Germany vs Greece Preview

Estimated read time 6 min read

Zanin Euro 2012 a Quarter-Final khelh hnihna khel tur te hi kawng engkima ram inanglo an ni a tih theih awm e. Khelmual chhung leh pawnah thurin chi hnih kalpui an ni. Khelmual chhungah chuan Germany in attacking football an lantir thin a, Greece erawh chuan defensive game dik tak an hmang thin thung. Pawn lamah Greece hian Europe ram hrang hrangte tana harsatna siam khawpin an ram a retheiin an economy a tlachhia a, chutihlai chuan Germany hi Greece puitu te zinga mi an ni thung.

Zanin inkhelah erawh Germany hian Greece hi an duhsak vak lo ang a, an rilruah an hmabak puitlin tura tha tak leh awlsam taka hmalam an pan zel theihna tur bak a awm lo ang. Coach leh player ten tunhnaia an ngaih pawimawh em em bawk chu “efficiency” a ni. An inkhel ah tihsual leh harsa taka sual chhuah ngai lemlo tura an tihtur tha taka an tihtheih dan tur a ni. Greece lam pawhin he “efficiency” hi an ngai pawimawh ve hle tih an inkhel en ngun hian a hriat. Team tha leh quality nei tak ni lemlo mahse tun dinhmun thleng tur hian an inkhelah an tihtur tha takin an ti thei zel a, thenkhatin vanneih tiin sawi thin mahse an thawhrim bakah an hna an hnehsawh vang a ni tih chu tuma sawi buai theih a ni lo ang.

Germany

Germany hian group stage ah an khingpuite an hneh vek a, amaherawhchu an inkhel en chuan group stage kha insiamrem nan an hmang chho ti ila a sual lutuk lemlo ang. Team dangte tana hriat nuam hauhlo chu an theihna tak tak anga an khel lemlo chung pawha Portugal, Netherlands leh Denmark te an hneh thei kha a ni. Tin, kan lo hriat fo tawh angin Germans te hi international tournament ah reng reng an chetha hluai ngailo a, mahse a rei telh telh a an khauh zual sauh zel tih hi a ni.

An Inkhelh Dan:

German ho “Generation thar” te hi an football khelhdan hmuh a nuam thin hle a, coach Joachim Low-a duhdan angin ball rang taka inpekual thinin tumahin ball an kawl rei lutuk ngai lemlo a, hei hian an goal nawr a tihnat phah bakah inkhel an thunun theih phah thin a ni. An 4-2-3-1 tactic hmang hian rang leh inphaman takin an attacker te hian goal an nawr thei a ni. Podolski, Ozil leh Mueller te hian an passing emaw, speed emaw, an movement fing tak tak te hmang hian an khelhpuite defense an thiat thei thin a, goal chance an hmuh bakah an siam hnem theih phah a ni. An central midfifelder pahnihte hi an pawimawh hle bawk a, goal nawr an puih ve bakah tlarhnung vengtu niin inkhel thununtu ber an ni a. Ball possession ah chuan khawvela Spain midfield elpui thei ber awmchhun an ni hial ang.

Tlarhnung lam hi la naupang tlang deuh mahse an nghet chho viau zel a, a bikin Mats Hummels a langsar hle. A sirah Lahm leh Boateng te hi tun tournament a fullback kheltha berte zinga mi an ni ngei bawk ang.

Team News leh Tactics:

Hrem avanga chawl Boateng a rawn letleh thei tawh dawn a, German lam chu an kim dawn a ni. Tum dang aiin he German team hian ball an tlanpui nasa a, an player te zingah pace nei tha leh che rang an tam vanga ni pakhat bawk a ni.

Germany tan Gomez leh Schweinsteigger te hi mi zawng zawngin hahipa an fak leh an sawi te nimahse keichuan he German team ah hian Khedira hi a pawimawh ber ka ti a, tumdang aiin a khelhdanah zalenna a nei deuh a, hei hi a hmang tangkai a, Germany in inkhel an thunun theihna chhan leh an hlauhawm theihna chhan bulpui a ni. He German system hi thawh dik theihnan a pawimawh ber a ni.

