Germany 1 – 0 Portugal: Germans Tilawmtu “Mr. Reliable”

Champion tura rinkai Germany ten mi tam tak rinkai an nihna chhan tilangin team tha Portugal 1 – 0 in an hneh. He inkhel inhnehtawk takah hian tu zawk pawh chak se “an phu e” a tihtheih awm e. Mahse champion team ni tura pawimawh, duhthusam anga khelh loh tum pawha result sual chhuah theihna tilangin Germany chuan minute 72 na a Mario Gomez-a goal thun chu an chakpui ta a ni.

Team Line-up:

Germany: Neuer, Hummels, Badstuber (Booked), Lahm, Boateng (Booked), Khedira,  Schweinsteiger, Ozil (Kroos – 87′ ), Mueller (Bender – 90′ ), Podolski, Gomez (Klose – 80′ )

Portugal: Rui Patricio, Alves, Pepe, Coentrao (Booked), Joao Pereira, Veloso, Joao Moutinho, Meireles (Varela – 80′ ), Nani, Ronaldo, Postiga (Booked) (Oliveira – 70′ )

Inkhel an tan…

Inkhel tan atanga reiloteah Bayern Munich striker Gomez chuan chance tha tak a nei nghal a, Portugal goal veng Rui Patricio chuan a lo dang hlauh a ni. Team pahnihte an fimkhur tih a hriat a, an game tempo a sang nghal vut vut lo, chance mumal insiam lem lovin an inbeitawk viau a ni.

Real Madrid star Cristiano Ronaldo a rawn langsar deuh a, mahse ani pawh a hlauhawm tluantling lo. Lehlam lehlam attacker te defender ten an lo dangchat thei zel a ni deuh ber. Helder Postiga khan hlauhawm angreng taka Neuer a challenge vanga hnawhchhuah a ni lo kha a vannei hle bawk a ni.

Inkhel a rei chho zel a German hoin ball an chang hnem tulh tulh a, inkhel thunun deuh zawk mahse Portugal winger te counter-attack a an hlauhawm em avangin an fimkhur a, an pawngsa nawr ngam bik lova, chance mumal pawh an insiam thei bik lo. Podolski leh Muller ten half-chance an neih zeuh bak goal hlauhawm em em an nei lo a, lehlamah Portugal in hun tawp hma hratin chance tha tak an nei a, Pepe chuan corner atanga ball an thawnluh rawn per chhuak leh chu lo petin crossbar a fuh a, goal line a pel lo chiah chiah a ni.

Team pahnihte an inbeitawk viauin Germany in ball changtam zawk mahse an indangchat tawn zel a, goal awm lovin 1st half a tawp.

Chawlhlawk zawhah a ngai tho…

2nd half an tan hnuah pawh a ngai ang thoin Germany an chungnung zawk mah a, mahse lehlam area ah an hlauhawm thei bik lo a ni. Portugal lam pawhin rang tak taka nawr han tum thin mahse an tlang thei mai bik lo a, Germany in ball chang tam zawk mahse an rawn langsar ve leh tho thin a ni.

Inkhel inbeitawkah lehlam lehlam atangin Boateng leh Coentrao ten foul chiang tak ve ve ah yellow card an hmu bawk a, tournament kal zelah a pawi ang tih a hlauhawm pha a ni.

Minute 76 naah Germany lamin insiamrem an tum lai takin, Klose-a’n va thlak tura an tih Gomez chuan dinglam atanga Khedira rawn cross chu tha zet maiin Rui patricio ban phaklohah a tauhlut ta a, German mipuite an lawm ngei mai!!

Goal a luh hnuah Portugal lam an rawn langsar sawt a, Nani a rawn hlauhawm a, chance tha tak vawihnih neiin vawikhat phei chu hla veh vawh atangin bar a rawn petper a ni.

Hun tawp dawn minute hnih la awmin goal hmazawn taka Nelson Oliviera chance chu Manuel Neuer chuan hmun leh hmunah a lo dan sak a, tin, hemi hnu lehah pawh hian Nani leh Alves te hian chance nei lehin an thun thei tawh ta lo a, huntawp hamrik a rawn ri ta a ni.

Match Stats

Germany                                                                       Portugal

12(4)             Shots (on Goal) 11(7)
14             Fouls 19
2             Corner Kicks 11
1             Offsides 1
56%             Time of Possession 44%
2             Yellow Cards 2
0             Red Cards 0
3             Saves 2

Inkhel thlirletna

Team tha pahnih inkhel an ni a, vawikhat chetsual a pawi tih hriain a tirah an inveng ve ve a, Mizo mipui tam zawkten a hmuhnawm kan tih thin ang inkhel ni lemlo mahse team pahnihte, goal nawr na leh hlauhawm thin ni si te tactical discipline tha lutuk kha an fakawm a ni. Central midfielder nei tha zawk Germany lamin inkhel an thunun a, mahse an attacker te hi beisei angin an tal hlauhawm lo deuh a, hei hi nakin zela an talbuaina a ni thei ang em? Goal thun ngei ngei ngai dinhmunah ding ta se, 1st choice midfiielder pathum (Khedira/Schweinsteigger/Oezil)te zinga tu emaw ber aia Toni Kroos emaw Gotze dahluh a, a sirah Podolski leh Muller aia tunlai rawlthar talent ngah pahnih Reus leh Schurrle te dahluh hian awmzia a nei thei zawk ang em tihte pawh zawhna awm thei a ni.

