Inrinni zana German Cup final khelhah Bundesliga champions Borussia Dortmund chuan Champions League finalist Bayern Munich 5-2 in an sawp a, kum 23 hnuah DFB-Pokal (German Cup) champion an ni leh ta. Dortmund history-a Bundesliga leh DFB-Pokal an champion kawp hmasa ber a ni bawk a, he season hi Dortmund fans ten engtikahmah an theihnghilh tawh ngai lo ang.
He inkhelah hian Borussia Dortmund tân Polish striker Robert Lewandowski chuan hattrick a siam a, Shinji Kawaga leh Mat Hummels ten goal khat ve ve an thun bawk. Bayern Munich goal hi Arjen Robben leh Franck Ribbery te thun a ni.
Team Line-ups:
Borussia Dortmund: Weidenfeller (Langerak 34′); Piszczek, Subotic, Hummels, Schmelzer; Gundogan, Kehl; Kuba, Kagawa, Grosskreutz; Lewandowski
Bayern Munich : Neuer; Lahm, Boateng, Badstuber, Alaba (Contento 69′); Schweinsteiger, Gustavo (Muller 45′); Robben, Kroos, Ribery; Gomez
First half: A goal mawlh mawlh mai
Inkhel an ṭan a, minute 3 lekah Bayern midfielder Luis Gustavo back pass ‘chhe’ zet chu Dortmund player Kuba chuan a lo chang a, Kagawa tân cross in Kagawa hian awlsam takin goal ruakah a lo thun. 1-0 a ni. He inkhel hi a hmunah Sir Alex Ferguson chuan a en a, Kagawa hi a en bik a ni angem?
Bayern an buai lo a, si an phurh hnuah Robben leh Gomez te hmangin an thun teuh hle a, goal luh hnu aṭanga minute 20 vel chu Bayern players te Dortmund players in an um a tih theih awm e. Minute 25 ah an siphurh an sût ta nge nge a, penalty box chhunga Dortmund keeper in Mario Gomez a tihtluk avanga penalty chu Arjen Robben chuan ‘cool’ zetin a thun. Hemi hnu pawh hian Bayern an chungnung a, Gomez finishing ṭhat ni chu nise goal pawh an thunbelh ngei ang.
Game pawimawhah chance ṭha i hloh fo chuan lehlam tân chance ṭha siamsak tluk i ni. Bayern in an chance ṭha neih an thun lo a, Dortmund in first half tâwp dawnah goal 2 hmangin an hrem. Minute 41 ah Mat Hummels chuan penalty aṭangin Dortmund goal 2 na a thun a, minute 45 (+1) ah Lewandowski chuan Neuer a bum hnuah a pet goal bawk. Dortmund in first half bul an ṭan ṭha a, a tâwp an khar ṭha bawk. A bul leh a tâwp inkara che ṭha zawk Bayern in si hnih phur chungin second half an hmachhawn a ngai dawn ta.
Second half-ah goal 3 dang
Bayern in Gustavo lachhuakin Muller an luhtir a, second half bul an ṭan ṭha. Beisei ang ngeiin Robben, Ribery leh Gomez te an hlauhawm a, mahse goal tawh ngei tur nia ngaih hnuah pawh an pet goal thei tlat lo. Dortmund midfield-ah Kuba leh Kagawa an langsar a, anni pahnihin ball an chan tawh chuan ball hlauhawm an siamchhuak deuh zel a tih theih.
Team pahnihte an innawrtawn zak zak laiin minute 58 ah counter attack aṭangin Lewandowski chuan Dortmund goal 4 na a thun a, hei hi Kagawa leh Grosskreutz te thawhrah a ni. Bayern hian an pet goal thei hlawl lo a ni ber a, minute 70 ah Ribery cross chu Gomez chuan goal bar a head per a, Lahm leh Muller pawhin half chance an nei. Minute 76 ah Ribery chuan penalty box sir aṭangin goal nalh tak thunin Bayern an phur ve leh deuh a, mahse minute 81 ah Neuer tihsual kal zel aṭangin Lewandowski chuan a pet goal a, 5-2 a ni tawh a, comeback ngaihna a awm tawh lo.
Inkhel pumpuiah Bayern in an nawr nasa zawk a, mahse Dortmund counter attack an veng zo lo. Gomez-a’n chance ṭha a ṭhelh nasa a, Dortmund players te thawhrimna leh an passing rang lutuk kha Bayern in an khan lo a ni ber mai. ‘Star’ player ngah zawk leh hausa zawk Bayern Munich in Borussia Dortmund an tluk lo nawn leh ta.
Champions League final-a Bayern Munich tumpui tur Chelsea manager Roberto di Matteo chuan he inkhel hi a hmunah a en a, inbuatsaih huna a players te hnena sawi tur a ngah khawp ang.
“Sawi ngaihna pawh a awm lo” – Klopp
Borussia Dortmund history-a la thleng ngai lo, League leh Cup double lakpuitu coach Jurgen Klopp chuan an champion dan chu ṭawngkaa sawi ngaihna pawh a awm lo a ti. Klopp chuan, “Dortmund mi leh sa te tân chuan hei aia Pokal final ṭha a awm tawh chuang lo a, duhthu pawh sam ila, hei bak sâm tur a awm chuang lo. Kan inringtawk em em a, goal ropui tak tak kan thun bawk a. Kan rilrua thil awm hi thu a sawifiah hleihtheih pawh a ni lo.” tiin a sawi.
Champions League finalists pahnihte anmahni ramah an che ṭha zui lo riau mai a, Champions League an dah pawimawh lutuk vang pawh a ni maithei.
cialis 5mg price
cialis dosage 40 mg
Bayern ho chu chawh lutuk ringawt.
ekhaia ! Bayern ho chu an va che chukchu ve mawle 🙂 UCL final-ah erawh hetiang hi chu ani tawh em lovang chu maw. haha CHuan Kagawa hi United hian an lak duh hmel hle mai a, SAF meuhvn inkhel a en tlat mai.. Good post macha
SAF-a’n an inkhel a en an tih chhhan chu Kagawa vang an tih kha male. he japanese superstar hi a che tha em a tun season, a ball pek a fing thei riau a. SAf hian a hmuh hmaih lo tawp ang.
Dortmund an ropui khp mai,player lagsar m2 nei clo in,an lwmpuiwm e,tin,a gaihnwm e
Inrinni zanah va sawp ve hrep ila a ni mai a lawm.
Kagawa chu kan pawlah lo lut ngei teh se..kanlo lawm e..
UCL Finalist tiag zat a an swp cuan Dortmund hi an ce lo tih a ciag.KAGAWA hi season thar ah Man United player a la nih hml zui.ropui takin kn lo hmuak e
A that nasat hi..dortmund hi an hmig hi ropui ka tih ve hrim hrim vaga germany a ka tan ve an ni thin..bayern cu chelsea pwn kan hneh tur ani zi ri thwh..he2.