Football leh Kristian thalai

(He article hi kan veng (Republic Veng, Aizawl) KTP chanchinbu ‘Thalai Aw’ Editorial Board ten article ziak tura min rawn tih anga ka ziah a ni a. Ni 24 June 2012 khan ‘Thalai Aw’-ah chuan tihchhuah a ni tawh nachungin ZoFooty Sunday Special atan pawn ala pawi chuang lova ka hriat avangin ka rawn post nawn leh e. Chanchinbu a chhuak tura duan anih avangin word limit mila ziak a ni tih pawh min hriat sak turin ZoFooties-te ka ngen bawk a che u.)

Football tawngkam takin season liam ta (2011/12 season) kha football tuimite tan chuan season duhthusam a tih theih a. Tunah local football lamah Mizoram Premier League boruak a lian lian hle a, local football tui pha lo tan pawh European Championship ala awm cheu avangin football sawi miah lova, ni khat han hman ral mai pawh thil har a tling ta tlat mai. Biak In-ah pawh football sawi a bang chuang lova, thusawitute pawn football lam hawi tehkhin thu an hmang ta fo mai chu a nih hi. Tunah kan thuziah tur pawh hi a dang chuang lo, football tho a ni. Amaherawhchu football ringawt ni lovin football leh kristian thlalai sawi zawm kan tum a, inzawmna neilo kan sawi zawm dawn avangin a chhiar dan pawh kan thiam a ngai dawn a ni.

Defensive Game: Euro 2012 kan en chuan team tam zawkin defensive midfielder pahnih an hmang a, 4-2-3-1 formation chu an hman uar ber a ni. Football-ah hian goal thun a pawimawh a, chutiang chiah chuan goal venhim a pawimawh bawk. Kan goal thun aia kan goal chhuah a tam chuan kan chaklo tihna a ni. Chuvang chuan goal venhim hi kan ngai pawimawh hmasa tur a ni. Kristian thalai tan pawh goal thun a pawimawh rualin goal venhim hi a pawimawh hmasa a. Defensive game tha ber pakhat chu insumna hi a ni awm e. Heng zuk leh hmuam, zu leh drugs, mipat hmeichhiat hmansualna laka insum hi thil pawimawh hmasa chu a ni awm e. Insumna tak tak nei chuang lova, rawngbawltute atang hian hlawkna aiin hlawklohna a tam zawk fo. Rawngbawlna lama thawh hlawk tak tak sawn thlak leh si emaw sawn pai leh si emaw avang hian kristian thalai tam tak an hnual phah fo tih kan hriat a tha. Hemi anih avang hian Kristian thalaite hian defensive game kan khelh hmasak hi a tul reng a ni.

Racism: Euro 2012 a lar tak pakhat chu racism hi a ni. Player thenkhat an kohlohna chhan leh player chhungte leh fans te kal lohna chhan hi racism vang hi a tih theih awm e. Football game chhung ami ni lo mahse he racism hi ngaihtuah tham a tling a, football hmel a ti bal hle. Mahse he racism hi sap ram chauha thleng nilovin kan ramah ngei pawh a thleng a tih theih, Shillong Lajong leh Royal Wahingdoh lo kal tuma, hnam dang (Mizo nilo, a bik takin foreigner) kan lo auh dan kha Kristian thalai tih atan chuan a mawi lova, racism-ah chhiar telloh theihloh a ni. Hemi siamtha theitu chu Kristian thalaite hi kan ni. Heng bakah Racism chu ni lo mahse kristian thalai zingah mahni aia dinhmun chhe zawk nuih ching kan la awm hi sim atan a tha hle. Neihin a tlin vanga incheina to tak tak an ha hi ka sawisel lova, neihin a tlin loh avanga incheina nei tha lo hnung lam atanga nuih kan ching hi ka sawisel a ni.

90 minutes: Football-ah chuan minute 90 chhunga goal thun tam zawk an chak thin a, playerten chak turin theihtawp an chhuah thin. Amaherawhchu Kristian thalai tan chuan minute 90 lek nilovin kan damchhung hi kan inkhelh hun chhung chu a ni. Kan chak ngei theihnan kan nitin inkhelhnaah hian theithawp i chhuah theuh ang u.

12 thoughts on “Football leh Kristian thalai

  1. Pingback: cialis canada

  2. Pingback: Cialis profesional

  3. btena

    Post tha khop mai,thil zawng chhang tlak tak a nih hi miaw le…nia a ngaihnawm mai bakah KTP te tan chuan in enlet na pawimawh tak a nih khi tunlai thangthar mai bakah KTP te hian tiang lampang hi kan mamawh tlat in ka hria

  4. MIZO

    Tha khawp mai a… Sunday hi chuan tiang lam hi rawn ti leh fo tawh teh u… chhiar a man hla thei tlat..

