Europe a players tha ber ber khungkhawmna an ni a, FIFA ranking-ah pathumna leh palina an ni mek a, World Cup hnuhnung berah pahnihna leh pathumna an ni bawk. Heng avang ringawt pawh hian zanina Germany leh Netherlands te inkhel tur hi a nghahhlelhawm tawh a, chuta chhapah Netherlands tan he match hi final tluka pawimawh a ni. An chak loh chuan Euro 2012 atangin an tla dawn. Hei lo liama ‘dream match’ a awm chuang dawn em ni?
Germany hian an match hmasa berah Portugal an hneh tawh avangin an dinhmun a tha zawk a. Netherlands hi an draw anih pawhin quarter final lut turin an dinhmun a la tha hle ang. Netherlands hi chu chak ngei ngei ngai an ni tawh a, an chak lo emaw, an indraw anih chuan midang result azirin an tla nghal thei. World Cup finalist ni lai, FIFA rankinga palina leh Euro 2012 tan hmaa rinkai ber pakhat hi vawihnih khelh leka tlak nghal an duh dawn hauh lo a, chak tumin an khel ang. Chak ngei ngei ngaih tawh laia Germany tum erawh thil huphurhawm tawpkhawk a ni si.
PLAYERS vs PLAYERS
Team pahnihte chakna chu a chiang a, tlarhmaah a ni. Players mal te te a tehkhin dawn pawhin attacking players kher kher hi chu an intluk tawk kher mai. Germany defence a khawng zawk a, keeper pawh an nei tha zawk. Midfield hi an tha dun kher mai a, mahse a naupang zawk, ball thiam zawk leh che rang zawk chu Germany midfielder te bawk an ni.
An match hmasa berah team pahnihten 4-2-3-1 formation ve ve an hmang a, an intum hunah pawh he formation tho hi kan hmuh a rinawm. Denmark nen an intum tuma Netherlands player khel tha ber Wesley Sneijder hmuh a chakawm leh tawh a, a pass fing tak tak dang tur hian Khedira leh Schweinsteiger te an thawhrim a ngai viau dawn a ni. Netherlands defensive midfielder pahnih, Nigel de Jong leh Mark van Bommel te hi mi ball chhuhsak thei leh lehlam dang chep thiam an ni a, an che hi a muan deuh thin avangin tuan ah rau rau chuan German attacking midfielder pahnih Mesut Ozil leh Thomas Muller te hi an khan lo deuh ang. Football hi speed chauh a ni lo tih erawh kan hriat kha.
Philip Lahm hi Robben a awmna lamah a khel a nih ngat chuan anni pahnih inveng hi he match a hmuh chakawm ber a ni ang. Mat Hummels leh van Persie inveng tur te, Gomez leh Heitinga innuai tur te pawh hmuh chakawm tak tak vek a ni. Huntelaar leh Klose te hi an start lo a nih pawhin hun engemawchen chu an hmel hmuh kan inbeisei thei bawk awm e.
Players mal mala khaikhin chuan Germany an tha hret a, mahse football ah chuan ‘team’ tha zawk an chak thin a, anni pahnih hi tunge team tha zawk tih pawh sawi hleihtheih loh khawpa intluk tawk an ni. Minute 90 chhunga chefuh zawk zawk an chak ang a, a chak zawk hi an tha zawk tihna erawh a ni kher lo ang.
THE RIVALRY
Inelna a nih tawh chuan, team tha leh team tha inkarah rivalry a awm lo thei lo. Germany leh Netherlands te hi inhaw viau angin lang lem lo mahse, an inkara history thui tak awm, inhnehtawn zak zak thin an nih avangin an inel hle lo thei lo. A bik takin 1970s chho vela Netherlands rawn that tak tak hnu khan World Cup leh Euro match pawimawhah an intum ngun lehzual a, tha zawk nih inchuha inelna pawh a lian tual tual a tih theih awm e.
World War II lai khan Germany in Netherlands an hnehlak tih chu kan hre theuh ang. Nazi sipaite khan Dutch mipuite bike kha chhuhsakin, ralthuam siam nan an hmang thin a. Indopui zawh hnuah pawh Dutch mipuite thinlungah German huatna a reh hleithei lo a, 1970s bawr velah phei chuan inkhel enna-a Dutch mipuite auhla pawh “I want my bike back” tih te a ni thin. Hun a rei hnuah erawh boruak a dai ve tial tial e.
INTUM TAWHNA
Tunhmain Germany leh Netherlands hi vawi 23 an lo intum tawh a, Germany hi vawi 6 chak in, Netherlands hi vawi 8 an chak a, vawi 9 an inhnehtawk a ni. Germany hian goal 42 an thun a, Netherlands hian goal 45 an thun ve thung. An intum hnuhnung ber chu November 2011 ah niin, Germany hi 3-0 in an chak a ni.
