best player hlui,all india sainik best player hlui ni bok,lehkha zir thlang ta zawk. B.E. electrical & electronics.haha

  4. Bengvarthlak ve, mahse hriat antlem!..player zirsanglo ho post siam dawn ila a awlsam zawk hmel 🙂

  5. good post,bengvar thlak lehpek,comment #1 hi a inchhir nge chhirlo chu ka hriatpuilo,mahse ngaihsanawm ka ti khawp mai,KZP

  6. Bengvarthlak hle mai,,,lehkhathiam nge2 chu an mizia ah poh hriat thin deuh.Baloteli leh Barton hi chu lehkha an thiam vak lo maithei ni…. O:

  7. @ 1#Ahruaia Lil’Foe, Zara hi Chennai kan om laiin a Project tih tur lam kha tlem ka lo pui ve ta in ka hria, Fluid & Hydro Dynamics lampang kha ni ta in ka hria, a fakom e, tluang takin a zo ta ang chu maw….

    Post hi a tha khop mai, in zir nan te poh hmang ila a tha ang 😀

  8. Mak ka tih deuh chu Arjan de Zeeuw, Olofinjana leh Boumsong te hi…. An hmel nen a inhmehlo lutuk a…. 🙂

  9. Post tha hle mai.. Lal Zarzova :Mizoram U-16 player, Indian Bank in an sawm mahse lehkhazir thlang ta zawk. MSc (Mathematics) pawh ka rawn ziak tel ve ang e..hahaha 😀

Leave a Reply

Or

FOOTBALL KHAWVEL A MI LEHKHATHIAM TE

Khawvel changkanna in a ken tel tam tak zingah hian lehkhazir hi Mizo te hian kan ngai pawimawh in kan dah sang ber emaw tih turin naupan tet atangin a nei deuh leh nei lo deuh te pawhin mahni phak ang zelin lehkha kan in zirtir a. Khawthlang lamah chuan lehkha zir hi an ngaih pawimawh rual rual in an naupan tet atangin anmahni talent dawn emaw, an thiam zawng leh an tuina zawngah kal turin nasa takin an kaihruai a, an nu leh pa, an zirtirtu te pawh an tuipui hle thin a ni tih kan hre awm e.

Football khawvela mi hmingthang tak tak, managers leh players zingah hian ‘Lehkhathiam’ tia han sawi tham hi an lo tam lo viau nge ni anga, kan hmuhchhun te hi an tlem zawk, chhiar tham lek mai an awm a. A then te phei chu kan hriat ngai loh tak tak te, hranghlui kan han tih tur ang te an awm nawk a, heng Football khawvel a mi lehkhathiam awm ve te hi han thailang ve hrim hrim ila a tha ange.

Read More

Posted in Articles.

Leave a Reply

Or