Greece captain Giorgos Karagounis chu Fulham chuan free transfer in an la, Panathianaikos a khelmek Karagounis hian a club hlui nen hian contract an sign fel theilo a, Fulham hian remchangah hmangin, he kum 35 mi Grik veteran hi tun season chhung khel tur in an sign fel ta a ni.

Karagounis hian ram tan vawi 120 chuang a khel tawh a, Inter Milan leh Benfica ah te pawh lo khel tawh in experience ngah tak a ni a, football khawvelah kum 17 lai hun a hmang tawh a ni. Karagounis chuan ” Martin Jol a hnuaiah player tha tak tak te nen khel tur in ka hun ka siam fel ta a ni” ti in a sawi. Fulham manager Jol chuan “Karagounis hian club leh international football ah hnuhma tam tak a lo nei tawh a, kan zingah tun season a lo khel tur hi ka lawm a. Amahah hian entawn tur tam tak a awm a, khawvel player lar ber te zing a mi a ni a, kan squad tan pawh a tangkai hle dawn a ni” a ti bawk.

Karagounis hi hre lo kan awm lo awm e! Euro 2004 a mak tak mai a Greece an champion tum a, Euro 2004 a goal thun hmasa ber tu leh a hnuah pawh thawh hlawk em em mai kha a ni a, Greece in World Cup leh Euro an khelh tum ah te in vawi duailo a lo inlan tawh thin a , tun Euro hnuhnung ber Euro 12 ah pawh khan Greece tan captain a rawn ni a nih kha. Player fing leh thahruai nghah tak mai a ni a, a ball lak a dam thlup a, field chhung ah player te huikhawmah pawh tangkai tak a ni thin.