Football Sikul: Mi fate chauh vanneih bikna ani dawn ta lo

Estimated read time 5 min read

Kan club tan te leh inkhel hmuhnawm tak min entir thintu te hian khelmual a inkhelh an duhtawk mai lova. Inkhelh mai nilo hian hetiang inkhel thei tur hian a chi an tuh thin a ni. Inkhel mi te pawh hian hetiang anga inkhel thei tur hian kawng harsa zawh leh thawhrimna nasa tak a ngaihzia an hria a. Hetianga hre tur hian football sikul te an luh a ngai thin a ni. Eizawnnana hmang an nih avangin an ti mai mai lova, a zir in an inzir thin a ni. Mi fa te chu hetiang inzir theihnan hian kawng awlsam tak an zawh thei a. A harsa lam zawha hlawhtling ta viau pawh hriattur an awm nual bawk. Europe leh America a naupang te an vanneih laiin Africa a naupang te chuan harsa takin bul an tan a. Tunah erawh Asia a naupang te tan pawh kawng a inhawng tan ta zel e. India ah pawh kawng chu siam a ni leh ta zel mai. Tunah hian Manchester United in engtia nasa in nge naupang te hi a chher tih lo zir chiang teh ang.

Manchester United hian naupang te tan zirlai (course) leh thalai rual te tan ‘football camp’ te a buatsaih thin a. Naupang kum 6 atanga thalai kum 18 te tan hun remchang tak a siamsak thin a ni. Manchester United Soccer School tia hming phuah hian thupui a keng tel a, ‘Learn to play the United way’ tiin mawi takin dah a ni.

Sikul kalhmang
Manchester United Soccer School ah hian ‘Short Course’ leh ‘Residential Course’ a then a ni a. Short Course hi a hming ang hian hun reilote chhunga neih a ni a. United Kingdom chhunga hmun hrang hrang a neih thin a ni. Kum tin in heng hmunah te hian Manchester United Soccer School hian Short Course a nei thin- Aberdeen, Belfast, Brighton, Cambridge, Cardiff, Carlisle, Chemlmsford, Durham, Edinburgh, Exeter, Fife, Galway, Glasgow, Gloucester, Grimsby, Guildford, Macclesfield, Maidstone, Milton Keynes, Newport, North Dublin, Plymouth, Preston, Reading, Shrewsbury, South Manchester, Stockport, Swansea, Swindon, Taunton, Warrington, Wrexham, York.

Residential Course hi kum tin course 8 neihpui thin a ni a. Course khat hian ni 6 zel a awh a. Heng te hi a course kalhmang te chu a ni- Course 1: 3rd – 8th July, Course 2: 10th – 15th July, Course 3: 17th – 22nd July, Course 4: 24th – 29th July, Course 5: 31st July – 5th August, Course 6: 7th – 12th August, Course 7: 14th – 19th August, Course 8: 21st – 26th August. Heng hunah te hian thalai te chu hunbi neiin thil chi hrang hrang zirtir thin an ni.

Eng te nge an zir?
Manchester United Soccer School ah hian inkhelh chauh nilovin footballer tana tangkai tur zirtir an ni a.
‘School Packages’ tih hi naupang kum 11-16 inkar tan a ni a. Kartawpa ni 2 chhungin neih thin a ni. Soccer School ah te hian English zirtir thin a ni a. Inkhelh leh training te neihzawh anih hnuin chawhnu ah English hi zirtir thin an ni. Kar khat chhungin darkar 20 lai tawng hi an zir thin. ‘Player Development’ hi naupang kum 6-16 tana neih thin a ni a. Zing dar 9:30 atanga chawhnu dar 3:30 thleng neih a ni a. Hetah hian skills chi hrang hrang zirtir thin an ni. Manchester United Soccer School ah hian a mimal nilovin a team ang pawha zir theih a ni a. ‘Team package’ tiin a hming vuah a ni a. A team anga practice pui niin hmun hranah te inkhel tura zin pui thin an ni.

Residential Course chungchang hi sawi zau leh ta deuh ila. Kum 8-18 inkar te tan a ni a. Khawvel hmun hrang hrang ram 75 atangin he hun hi an chhim thin a ni. He course hian ni 6 chhung awhin Manchester United Youth Team a player te nena khelhho thin a ni. A tawp ni, a ni rukna ah hian Old Trafford a khelh thin a ni a. Naupang leh thalai te tan hei zet hi chu a hlut dan a dang bik hle a ni.

