Manchester United Boss Sir Alex Ferguson chu inrinni khan Lyon ah hmuh a ni a, Lyon leh Lille inkhel a en a ni. Hetah hian enge a tih hriat ni chiah lo mah se Lille Midfielder Eden Hazard a thlithlai ni ngeia rin a ni.

“Nightmare of Defenders” an tih hial kum 21 mi Eden Hazard hi Europe Club lian ho in lak tuma an hel sup sup lai a ni a, chung zingah chuan Arsenal, Chelsea, Real Madrid leh Man Utd te hi a langsar pawl an ni a, hetia Sir Alex hmuh a nih takah chuan tun nipui chawlh chhung ngei hian Attacking Midfielder mamawh tak Man Utd hian lei tuma hma an lak ngei rin a ni.

“Fearless, explosive attacking midfielder who can change the game with a turn of pace or a dribble” tia an fak thin Eden Hazard hi mi tam tak chuan Cristiano Ronaldo leh Lionel Messi te tluk pha tura an beisei a ni a. Kum 2005 khan Lille hi an ram Belgium club Tubize atangin a zawm a, kum 2007 khan Lille tan hian Senior team ah inlanin First Division-a a kim khat khelhna ah National Union of Professional Footballers (UNFP) Young Player of the Year dawng nghalin France mi ni lo he lawmman la hmasa ber a ni a.

Kum 2009/10 season khan he award hi dawng lehin he award vawi 2 dawng hmasa ber a ni zui a. Kum 2010/11 season ah phei chuan Lille chu League leh Cup-ah champion puiin UNFP Ligue 1 Player of the Year lawmman a dawng nghe nghe a, he lawmman dawng thei naupang ber a ni nghe nghe.

Tun season-a Lille tana a inlan vawi 38 a goal 13 thun thei Attacking Midfielder, Winger ni bawk Eden Hazard hi season thar atangin United kawr a ha angem tih chu i lo thlir phawt mai ang u.