Gomez hi “Target Man” anga khelin a “confi” lai a ni bawk a, khawiah pawh a hlauhawm a ni deuh ber a ni.

Germany hian an khelhdan leh players te hi hrem leh inhliam vang bak lo chuan an la thlak danglam lo a, tunah pawh hian an thlak a rinawm lemloh a, mahse Greece hian defensive game an khelh leh dawn avangin Khedira leh Schweinsteiger te hian zalenna an nei thahnem deuh zawk anga, an pawimawh dawn hle a ni.

Mueller hi winger position ah khel mahse winger aiin striker a ni zawk mah a, a “Striker’s Instinct” a hmangthiamin a off-the-ball movement hi German attackers tena an chhawr tangkai em em a ni bawk.

A lai chu an inhnawhkhawm that viau a rinawm a, inkhel pawh a rorum viau a rinawm.

Greece

Greece hian Head-to-Head rule an hmang tangkai hle mai a, mahse hei vang tak hian ngaihthah chi an ni lo tih a lang bawk a ni.

An Inkhelh Dan:

Team quality sang tak ni lemlo mahse an in remkhawm tha hle a, “tactical discipline” tha tak neiin an khel a, hei tak hi an tumpui tena harsa an tihna thin a ni. Otto Rehhagel-a hunlai ai chuan tlemin defensive tawhlo deuh mahse an game hi ultra-defensive la tihtheih a ni. An tumruhna leh fighting spirit te hi an chakna leh bawk a ni.

Greece gameplan hi chu a simple khawp mai. Rim taka thawh a, nasa taka tlan kual a, nghet taka goal ven leh counter-attack a ni deuh tawp mai a ni. 4-3-3 angin inrem mahse 4-5-1 angin an khel tlangpui a, ball an chan tam lemloh vang a ni pakhat bawk. Tlarhnung thlengin an thawkrim hle a, tin, midfield ah Katsouranis chuan an tlarhnung veng tawp turin “anchorman” angin a awm a ni. Karagounis hi midfield atanga an nawrna ber hmanrua a ni a, Gekas hi an striker maltlat a ni thung.

Team News leh Tactics:

Tun dinhmun Greece in an thlen theihna chhan hi vannei tiin tam takin sawi mahse an thawhrim rah a ni tih a chiang a, zaninah pawh tiang tur tak chuan an rawn inrem leh ang.

Zanina Greece tana pawi ber thei chu an captain Karagounis leh defender Holebas khel teilo tur hi a ni a, tin, 1st choice goalie Chalkias chu inhliam vangin an hman theihloh hmel bawk.

Karagounis aiah hian tunlai Greek footballer te zinga talent nei the ber pawl nia sawi Sotiris Ninis an rawn hman hmel a, ani ah hian thui tak an innghat ang.

Greece tan hian thil a awlsam ngailo hrim hrim tlangpui a, mahse Poland lakah pawh goal an chhuah hnu leh pakhat hnawhchhuah an nih hnu pawhin an rawn la beilet thei a ni tih kan hmuh kha.

Greece hian an nawr lemloh a rinawm a, tin khauh takin an inveng tlat bawk ang. Mahse, tunhnai game 24 an khelh zinga 21 a goal thun thei an ni a, an counter-attack hi Germany tanngaihthah chi a ni lo.

Probable Line-ups:

 

Pic Source: thehardtackle.com

You May Also Like

More From Author

12Comments

Add yours
  1. 8
    chhana

    Greece ka tan a GErmany an chak ka ring tlatzz (copy paste thuai)
    Mahse, prediction-ah erawh ṭan ngeite ka chak tir thung.