Khawvel hmun hrang hranga Manchester United Soccer School awmna te chu- South Africa (Africa), Canada (America), Australia, South East Asia (Asia), Portugal, Switzerland, UK (Europe), Abu Dhabi (Middle East)

Manchester United hi khawvel puma tantu ngahber te zingami a ni a. A tantu thahnem tak te hi an inkhel en atang mai nilovin hetianga Manchester United Soccer School a lo zir tawh te emaw a zir tawh a chhungte te pawh an ni thei awm e. Football club hi inkhel thiam chherna mai piahlamah sumdawnna tha tak a ni thei a. Heng kawngah te hian a football club, a football sikul te hian hlawk takin a thawh thei vek a. Mizo te tan ngei pawh kawng hi a inkhar lova. A hai peih tan chuan kawng a awm a. A awlsam lehzual nan he kawng te a hnaih deuh deuh turin India ah leh Asia ah ngei pawh sikul hi din zel tura ruahman a ni. Club dang te football sikul pawh tarlan zel a la ni ang.

You May Also Like

More From Author

11Comments

Add yours
  1. 5
    dustin sampler14

    Manchester united nge2 kan ropui thin e..Nya, academy chhuak leh chhuaklo inkhel hi inkhel kalhmang hre vaklo tan pawh a hmuh theih khop my. Hei hi Mizo te mai bakah India footballer te kan hniam na chhan a ni(Academy chhuak chu anni tlangpui nain duh angin an thya tawklo thin a ni). Beiseina nen kan fate tana kawng in hawng tur hi ilo thlir pht mai teh ang. Good post

  2. 6
    ben vangchhia

    Ngaihnawmin, a bengvarthlak kher mai. Mizoram Football bik pawh hi tun hun chauh thlir lo a, hma lam kan thlir thui a hun tawh khawp mai. Ruahmanna mumal tak kan neih chu angai a ni.. A bik takin Stadium chungchangah hian tan kan lak zual a ngai.

  3. 7
    Lalzarzova

    A ngaihnawm khawp mai. Liverpool lam pawh Steve Mc Mahon a hovin India an run tawh a. Chuvangin Mizoram lamah pawh hian Short Course te hi chu a la awm ve ka beisei tlat mai. Man Utd em em an lo kal loh pawn club lian dang an rawn la kal ka ring. Mahse hun erawh a la duh ngei ang. Post tha tak a ni.

  4. 9
    Ramenga

    Football-ah chuan vision an tih mai, lehlam defender te inkara hmunawl hmu theih bik riauna te, teammate te movement a zira an awm lehna tur lo hmuh lawk zung zung theih te hi a inzirtir theih loh a, a dang zawng chu a zir theih an ti ṭhin.
    Hei hi chu pianpui hrim hrim an awm bik aniang. Mahse hetiang camp leh academy velah hian nasa takin a improve theih ang tih chu ka ring. (vision pawh)

  5. 10
    Ramenga

    Thlalak a nalh a, a ngaihnawm bawk kan ti phawt ang e.
    Football hi a zira zir na na na chuan a basic hi an man a, keini anga khel ve rawih te ai chuan an thiam ril nge nge chu a ni. Kan u pakhat, football a tre a training chhuak hian a sawi a, ball pet dan dik ringawt hi kar khat kan zir a ti. Hnai te tea in pass, ‘push and play’ an tih hi football-a pawimawh ber pawl a ni e te an la ti ta deuh deuh.
    Heng football zirna te hi India ramah an la rawn dah ve beisei ila, Mizote pawhin awlsam zawka kan luhchilh tak tak theih hun a la awm khawp ang. Mizo naupang talent nei ṭha tak tak, zirtirna fan dawn fumfe loh avanga an nih tur ni pha ta lo te hi an uihawm ṭhin si a.

+ Leave a Comment

Football Sikul: Mi fate chauh vanneih bikna ani dawn ta lo

Kan club tan te leh inkhel hmuhnawm tak min entir thintu te hian khelmual a inkhelh an duhtawk mai lova. Inkhelh mai nilo hian hetiang inkhel thei tur hian a chi an tuh thin a ni. Inkhel mi te pawh hian hetiang anga inkhel thei tur hian kawng harsa zawh leh thawhrimna nasa tak a ngaihzia an hria a. Hetianga hre tur hian football sikul te an luh a ngai thin a ni. Eizawnnana hmang an nih avangin an ti mai mai lova, a zir in an inzir thin a ni. Mi fa te chu hetiang inzir theihnan hian kawng awlsam tak an zawh thei a. A harsa lam zawha hlawhtling ta viau pawh hriattur an awm nual bawk. Europe leh America a naupang te an vanneih laiin Africa a naupang te chuan harsa takin bul an tan a. Tunah erawh Asia a naupang te tan pawh kawng a inhawng tan ta zel e. India ah pawh kawng chu siam a ni leh ta zel mai. Tunah hian Manchester United in engtia nasa in nge naupang te hi a chher tih lo zir chiang teh ang.

