Season a tawp dawn hnai tawh a, top 4 spot tur inchuhna a nasat tawh tehreng nen, 5 na a inhlangkai thei dinhmuna ding chelsea chuan Craven Cottage-ah Fulham chu 1-1 a in draw puiin Newcastle chunga awm theihna chance chu an hloh a, chumai bakah top 4 a in hlankai na chance an ti chhe zual ta. He inkhelah hian Mata leh Drogba te chu a tirah an lut lo a, Torres, kalou leh Meireles te chu an lut ve thung.

Ruah a sur nasa a, game tan tirh lampangah inkhel a duai hle a, khawi lam mah mah an in nawr na lo a. FIrst half ah hian 25′-a Kerim Frei-a shot bak chu goal hlauhawm a awm meuh lo. 43′ ah kalou-a’n box chhunga a khalh luh chu Murphy chuan alo tlawh a, Chelsea hian penalty an hmu a, Lampard-a’n pet in a Premier League goal 150 na turin a pet goal a, first half a tawp zui ta nghal a.

Second half tantirhah chuan Chelsea lam hian ball an chang tam a, a nawr pawh an nawr zawk a. Mahse goal ah an chantir thei chuang lo a. Minute 81 ah Fulham chuan an corner hmuh chu an ti goal teuh hle a, cech-a’n a lo save hlauh a, corner ni zui leh nghal chu Dempsey chuan a goal sirah a head goal ta nge nge. Dempsey hi hetah hian John Terry-a’n a chang a, mahse Etuhu hian Terry-a kal na tur a dan tlat avangin Dempsey hian duhthusamin chance a nei tha a, a head goal ta a ni.