Germany 4-2 Greece : Ozil leh Germany in Euro 12 Semi-Final an thleng ta!


Germany chuan Euro 2004 Champion Greece chu 4-2 a sawpin Semi Final an thleng. Germany tan hian Captain Philipp Lahm, Sami Khedira, Miroslav Klose leh Marco Reus ten an thun a, Greece tan hian Georgios Samaras leh Dimitris Salpingidis ten an thun thung. Germany hian Semi-final-ah England emaw Italy emaw chak zawk zawk an tum ang.

Playing XI Dangdai!
Germany coach Joachim Loew chuan Group Stage lama a attacking trio Mario Gomez, Thomas Mueller leh Lukas Podolski te chawlh tirin, an aiah Klose, Reus leh Andre Schurrle te a luh tir thung a. Greece Coach Fernando Santos-a’n team Captain Giorgos Karagounis a chhawr theihloh avangin a aiah Grigoris Makis a khelh tir a. Sotiris Ninis chu dinglamah khelh tirin, tun tournament a player kheltha ber tih theih Dmitri Salpingidis chu hmatawngah a dah thung.

First Half-ah chance tam tak awm mahse goal khat chiah a lut!
Germany hian inkhelh tan tirh atangin an attack nghal a. First eleven rawn chang thar Schurrle leh Reus ten bul an tan tha a tih theih a. Anni pahnih vang hian game pawh a rang phah hle, Schurrle hian inkhel tan atanga reiloteah Greece keeper Michalis Sifakis-a’n Khedira shot a man per chu goal-ah a chantir a, mahse offside vangin pawm a ni lo. Mesut Ozil-a kaihhruaina hnuaiah Germany team an chungnung hle a, Greece in ball an chang ve meuh lo. Ozil-a ke atanga ball chhuak hlauawm thei hle mahse Reus, Schurrle ten goal-ah an chantir theih miau loh avangin ball chang tam zawk Germany dinhmun a tha bik chuang lo. Mahse minute 39 naah German Captain chuan Ozil-a ball pass chu tha taka control-in penalty area pawn atangin mawi tak maiin a pet goal a. Germany goal khatna chauh ni mahse Greece lam hian an hnehloh em avangin chak tur a chiangah a ngaih theih a, he goal bak hi first half-ah goal dang a awm lo.

Second Half-ah German ral a lian e!
Second half-ah Germany in inkhelh tan tirh atangin ball an chang tam a, mahse team pahnih te’n chance tha tia sawi tur an nei lawk lo thung. Minute 55 naah Greece in counter atttack atangin goal an thun a, he goal hi Salpingidis a cross Samaras-a lo thun a ni. He goal avang hian Greece in beiseina thar an nei leh mahse minute 6 hnu lawkah Jerome Boateng a ball cross chu Khedira-a’n chiang takin a lo volley goal a. He goal vang hian Greece beiseina a chau a, Germany erawh an phur tulh tulh thung. Minute 68 naah Mario Gomez aia an luhtir head master an tih mai Klose chuan a luh hmangin goal a thun a, Greece tan besei tur a awm tawhlo a tih theih. Germany lamin inkhel an thunun zel a, minute 74 naah Ozil a ball tha tak chu Klose chuan um lutin goal-ah a pet a, chu ball shot chu keeper Sifakis-a chuan lo dang perin, chu ball per chu Reus chuan koh zetin goal ah lo chantir a. Hemi hnu pawh hian Greece lam aiin Germany attack a la na zawk cheu a, Ozil-a’n Greece defender 2 a bum hnua a shot te phei chu hlauawm tak a ni. Germany in goal an thun belh leh ngei dawn emaw tih hnuah Boateng-a hand ball vangin Germany in penalty an chawi a. He penalty hi Salpingidis chuan goal-ah a chantir a. Goal dang a luh belh tawh loh avangin Germany chu 4-2 in an chak ta a ni.

Man of the Match: Mesut Ozil
Germany Playmaker Mesut Ozil hi man of the match-ah thlan loh theihloh a ni a. A chhan chu Ozil hi Germany attack in tan na a ni a, an ball sem tu ber a ni. He inkhel ah hian vawi hnih ngawt assist a neih bakah vawi 117 lai ball a pass a. Vawi thum nghawt goal shot neiin a goal shot zawng zawng hian target a fuh vek bawk a ni.

