Shay Given Aston Villa ah a kal :

Newcastle United a chhuahsan hnu ah Man City si ban nghak tu Shay Given Republic of Ireland player hi a duh ang in City ah hnu a hmang lo a, a aia naupang Joe Hart in a dinhmun a luahlan avangin nikum season atangin chhuak tur ang a sawi thawm a tam thin hle a nih kha. Aston Villa no. 1 keeper Brad Friedel chuan Tottenham ah a kalsan tak avangin City ah khelhna chang lo Given hi Aston Villa lam in an chang ta . Kum 35 mi Given hian Aston Villa ah a lut chu a lawm hle a, Aston Villa hi club lian a ni a,chona thar ka hmachhawn dawn a, ka phur tawh hle a ni a ti. Given hi Aston Villa manager thar McLeish in a player lei thar hmasak ber ani a, Aston Villa an tang a, Freidel, Young leh Downing ten an chhuahsan tawh avangin player leinan pawisa an nei a hman pawh an hreh dawn lo a ni. Given hi 3.5 ml pound vel a ni a Club official erawh chuan a man zat chiah a tarlang lo.

Jerome Boateng Manchester City a chhuahsan :

Manchester City atang in Boateng chuan Bayen Munich a zawm fel ta, kum 22 mi Boateng hian a ram club lian Bayern Munich a a kal chu a lawm a, heta ka lo kal chhan chu defense line ti nghet tur in a ni, Bayern ah hian ka position duh na tak an min dah dawn a, chu chuan German Team a ka khelh hun ah pawh centre – back ah ka khelh theih phah ka ring a ni a ti. Boateng hi Centre Back hi a position duhber a ni a, mahse right back ah German team ah a khel thin . A man zat hi club official in a puang zar lo.

Denilson Brazil ah a ho :

Arsene Wenger chuan Denilson chu Brazil lam ah Loan in a chhuah rih tur thu a sawi ta, Sao Paolo atanga Arsenal in an lei kum 23 mi Denilson hi nikum season ah starting eleven a chang mang lova Wilshere rawn that chho em vang te pawh a ni ang, Gervinho an lei leh tak bawk avang in Denilson hi a club hlui Sao Paolo ah a kir leh rih dawn ta a ni. Denilson chuan Arsenal official website ah ti hian a sawi “Tun ah Arsenal hi lungngai takin ka chhuahsan dawn ta a ni, a chhan chu thian tam tak ka neih vang in, mahse Brazil lam ah theih tawp ka chhuah ang a, Arsenal result erawh ka ngaihven reng tho ang” a ti.

Swansea an tang :

Swansea chuan Newcastle atang in Wayne Routledge chu 2 ml pound in lei turin an be fel thei ta, an bid hmasa 1.5 ml pound chu an hnawl hnuah Newcastle hian bid hnuhnung zawk hi an rem ti thei ta a ni. Season hmasa a Newcastle ah khelhna chang lo mahse Routledge hian QPR ah loan in a kal a, QPR ho EPL a an promote theihna tur in a thawhhlawk hle a quality hi hria in Swansea hian an la ta chat a ni.
Swansea midfielder tha Joe Allen chuan contarct thar a sign bawk.