  5. hp

    Ziak tha khawp mai a. Racism chungchang i ziah phei hi chu inenletnan hmang theuh ila tha khp mai.

  6. Lalzarzova Post author

    @Xavi fanai
    Lo tichhuak dawn nia, ka hming lam ai chuan ZoFooty atanga lak tih thailan kha ka ngai pawimawh a nia.

  7. hlups hauhnar

    tha hle mai a…kristianna leh football mawi taka kaihkawp dan a lo awm reng anih tak hi!!!:)

Leave a Reply

Football leh Kristian thalai

(He article hi kan veng (Republic Veng, Aizawl) KTP chanchinbu ‘Thalai Aw’ Editorial Board ten article ziak tura min rawn tih anga ka ziah a ni a. Ni 24 June 2012 khan ‘Thalai Aw’-ah chuan tihchhuah a ni tawh nachungin ZoFooty Sunday Special atan pawn ala pawi chuang lova ka hriat avangin ka rawn post nawn leh e. Chanchinbu a chhuak tura duan anih avangin word limit mila ziak a ni tih pawh min hriat sak turin ZoFooties-te ka ngen bawk a che u.)

Football tawngkam takin season liam ta (2011/12 season) kha football tuimite tan chuan season duhthusam a tih theih a. Tunah local football lamah Mizoram Premier League boruak a lian lian hle a, local football tui pha lo tan pawh European Championship ala awm cheu avangin football sawi miah lova, ni khat han hman ral mai pawh thil har a tling ta tlat mai. Biak In-ah pawh football sawi a bang chuang lova, thusawitute pawn football lam hawi tehkhin thu an hmang ta fo mai chu a nih hi. Tunah kan thuziah tur pawh hi a dang chuang lo, football tho a ni. Amaherawhchu football ringawt ni lovin football leh kristian thlalai sawi zawm kan tum a, inzawmna neilo kan sawi zawm dawn avangin a chhiar dan pawh kan thiam a ngai dawn a ni.

Defensive Game: Euro 2012 kan en chuan team tam zawkin defensive midfielder pahnih an hmang a, 4-2-3-1 formation chu an hman uar ber a ni. Football-ah hian goal thun a pawimawh a, chutiang chiah chuan goal venhim a pawimawh bawk. Kan goal thun aia kan goal chhuah a tam chuan kan chaklo tihna a ni. Chuvang chuan goal venhim hi kan ngai pawimawh hmasa tur a ni. Kristian thalai tan pawh goal thun a pawimawh rualin goal venhim hi a pawimawh hmasa a. Defensive game tha ber pakhat chu insumna hi a ni awm e. Heng zuk leh hmuam, zu leh drugs, mipat hmeichhiat hmansualna laka insum hi thil pawimawh hmasa chu a ni awm e. Insumna tak tak nei chuang lova, rawngbawltute atang hian hlawkna aiin hlawklohna a tam zawk fo. Rawngbawlna lama thawh hlawk tak tak sawn thlak leh si emaw sawn pai leh si emaw avang hian kristian thalai tam tak an hnual phah fo tih kan hriat a tha. Hemi anih avang hian Kristian thalaite hian defensive game kan khelh hmasak hi a tul reng a ni.

Racism: Euro 2012 a lar tak pakhat chu racism hi a ni. Player thenkhat an kohlohna chhan leh player chhungte leh fans te kal lohna chhan hi racism vang hi a tih theih awm e. Football game chhung ami ni lo mahse he racism hi ngaihtuah tham a tling a, football hmel a ti bal hle. Mahse he racism hi sap ram chauha thleng nilovin kan ramah ngei pawh a thleng a tih theih, Shillong Lajong leh Royal Wahingdoh lo kal tuma, hnam dang (Mizo nilo, a bik takin foreigner) kan lo auh dan kha Kristian thalai tih atan chuan a mawi lova, racism-ah chhiar telloh theihloh a ni. Hemi siamtha theitu chu Kristian thalaite hi kan ni. Heng bakah Racism chu ni lo mahse kristian thalai zingah mahni aia dinhmun chhe zawk nuih ching kan la awm hi sim atan a tha hle. Neihin a tlin vanga incheina to tak tak an ha hi ka sawisel lova, neihin a tlin loh avanga incheina nei tha lo hnung lam atanga nuih kan ching hi ka sawisel a ni.

90 minutes: Football-ah chuan minute 90 chhunga goal thun tam zawk an chak thin a, playerten chak turin theihtawp an chhuah thin. Amaherawhchu Kristian thalai tan chuan minute 90 lek nilovin kan damchhung hi kan inkhelh hun chhung chu a ni. Kan chak ngei theihnan kan nitin inkhelhnaah hian theithawp i chhuah theuh ang u.

Leave a Reply