Rising Star: Marco Reus
Season thar lo awm turah chuan he striker Marco Reus hi German Champion Borussia Dortmund tan a khel tawh dawn a. A pianna khua Dortmund Club tana a khel theihna chhan hi season hmasa lama Borussia Monchengladbach lama a khelh that vang a tih theih awm e. Borussia Monchengladbach tan hian match 37 a goal 21 lai a thun thei a, chuvang chuan mi tam tak chuan Euro tan hma khan he striker hriam zet hi kan lo hre tawh awm e.
Greece nena an inkhelh tum pawh hian ram tana goal vawihnihna a thun bakah a kheltha em em a, chance tam tak a neih bakah star player Mesut Ozil nen an combination a that avagnin Semifinal-ah pawh first eleven na chance a nei tha hle tura ngaih a ni.

Tlangkawmna:
Germany in game thunun viau mahse goal an thun har avang leh an goal thun an venhim theihloh avangin insiamthatna tur an nei nual a. Team tha zawk an tum hunah chuan tun aiin an chance neih ang te an hman tangkai a ngai ngei ang. Chumai bakah match pawimawh takah an first eleven pathum ngawt an thlak avangin Semi final-ah pawh hian an coach Joachim Loew hna a tam phah ngei a rinawm bawk. Mahse hei hi chu a tha lamah angaih theih thung. Tun tournament-a an tumpui zawng zawng hneh thei awm chhun anih avang hian Italy emaw Englang emaw tan pawh hian an huphurhawm ngei chu a rinawm. Engnge kan ngaihve dan le?

Match Statistics:

Germany 4-2 Greece
(Philipp Lahm 39′ , Sami Khedira 61′ , Miroslav Klose 68′, Marco Reus 74′ )-(Georgios Samaras 55′, Dimitris Salpingidis 89′ (P))

Germany
Playing XI : 01 Neuer; 05 Hummels, 14 Badstuber, 16 Lahm, 20 Boateng ; 06 Khedira, 07 Schweinsteiger, 08 Ozil, 09 Schurrle (Mueller – 67′ ), 21 Reus (Gotze – 80′ ), 11 Klose (Gomez – 79′ )
Substitutes : 12 Wiese, 22 Zieler, 03 Schmelzer, 04 Howedes, 17 Mertesacker, 02 Gundogan, 13 Mueller, 15 Bender, 18 Kroos, 19 Gotze, 10 Podolski, 23 Gomez

Greece
Playing XI : 13 Sifakis; 02 Maniatis, 03 Tzavelas (Fotakis – 46′ ), 05 K Papadopoulos, 15 Torosidis; 19 Papastathopoulos (Booked), 06 Makos (Liberopoulos – 71′ ), 18 Ninis (Gekas – 46′ ), 21 Katsouranis, 07 Samaras (Booked), 14 Salpingidis
Substitutes : 01 Chalkias, 12 Tzorvas, 04 Malezas, 16 Fotakis, 22 Fortounis, 23 Ioannnis, 09 Liberopoulos, 11 Mitroglou, 17 Gekas

Ref: Skomina
Att: 43,000

16 thoughts on “Germany 4-2 Greece : Ozil leh Germany in Euro 12 Semi-Final an thleng ta!

  1. Pingback: cialis professional

  2. Pingback: Buy cheap viagra online uk

  3. Cleverley VRT

    Mario Goetze khel ka vawi khat hmuh na niah, a khel rei lo mah mah lawm le. Germany vs. Portugal an final ka ring.

  4. Lal Dintluanga

    Fans te tan chhiar a ngaihnawm thin mange, Ka Dream Final chu Germany vs Spain – nizan kha chu kan khel tha rem2 khawp mai, Ozil a hi chu pace nei deuh se chu hei ai hian a hlauhawm ngawt ang ka ring, Goetze a khel rei lo lutuk lawm le, Reus kha chu 2nd half ah a langsar deuh a, Schurrle a kha nizana khel ah chuan a den mah zawk in ka hria…

  5. zodina

    group A leh B atraga rwn tlang chho te ai cuan group C leh D atraga rwn tlag chho ho hi an huphurhwm zwk mahin ka hria.. German pwh beisei a sang ve viau e….

