Old Firm derby :
“Rangers a ka awmlai kha nuam ka ti khawp mai. Old Firm derby boruak lumzia leh sosan theihzia, an ngaihhlutzia te kha theinghilh rual a ni lo. Inkhel a ni satliah ngawt lova, tualchhung player Ally McCoist te ang tan phei kha chuan infiamna piah lam thil daih a ni.
(Old Firm derby-a inhmachhawn thin Glasgow khaw club pahnih Celtic leh Rangers hi football piah lamah pawh an inhal hle. Celtic hi Catholic club niin Rangers hi Protestant club a ni thung. Politics lamah pawh an inthen phawk a, Celtic tantuten Labour Party an thlawp laiin Rangers tantute chuan Conservative an thlawp thung thin a ni).
“Ka la hriat reng chu kan coach Walter Smith-a’n Old Firm Derby kan khelh hma, chawlhkar engemaw zat la awma min zilhna kha a ni. Nitin mai hian ‘Rhino, ramsa angin awm lo la, khawngaihin hma taka card chawi suh ang che aw’ a ti ziah a. Tichuan a hun a thleng ta, kan han khel ta chiah chu second 20-na lekah yellow card ka chawi!
Half time-ah dressing room a kan lut chu ka inthiam lo chuan thir bawm ka hmuh ang ang chu ka pet thlawk fua fua. Ka mit ko a kak a, ka khaw hmuh a fiah lo, min thlak mai turin ka ti. Mahse, Smith chuan a phal awzawng lo. ‘Thuitir rawh, i luh leh nghal a ngai’ min ti!! Rangers khan he inkhel hi tumpuite hmachhawnna ang mai maiin an kalpui ngai lo.
Kross daihhlim hnuaiah ! :
Rangers a ka luh hlim khan ka nu min pek, Kross a Isua an khengbet lai lem awmna thi (Catholic ten an awrh thin – Crucifix) chu ka awrh a, khami hmuna awmte khan mak ti takin min en thup!
“Hmelho hian engvangin nge maw min en thup le, ka ti. Ka bang bo. Protestant leh Catholic ang zawnga an inepna kha ka hrethiam pha ve lo hrim hrim. A hnuah thil awmzia ka man ta a, mahse, tumahin ka thi awrh chu awrh tawh lo turin min ti lo.
“Tlang taka sawi chuan kha hmuna thil dik lo intanna lian ber chu kan manager Dick Advocaat kha a ni. Right-back a khel turin min ti a, ka duh si lova, a beidawnthlak tak zet.
(Kum 1997 a Rangers a Gattuso la luttu Walter Smith hian Gattuso a lakluh atanga kum khat hnuah Everton a pan a, Italian midfielder hian a ngai viau. Smith hi Dick Advocaat chuan a rawn thlak a, Dutch manager hian Gattuso hi right-back a khel turin a ti tlat a, ani’n a lo duh bik si lo; October 1998 khan Serie A kai thar Salernitana-ah £4 million in an hralh. Khel tha viau mahse a team te a chhanhim zo lova, division hniamah an tla. AC Milan chuan €8 million in an la lut zui nghal).
Duh loh rai ang ! :
“La inkhel reng chu ni ila ka inkhelh ve laia ka chetdan leh awmdan te hi ka en duh chuang lovang. Tunah chuan inkhelh ka chawlhsan tawh a, ka sulhnu thenkhat, ka thinrim insum zawh lohna ang chite thlir letin, ‘E he, khi khi keimah maw? Khitiang khian ka lo che a maw?, tiin keimah leh keimah ka inringhlel fo thin.
“Captain armband zahawm tak hreng chunga (Tottenham Asst Coach) Joe Jordan-a nghawnga ka rek lai ka hmuh phei hi chuan ka tap dawn nge ka nui dawn tih hriatthiam a har thin. Kha thil duhawm lo kha second tlemte chhung lek awh thil ni mahse a pawi hle. Sulhnu entawn tlak loh tak ka hnutchhiah a ni.
“Midang tihnat tumin mualah ka lut ngai lo. Ka inkhelh hian a hmasa berin ball chan ngei ngei ka tum thin a, ka rilru puthmang a ni reng thin. Ball chang tur chuan engpawh ka ti mai thin a, chu chuan duh aia nasa nghawng a nei thin.