Lehlamah Portugal lamin top-class striker an mamawh tih a lang a, an winger te hlauhawm theiin duh chuan a laia ‘cut lut” chi ni tho hlawm mahse striker mumal, an winger te leh central midfielder te tana ball “hold” thei leh space siam thei, attack khaidingtu ber leh an winger te “foil” ni tur, an central midfielder goal shoot thei dun ve ve te tan space siam thei tur nei ta se an hlauhawm lehzual ngei ang. Striker “vantlang” Postiga deuh ngawt aiah hian experience ngah Hugo Almeida emaw tunlai Benfica rawlthar beiseiawm Nelson Oliveira hi hmang zawk se thil a danglam deuh hlek thei mai lo maw…?

Team pahnihte an kheltha tlangpui ve ve a, an defenders te leh an midfielders te a bikin an kheltha, hmuhnawm ni lemlo mahse an tactical discipline tha lutuk mawlh mai kha!! Germany lamah Hummels, Lahm, Boateng, Khedira leh Schweinsteigger te an fakawm a, tin, Portugal lamah Pepe, Coentrao, Veloso leh Meireles te an kheltha bawk. Tin, defence hi an pan na lai ve ve nimahse zaninah kha chuan an nghet viau ve ve a ni.

Sawi tawh ang khan tu zawk pawh chak se an phu tihtheih ve ve an ni a, pakhatin inkhel an thunun a, pakhatin an nawrlet thiam em em bawk a ni. Tin, hemite pahnih hi Denmark leh Holland la tum ve ve turte an ni a, tun atanga lo pawr vak nghal ngawt kha a tihchi hauh dawn loh a ni.

Pic Source: dailymail.co.uk

Stats Source: soccernet.espn.go.com

15 thoughts on “Germany 1 – 0 Portugal: Germans Tilawmtu “Mr. Reliable”

  1. Pingback: cialis otc

  2. Pingback: coupon for cialis

  3. Pingback: canadian cialis

  4. Pingback: Cialis england

  5. Cleverley VRT

    Ronaldo striker ah an hmang deih chuan an attacking nat na lai ber wing lampang an pan deuhhlek dawn tho a, Portugal hian World Class striker an mamawh ani.

  6. Jacob

    Ronaldo in ball a chang tlem lutuk a hmuhnawm loh vek alawm. lehpekah chuan striker ah hmang tawh law2 se.

  7. Ramenga

    Ka beisei aiin Portugal in an chai thei tlat. Nani leh Ronaldo pawh an khel pangngai. Oliviera kha a van che rang/tlanchak tak e aw…Germany ai chuan Netherlands leh Denmark chu an huphurhawm lo deuh turah ngai ila, engtin tin emaw an tlang ve hram maithei a ni.
    Germany forward te kha ka rin aiin an inman lo. Muller cross ṭha lo thei riau mai a, mahse next match ah chuan kha ai khan an khel ṭha turah ngai ang. Netherlands an tum dawn tlats.

  8. Lalthanzama Vanchhawng

    German khan hneh angin lang viau mah se Portuguese ho kha an goal nawr chu a na zawk mahin ka hria. A tawpa an missed zozai te kha an ui khawp ang le. An group hi lut tur rinthiam ahar ta khawp mai le. Good post

  9. zafaka chenkual

    German hi chu an opponent tan chuan an hming lam ringawt pawh hian zam na tham a ni..nizan khan Portugal khan a tirah hlau lovin nawr ngam se chuan an thun ve mai ka ring..kan khelh that loh tum pawh hian chak loh hi chu kan duh lo thin a ni e..

  10. Rca Hmar

    Portugal striker neih thatloh zar an zo a ni ber… An chance hlah zozai te kha a uiawm ngawt mai

  11. Cleverley VRT

    Ka va ha ui tak em, mahse la beidawng lo teh ang, Denmark leh Netherlands hi chu kan hneh ngei dawn e.

  12. Hriata Balcazar

    Portugal an vanduai ka ti,corner vawi 10 zet an nei a,tin bar vawihnih aper bwk..nia Striker an neithalo deuh a ni..an ball khawih nalh hle mahse..
    Ball cross tu kha schweinsteiger a ni lawm ni.-p

Leave a Reply

Germany 1 – 0 Portugal: Germans Tilawmtu “Mr. Reliable”

Champion tura rinkai Germany ten mi tam tak rinkai an nihna chhan tilangin team tha Portugal 1 – 0 in an hneh. He inkhel inhnehtawk takah hian tu zawk pawh chak se “an phu e” a tihtheih awm e. Mahse champion team ni tura pawimawh, duhthusam anga khelh loh tum pawha result sual chhuah theihna tilangin Germany chuan minute 72 na a Mario Gomez-a goal thun chu an chakpui ta a ni. (more…)

Leave a Reply