Gerd Muller a thi

Football chanchin a goal thun tu ropui ber te zinga mi Gerhard “Gerd” Muller chu kum 75 mi niin a thi.

Kum 1970 Ballon d’Or dawngtu Muller hian Bayern Munich tan game 607 khelin goal 566 a thun a, nomawi tam tak a chawipui zingah European Cup 3 leh Bundesliga nomawi 4 a tel.

West Germany tan vawi 62 inlanin goal 68 zet a thun a, 1972 Euro bakah 1974 FIFA World Cup nomawi te a chawipui.

FIFA World Cup – a goal 14 a thun chu kum 32 chhung zet goal thun tam record a ni a, mimal chawimawina tam tak a dawng tawh.

Bundesliga – ah vawi 7 zet top scorer a ni a, FIFA World Cup leh Euro – ah top scorer a ni ve ve tawh. European Cup (tuna Champions League) ah vawi 4 top scorer ni tawhin European Golden Shoe vawi hnih a dawng tawh bawk.

Muller hi Germany leh Bayern Munich ‘banpui’ te zinga mi a ni a, a thihna hian football khawvel a fan chhuak rang hle.