Pheichheh-thiama :
“Ka hun tawna ropui ka tih em em chu Andrea Pirlo nena kan inkawm ngeih leh kan inkawp fuh kha a ni. Club leh ram tan kum rei tak chhung kan inkawp a, age level hrang rangah kan inkawp bawk.
“Mezzapunta (attacking midfielder) a ni a, Ancelotti khan tawlhhnung tura tiin kan inhnaih zual phah. Andrea kha chu khawvel chunga leng a ni! Khawi hmunah pawh tha takin a khel thei. A thiamna leh theihna bik kha a ropui chungchuang hle. Nilenga tlan pawh ngai sela tlan thei tur a ni tih hi mi tam takin kan hre lo. Athletic tawngkam chuan Pirlo kha ‘sakawlh’ a ni. Inkhelh chhung zawng khan hah miah lovin a tlan tluan thak thei! Kei pawhin thui fe chu ka tlanpui theih ka ring.
“A dawt chiaha ka ding thei kha ka vannei. A chhan chu ka khel a buai deuh emaw ball ka thunun theih loh deuh khan ka pe tawp a, a fel a ni mai. A bula ka awm a chhawrna aiin ka bula a awm ka chhawrna a tam fe zawk ang.
“Andrea (Pirlo) hi a landan maiah chuan, mi ngawichawi, zawiawi, rual pawl lo ang deuhin i ngai mai thei, mahse, a ni awzawng lo! Chimawm tak a ni!! Zawi te te nuihzatthlak deuh deuha fiamthu thawh leh mi han kah vel te kha hrat tak a ni. A bula awm kha a nuam a, zanriah eikhama a khabe liam changa awm kha a nihhlawh thlak hle.
“A chanchin a ziahna bu-a ka hming a lan ve fo avang khan miin hemi chungchang hi min zawt fo thin. Kha lehkhabuah khan ka laka a chetdan leh a laka ka chetdan 10% pawh a ziak lo. Kum 10 chuang kan khelh dun chhung khan vawi engzat nge ka kut a tawrh ka hre seng lo. Ka vawikhat ben khan Cent khat hlawh zel dawn ta ila, €1 million ka hlawh tling hrim hrim ang.
“Min tih thinrim a tum reng mai thin a, kei lah ka lo thinchhe uchuak tumhrang bawk nen. Kan inkhel zo mual atanga ka chhuak kha ka nu deuh bulh thin a, ani ve thung kha chu a dam dap thung thin! Andrea khan fiam chikah min nei a, mak deuh deuhin thiante zingah min sawi sa a, a ninhlei thiltih avang khan midang tinuitu ber kan nih phah.
“Kum 2006 World Cup khel tura Italy-a kan training lai khan tumkhat chu training zawhah physiotherapy ti turin ka chhuak a. Pirlo leh Daniele De Rossi te chu min tihbuai tumin a rukin ka pindanah an lo lut a, thawmhnaw dahna bawm phenah pakhat biruin pakhat khum hnuaiah a biru thung a. Ka haw mai loh avangin darkar thum lai min lo nghak a nia mawle!! Zan dar 11 ah ka haw, ka pindanah ka lut, ka mu chu min tihthaihin ka khum an sawi ta mai!! Ka phu chiang ve hle. Kawngkapui ka kalh te te a ka’n tim dun hlek kha.
“Ei leh in hi ka uluk em em thin. Kum 2007 Champions League semi-final a Manchester United kan hmachhawn dawn tum khan ka thian dang zawngte chuan Ice Cream an ei a, kei chuan Zo-buh (White Rice) ngat ka ei ve thung a. ‘Thiante u, naktukah inkhel hautak zet kan hmachhawn dawn a, chu lamah chuan in rilru pe rawh u’ ka ti a. Inkhel hautak hmachhawn dawn hnaiha chaw dang ral mai mai ei hi ka duh thin lo.
“Massimo Oddo chuan min nuihzat tak chungin, “Khai a, Gelato (Italian Ice Cream chi khat) kan han ei ve a nih hi; nang angin kan mawl ve lo,” a rawn ti kher a, a tawngkam chuan ka thin a khei ta zak mai. Thlahtute thlenga inchona niin ka hria, thirkut (fork) ka la lawk a, a keah ka phun bur ta vu mai a ni.
“Mi mawl tih thinrim chu a thawk mawl duh khawp mai.
cialis 20mg
generic cialis
cialis walmart
cialis coupons
Sale cialis
Buy cialis online without prescription