  2. 11
    Mykee Rokhum

    tunlai hi author leh admin te kan hna leh zirna lamah kan buai lai tak te a ni hlawm a, tin, a then phai lam atanga Zoram lo haw lai vel a ni bawk a, thupha ka rawn chawi e 🙂

  3. 12
    Hriata Balcazar

    Karagounis tel theilo tr chu Greece lam chuan an tuar ngei ang le..Germany an chakzawk ka ring e..Portugal leh czech inkhel review ka lo chang a tnthlengin post ka lahmu tlat lo..Inkhel.com lamah ka va chhiar ringawt alawm..!

+ Leave a Comment

Germany vs Greece Preview

Zanin Euro 2012 a Quarter-Final khelh hnihna khel tur te hi kawng engkima ram inanglo an ni a tih theih awm e. Khelmual chhung leh pawnah thurin chi hnih kalpui an ni. Khelmual chhungah chuan Germany in attacking football an lantir thin a, Greece erawh chuan defensive game dik tak an hmang thin thung. Pawn lamah Greece hian Europe ram hrang hrangte tana harsatna siam khawpin an ram a retheiin an economy a tlachhia a, chutihlai chuan Germany hi Greece puitu te zinga mi an ni thung.

Zanin inkhelah erawh Germany hian Greece hi an duhsak vak lo ang a, an rilruah an hmabak puitlin tura tha tak leh awlsam taka hmalam an pan zel theihna tur bak a awm lo ang. Coach leh player ten tunhnaia an ngaih pawimawh em em bawk chu “efficiency” a ni. An inkhel ah tihsual leh harsa taka sual chhuah ngai lemlo tura an tihtur tha taka an tihtheih dan tur a ni. Greece lam pawhin he “efficiency” hi an ngai pawimawh ve hle tih an inkhel en ngun hian a hriat. Team tha leh quality nei tak ni lemlo mahse tun dinhmun thleng tur hian an inkhelah an tihtur tha takin an ti thei zel a, thenkhatin vanneih tiin sawi thin mahse an thawhrim bakah an hna an hnehsawh vang a ni tih chu tuma sawi buai theih a ni lo ang.

Germany

Germany hian group stage ah an khingpuite an hneh vek a, amaherawhchu an inkhel en chuan group stage kha insiamrem nan an hmang chho ti ila a sual lutuk lemlo ang. Team dangte tana hriat nuam hauhlo chu an theihna tak tak anga an khel lemlo chung pawha Portugal, Netherlands leh Denmark te an hneh thei kha a ni. Tin, kan lo hriat fo tawh angin Germans te hi international tournament ah reng reng an chetha hluai ngailo a, mahse a rei telh telh a an khauh zual sauh zel tih hi a ni.

An Inkhelh Dan:

German ho “Generation thar” te hi an football khelhdan hmuh a nuam thin hle a, coach Joachim Low-a duhdan angin ball rang taka inpekual thinin tumahin ball an kawl rei lutuk ngai lemlo a, hei hian an goal nawr a tihnat phah bakah inkhel an thunun theih phah thin a ni. An 4-2-3-1 tactic hmang hian rang leh inphaman takin an attacker te hian goal an nawr thei a ni. Podolski, Ozil leh Mueller te hian an passing emaw, speed emaw, an movement fing tak tak te hmang hian an khelhpuite defense an thiat thei thin a, goal chance an hmuh bakah an siam hnem theih phah a ni. An central midfifelder pahnihte hi an pawimawh hle bawk a, goal nawr an puih ve bakah tlarhnung vengtu niin inkhel thununtu ber an ni a. Ball possession ah chuan khawvela Spain midfield elpui thei ber awmchhun an ni hial ang.

Tlarhnung lam hi la naupang tlang deuh mahse an nghet chho viau zel a, a bikin Mats Hummels a langsar hle. A sirah Lahm leh Boateng te hi tun tournament a fullback kheltha berte zinga mi an ni ngei bawk ang.

Team News leh Tactics:

Hrem avanga chawl Boateng a rawn letleh thei tawh dawn a, German lam chu an kim dawn a ni. Tum dang aiin he German team hian ball an tlanpui nasa a, an player te zingah pace nei tha leh che rang an tam vanga ni pakhat bawk a ni.