World Cup leh Euro a an intumna pawimawh deuh deuh tarlang ila.
July 7, 1974: World Cup final
Johan Cruyff te ho in total football an larpui lai a ni a, 1974 World Cup final ah hian Netherlands hi rinkai zawk an ni. Mahse khatih laia West Germany chu 2-1 in an chak a, chakna goal thuntu hi Gerd Muller a ni nghe nghe. Hei hi ram pahnih inkara inelna tawp hleithei lo lo chhuahna bul a ni a tih theih ang.
June 18, 1978: World Cup group stage
Hemi tum hian World Cup hmasaa finalist pahnih group khatah an awm dun tehnawlh a. Chak zawk awm lo in 2-2 in an inthen a ni.
June 14, 1980: Euro
Euro 1980 ah hian West Germany an champion a, an champion na kalkawngah Netherlands 3-2 in an hneh a ni.
June 21, 1988: Euro semi final
He match hi Euro history a match hmuhnawm ber te zing ami a ni an ti thin. Netherlands 2-1 in an chak a, chakna goal hi huntawp dawn takmeuh meuha Marco van Basten thun a ni. Netherlands an champion zui nghe nghe.
June 26, 1990: World Cup
Klinsmann leh Brehme ten Germany tan pet goal in 2-1 in an chak a, Ronald Koeman chuan Netherlands tan a thun ve thung. He match hi Rijkaard leh Rudi Voeller te intihbuai vangin a lar hle a, team pahnih inkara boruak pawh a ti ‘hot’ thar leh hle a ni.
TUNAH CHUAN
Tournament tanhmaa beiseina a san lutuk vang pawh a ni ang, Germany in Portugal an hneh tum khan beisei an phak lo a. Portugal that vang chu ni pakhat mahse German hmatawngte an inman tawk lo deuh. Netherlands chak loh kha an vanduai vang liau liau a ni a, Denmark goal zawnah vawi 26 zet an pet a, Robben leh van Persie te khan an chance neih zatve pawh thun se Denmark khan an phur nual ngei ang.
Chak tur rinthiam pawh a har a, ram pahnihte hi chak lo tura dah mai atan chuan an tha lutuk ve ve a ni. Netherlands an tla angem? Germany an chesual angem? Tung pet goal ang? Zanlai dar 12:15 ah engkim a chiang dawn a, i en lo phal dawn em ni?
cialis coupon walmart
cialis 20mg price
cialis coupon
cialis coupon walmart
viagra without prescription
viagra professional no prescription
Dutch ho an chak lo, an tla e. Rawn post vat teh u.
Post ngaihnawm hle mei, Robben ka tan ber he he
Ngaihnawm hle mai.. Bengvarthlak bawk.. Ka pawlte Holland hi chak turin ka beisei e 🙂
Portugal an khel ṭha hle mai a. Netherlands chuan Portugal an ṭan ngawt ang,
Gaihnwm in begvar thlak thn hle mai..hmuhnwm dwn khp my,netherland kha an khel cu a mwi daih jok mhs roben kha selfsh ltk a,an nh tur ag nh loh phah..ball a chan kha cuan a thiante pass rem mhs goal bak a melh twh gailo .a sim agai,nh loh cuan teuh ral leh rgot ag
Lahm hi dinglamah khel hram se, Robben nen an incheck tur hi ka hmu chak a ni 🙂
German hi a player malkhai ah chuan an tha zawk mai anilo, an naupanga an che rang mai bakah skills leh experience an nei tha zok feee
Germany hi ka tan ber mai. Hnam huaisen an nihzia hi khelmual chhungah pawh an tilang thin a, zanin ah pawh an tihllan leh ngei ka beisei
Ngaihnwm khp mai,avan huphurhwm em,se german kulhpui su chim turin ka naute ka ringtwk e,4-4-2 rn hmang se ka duh twh mange w kan pu hian…Bundslga a Hummels leh Badstuber teho dan hleitheiloh kan nei alwm,zamlo pht ilah
Ngaihnwm khp mai,avan huphurhwm em,se german kulhpui su chim turin ka naute ka ringtwk e,4-4-2 rn hmang se ka duh twh mange w kan pu hian…huiha
@hlups hauhnar: nia, forward chu holland players an tha mah maithei. Mahse goalkeeper leh defence ah hian germany chu an chungnung deuh zawk a ka hriat vang ania. Club tan an form hlawm m a ni.
Post ngaihnawm hle mai!!Mahse “Germany hi players malkhaiah chuan an tha zawk”tih lai tak khi chu unlike…:-) V.Persie nge Gomez??Robben nge Muller?Afellay or Kuyt nge Podolski?Sneijder nge Ozil?hehe tha zawk bik ka hre lo