Forbes Magazine in khawvela sports team hlu ber a tihchhuah tharah Major League Baseball team New York Yankees chu pakhatna a ni.

America leh khawvela business magazine ngaihhlut ber tih ngam, Forbes magazine list ah hian kum 2007 aṭangin Manchester United in pakhatna dinhmun hi an luah char char a, mahse tunhnaiah pound (British pawisa) hlutna a tlakhniam hret hret avang leh, US dollar a hlut chhoh hret hret avangin New York Yankees hi an pha ta lo a ni tih Forbes hian an puang bawk.

USA-a sports team lâr ber (?) New York Yankees hlutna (brand value) hi kum 2007 aṭangin 57% ngawtin a pung a, kum 2010 chhungin Pepsi, Bank of America, Mastercard te nen an thawhhona aṭangin sum tamtak lakluh belhin an lâr zual hle a ni.

New York Yankees in pakhatna dinhmun an luah laiin top ten-ah football club an tam ber a, Manchester United bakah hian Real Madrid, Bayern Munich, Barcelona, Arsenal leh AC Milan te chu top ten-ah an langpha vek a ni.

Khawvela sports team hlu ber 10 te chu:

• 1 – New York Yankees (Baseball) – $340m
• 2 – Manchester United – $269m
• 3 – Real Madrid – $264m
• 4 – Dallas Cowboys (NFL) – $193m
• 5 – Bayern Munich – $179m
• 6 – Boston Red Sox (Baseball) – $173m
• 7 – Barcelona – $172m
• 8 – Arsenal – $158m
• 9 – AC Milan – $147m
• 10 – New England Patriots (NFL) – $146