Germany tan Gomez leh Schweinsteigger te hi mi zawng zawngin hahipa an fak leh an sawi te nimahse keichuan he German team ah hian Khedira hi a pawimawh ber ka ti a, tumdang aiin a khelhdanah zalenna a nei deuh a, hei hi a hmang tangkai a, Germany in inkhel an thunun theihna chhan leh an hlauhawm theihna chhan bulpui a ni. He German system hi thawh dik theihnan a pawimawh ber a ni.

Gomez hi “Target Man” anga khelin a “confi” lai a ni bawk a, khawiah pawh a hlauhawm a ni deuh ber a ni.

Germany hian an khelhdan leh players te hi hrem leh inhliam vang bak lo chuan an la thlak danglam lo a, tunah pawh hian an thlak a rinawm lemloh a, mahse Greece hian defensive game an khelh leh dawn avangin Khedira leh Schweinsteiger te hian zalenna an nei thahnem deuh zawk anga, an pawimawh dawn hle a ni.

Mueller hi winger position ah khel mahse winger aiin striker a ni zawk mah a, a “Striker’s Instinct” a hmangthiamin a off-the-ball movement hi German attackers tena an chhawr tangkai em em a ni bawk.

A lai chu an inhnawhkhawm that viau a rinawm a, inkhel pawh a rorum viau a rinawm.

Greece

Greece hian Head-to-Head rule an hmang tangkai hle mai a, mahse hei vang tak hian ngaihthah chi an ni lo tih a lang bawk a ni.

An Inkhelh Dan:

Team quality sang tak ni lemlo mahse an in remkhawm tha hle a, “tactical discipline” tha tak neiin an khel a, hei tak hi an tumpui tena harsa an tihna thin a ni. Otto Rehhagel-a hunlai ai chuan tlemin defensive tawhlo deuh mahse an game hi ultra-defensive la tihtheih a ni. An tumruhna leh fighting spirit te hi an chakna leh bawk a ni.

Greece gameplan hi chu a simple khawp mai. Rim taka thawh a, nasa taka tlan kual a, nghet taka goal ven leh counter-attack a ni deuh tawp mai a ni. 4-3-3 angin inrem mahse 4-5-1 angin an khel tlangpui a, ball an chan tam lemloh vang a ni pakhat bawk. Tlarhnung thlengin an thawkrim hle a, tin, midfield ah Katsouranis chuan an tlarhnung veng tawp turin “anchorman” angin a awm a ni. Karagounis hi midfield atanga an nawrna ber hmanrua a ni a, Gekas hi an striker maltlat a ni thung.

Team News leh Tactics:

Tun dinhmun Greece in an thlen theihna chhan hi vannei tiin tam takin sawi mahse an thawhrim rah a ni tih a chiang a, zaninah pawh tiang tur tak chuan an rawn inrem leh ang.

Zanina Greece tana pawi ber thei chu an captain Karagounis leh defender Holebas khel teilo tur hi a ni a, tin, 1st choice goalie Chalkias chu inhliam vangin an hman theihloh hmel bawk.

Karagounis aiah hian tunlai Greek footballer te zinga talent nei the ber pawl nia sawi Sotiris Ninis an rawn hman hmel a, ani ah hian thui tak an innghat ang.

Greece tan hian thil a awlsam ngailo hrim hrim tlangpui a, mahse Poland lakah pawh goal an chhuah hnu leh pakhat hnawhchhuah an nih hnu pawhin an rawn la beilet thei a ni tih kan hmuh kha.

Greece hian an nawr lemloh a rinawm a, tin khauh takin an inveng tlat bawk ang. Mahse, tunhnai game 24 an khelh zinga 21 a goal thun thei an ni a, an counter-attack hi Germany tanngaihthah chi a ni lo.

Probable Line-ups:

 

Pic Source: thehardtackle.com

You May Also Like

More From Author

+ There are no comments

Add yours