  6. Lalthanzama Vanchhawng

    German ho chu an game a rang a, a hmuhnawm khawp mai. An goal pawh a kawh tha thei hle 🙂 Lahm-a pet goal kha chu a kual zawk mai alawm le. Dan chi a ni lo hrim hrim. An champion lo anih pawn an champion teuh ngawt ang. Good post

  7. Xavi fanai

    Ekhai a..va twngnuam ta hlwm ve..spain min theihnghilh ta hlwm ani mw! Team dag laka an cet ag hian spain lakah cuan an ce hauh lovag..an ding thelh leh thuau2 mai ag..zanina spain an cak phwt cuan an champ ciagah ka gai bwk ag..

  8. Dinga

    Greece nena an game ang khan an khelh theih ziah emaw chuan an ni lo chu champion tur sawithiam a har ang reng khawp mai…….

  9. Ramenga

    Tun euro cu schweinsteiger aiin khedira a langsar zawk rih tlat. German no 9 shot kawh theih zia kha hehe.
    Germany cu an sub te poh first XI nen an inag reng a nh ber kha maw, an tlanchak hlawm pup2 bok si. England pawh game ah cuan an hneh leh ngot ang, mahse…

  10. Rscolney

    First 11 a thlak kha ti fuh ltk an game a rang a a hmuhnwm daih jok,ahma game ah kha cuan ozil that na pwh lag thei lo..khedeira pwh khel tha leh hle mai.

  11. Ruatpuia Pa Khawlhring

    German ho hi an ti khuat khuat a, an fei dawn riauin a lang. A Champ loang tih pawh a sawi theih loh a nih hi. Ka pawlte England hi an duap hmel riau

Leave a Reply

Germany 4-2 Greece : Ozil leh Germany in Euro 12 Semi-Final an thleng ta!

Germany chuan Euro 2004 Champion Greece chu 4-2 a sawpin Semi Final an thleng. Germany tan hian Captain Philipp Lahm, Sami Khedira, Miroslav Klose leh Marco Reus ten an thun a, Greece tan hian Georgios Samaras leh Dimitris Salpingidis ten an thun thung. Germany hian Semi-final-ah England emaw Italy emaw chak zawk zawk an tum ang.

Playing XI Dangdai!

Germany coach Joachim Loew chuan Group Stage lama a attacking trio Mario Gomez, Thomas Mueller leh Lukas Podolski te chawlh tirin, an aiah Klose, Reus leh Andre Schurrle te a luh tir thung a. Greece Coach Fernando Santos-a’n team Captain Giorgos Karagounis a chhawr theihloh avangin a aiah Grigoris Makis a khelh tir a. Sotiris Ninis chu dinglamah khelh tirin, tun tournament a player kheltha ber tih theih Dmitri Salpingidis chu hmatawngah a dah thung.

First Half-ah chance tam tak awm mahse goal khat chiah a lut!

Germany hian inkhelh tan tirh atangin an attack nghal a. First eleven rawn chang thar Schurrle leh Reus ten bul an tan tha a tih theih a. Anni pahnih vang hian game pawh a rang phah hle, Schurrle hian inkhel tan atanga reiloteah Greece keeper Michalis Sifakis-a’n Khedira shot a man per chu goal-ah a chantir a, mahse offside vangin pawm a ni lo. Mesut Ozil-a kaihhruaina hnuaiah Germany team an chungnung hle a, Greece in ball an chang ve meuh lo. Ozil-a ke atanga ball chhuak hlauawm thei hle mahse Reus, Schurrle ten goal-ah an chantir theih miau loh avangin ball chang tam zawk Germany dinhmun a tha bik chuang lo. Mahse minute 39 naah German Captain chuan Ozil-a ball pass chu tha taka control-in penalty area pawn atangin mawi tak maiin a pet goal a. Germany goal khatna chauh ni mahse Greece lam hian an hnehloh em avangin chak tur a chiangah a ngaih theih a, he goal bak hi first half-ah goal dang a awm lo.

Second Half-ah German ral a lian e!