Manchester United hian naupang te tan zirlai (course) leh thalai rual te tan ‘football camp’ te a buatsaih thin a. Naupang kum 6 atanga thalai kum 18 te tan hun remchang tak a siamsak thin a ni. Manchester United Soccer School tia hming phuah hian thupui a keng tel a, ‘Learn to play the United way’ tiin mawi takin dah a ni.

Sikul kalhmang

Manchester United Soccer School ah hian ‘Short Course’ leh ‘Residential Course’ a then a ni a. Short Course hi a hming ang hian hun reilote chhunga neih a ni a. United Kingdom chhunga hmun hrang hrang a neih thin a ni. Kum tin in heng hmunah te hian Manchester United Soccer School hian Short Course a nei thin- Aberdeen, Belfast, Brighton, Cambridge, Cardiff, Carlisle, Chemlmsford, Durham, Edinburgh, Exeter, Fife, Galway, Glasgow, Gloucester, Grimsby, Guildford, Macclesfield, Maidstone, Milton Keynes, Newport, North Dublin, Plymouth, Preston, Reading, Shrewsbury, South Manchester, Stockport, Swansea, Swindon, Taunton, Warrington, Wrexham, York.

Residential Course hi kum tin course 8 neihpui thin a ni a. Course khat hian ni 6 zel a awh a. Heng te hi a course kalhmang te chu a ni- Course 1: 3rd – 8th July, Course 2: 10th – 15th July, Course 3: 17th – 22nd July, Course 4: 24th – 29th July, Course 5: 31st July – 5th August, Course 6: 7th – 12th August, Course 7: 14th – 19th August, Course 8: 21st – 26th August. Heng hunah te hian thalai te chu hunbi neiin thil chi hrang hrang zirtir thin an ni.

Eng te nge an zir?

Manchester United Soccer School ah hian inkhelh chauh nilovin footballer tana tangkai tur zirtir an ni a.

‘School Packages’ tih hi naupang kum 11-16 inkar tan a ni a. Kartawpa ni 2 chhungin neih thin a ni. Soccer School ah te hian English zirtir thin a ni a. Inkhelh leh training te neihzawh anih hnuin chawhnu ah English hi zirtir thin an ni. Kar khat chhungin darkar 20 lai tawng hi an zir thin. ‘Player Development’ hi naupang kum 6-16 tana neih thin a ni a. Zing dar 9:30 atanga chawhnu dar 3:30 thleng neih a ni a. Hetah hian skills chi hrang hrang zirtir thin an ni. Manchester United Soccer School ah hian a mimal nilovin a team ang pawha zir theih a ni a. ‘Team package’ tiin a hming vuah a ni a. A team anga practice pui niin hmun hranah te inkhel tura zin pui thin an ni.

Residential Course chungchang hi sawi zau leh ta deuh ila. Kum 8-18 inkar te tan a ni a. Khawvel hmun hrang hrang ram 75 atangin he hun hi an chhim thin a ni. He course hian ni 6 chhung awhin Manchester United Youth Team a player te nena khelhho thin a ni. A tawp ni, a ni rukna ah hian Old Trafford a khelh thin a ni a. Naupang leh thalai te tan hei zet hi chu a hlut dan a dang bik hle a ni.

Khawvel hmun hrang hranga Manchester United Soccer School awmna te chu- South Africa (Africa), Canada (America), Australia, South East Asia (Asia), Portugal, Switzerland, UK (Europe), Abu Dhabi (Middle East)

Manchester United hi khawvel puma tantu ngahber te zingami a ni a. A tantu thahnem tak te hi an inkhel en atang mai nilovin hetianga Manchester United Soccer School a lo zir tawh te emaw a zir tawh a chhungte te pawh an ni thei awm e. Football club hi inkhel thiam chherna mai piahlamah sumdawnna tha tak a ni thei a. Heng kawngah te hian a football club, a football sikul te hian hlawk takin a thawh thei vek a. Mizo te tan ngei pawh kawng hi a inkhar lova. A hai peih tan chuan kawng a awm a. A awlsam lehzual nan he kawng te a hnaih deuh deuh turin India ah leh Asia ah ngei pawh sikul hi din zel tura ruahman a ni. Club dang te football sikul pawh tarlan zel a la ni ang.

You May Also Like

More From Author

+ There are no comments

Add yours