Second half-ah Germany in inkhelh tan tirh atangin ball an chang tam a, mahse team pahnih te’n chance tha tia sawi tur an nei lawk lo thung. Minute 55 naah Greece in counter atttack atangin goal an thun a, he goal hi Salpingidis a cross Samaras-a lo thun a ni. He goal avang hian Greece in beiseina thar an nei leh mahse minute 6 hnu lawkah Jerome Boateng a ball cross chu Khedira-a’n chiang takin a lo volley goal a. He goal vang hian Greece beiseina a chau a, Germany erawh an phur tulh tulh thung. Minute 68 naah Mario Gomez aia an luhtir head master an tih mai Klose chuan a luh hmangin goal a thun a, Greece tan besei tur a awm tawhlo a tih theih. Germany lamin inkhel an thunun zel a, minute 74 naah Ozil a ball tha tak chu Klose chuan um lutin goal-ah a pet a, chu ball shot chu keeper Sifakis-a chuan lo dang perin, chu ball per chu Reus chuan koh zetin goal ah lo chantir a. Hemi hnu pawh hian Greece lam aiin Germany attack a la na zawk cheu a, Ozil-a’n Greece defender 2 a bum hnua a shot te phei chu hlauawm tak a ni. Germany in goal an thun belh leh ngei dawn emaw tih hnuah Boateng-a hand ball vangin Germany in penalty an chawi a. He penalty hi Salpingidis chuan goal-ah a chantir a. Goal dang a luh belh tawh loh avangin Germany chu 4-2 in an chak ta a ni.

Man of the Match: Mesut Ozil

Germany Playmaker Mesut Ozil hi man of the match-ah thlan loh theihloh a ni a. A chhan chu Ozil hi Germany attack in tan na a ni a, an ball sem tu ber a ni. He inkhel ah hian vawi hnih ngawt assist a neih bakah vawi 117 lai ball a pass a. Vawi thum nghawt goal shot neiin a goal shot zawng zawng hian target a fuh vek bawk a ni.

Rising Star: Marco Reus

Season thar lo awm turah chuan he striker Marco Reus hi German Champion Borussia Dortmund tan a khel tawh dawn a. A pianna khua Dortmund Club tana a khel theihna chhan hi season hmasa lama Borussia Monchengladbach lama a khelh that vang a tih theih awm e. Borussia Monchengladbach tan hian match 37 a goal 21 lai a thun thei a, chuvang chuan mi tam tak chuan Euro tan hma khan he striker hriam zet hi kan lo hre tawh awm e.

Greece nena an inkhelh tum pawh hian ram tana goal vawihnihna a thun bakah a kheltha em em a, chance tam tak a neih bakah star player Mesut Ozil nen an combination a that avagnin Semifinal-ah pawh first eleven na chance a nei tha hle tura ngaih a ni.

Tlangkawmna:

Germany in game thunun viau mahse goal an thun har avang leh an goal thun an venhim theihloh avangin insiamthatna tur an nei nual a. Team tha zawk an tum hunah chuan tun aiin an chance neih ang te an hman tangkai a ngai ngei ang. Chumai bakah match pawimawh takah an first eleven pathum ngawt an thlak avangin Semi final-ah pawh hian an coach Joachim Loew hna a tam phah ngei a rinawm bawk. Mahse hei hi chu a tha lamah angaih theih thung. Tun tournament-a an tumpui zawng zawng hneh thei awm chhun anih avang hian Italy emaw Englang emaw tan pawh hian an huphurhawm ngei chu a rinawm. Engnge kan ngaihve dan le?

Match Statistics:

Germany 4-2 Greece

(Philipp Lahm 39? , Sami Khedira 61? , Miroslav Klose 68?, Marco Reus 74? )-(Georgios Samaras 55?, Dimitris Salpingidis 89? (P))

Germany

Playing XI : 01 Neuer; 05 Hummels, 14 Badstuber, 16 Lahm, 20 Boateng ; 06 Khedira, 07 Schweinsteiger, 08 Ozil, 09 Schurrle (Mueller – 67′ ), 21 Reus (Gotze – 80′ ), 11 Klose (Gomez – 79′ )

Substitutes : 12 Wiese, 22 Zieler, 03 Schmelzer, 04 Howedes, 17 Mertesacker, 02 Gundogan, 13 Mueller, 15 Bender, 18 Kroos, 19 Gotze, 10 Podolski, 23 Gomez

Greece

Playing XI : 13 Sifakis; 02 Maniatis, 03 Tzavelas (Fotakis – 46′ ), 05 K Papadopoulos, 15 Torosidis; 19 Papastathopoulos (Booked), 06 Makos (Liberopoulos – 71′ ), 18 Ninis (Gekas – 46′ ), 21 Katsouranis, 07 Samaras (Booked), 14 Salpingidis

Substitutes : 01 Chalkias, 12 Tzorvas, 04 Malezas, 16 Fotakis, 22 Fortounis, 23 Ioannnis, 09 Liberopoulos, 11 Mitroglou, 17 Gekas

Ref: Skomina

Att: 43,000

Leave a Reply