Striker ropui tehna pakhat chu an goal thun zât mai bakah, goal ropui engzatnge an thun tih hi a ni awm e. Arsenal ‘legend’ Thierry Henry hian Arsenal-a kum 8 a awm chhungin goal 226 tehmeuh mai a thun a, goal ropui tak tak engemawzat a tel. Heng zawng zawng zingah hian October ni 1, 2000 a Manchester United an hnehna goal, Highbury – a a pet goal kha a hmingthang ber mai awm e.
Chelsea leh Manchester City te rawn lan ve hma, kum sangbi thar kan chuankai dawn lai vel kha chuan England-ah team pahnih chiah an inel ṭhin a, chung team pahnihte chu Arsenal leh Manchester United a ni. Arsene Wenger leh Sir Alex Ferguson te inep tak tak lai, club pahnih inkar boruak ‘hot’ lai ber a ni awm e. Heng zawng zawng avang hian he goal hi a pawimawh zual bik a tih theih awm e.
He goal ropui zual bikna em em pakhat chu Bible ṭawngkam takin, ‘awm lo ata awm-ah a siam’ hi a ni awm e. Henry-a’n ball a chan chiah khan goal hnungchhawn zawngin, penalty box pawnah a awm a. A bulah Manchester United defender Denis Irwin a awm bawk. Mahse ball a chan chiahin a pir kâng a, inher paha pêt zuiin, Barthez-a ban phak loh ah, goal dinglam kilah mawi zetin a thlawk lût a nih kha.
Arsenal.com in kum 2009-a Arsenal goal ropui ber thlanna poll a buatsaihah pahnihna a ni. Han en ve teh le.
cialis savings card
how to get cialis
Cialis order
Buy cialis without rx
A mawi chiah po ka ti hran lo e, ti nawn leh se a goal po ka ring toh lo.
Ku Rawna’n khitiang deuh chiah khian khian an pet mai chu(h).. A shot tha mai mai, throw-in a ngai…
Khi cu hmanni a ka pet goal ang deuh chiah2 nih khi!!!
@Zaia royte, I sawi danah hian Roy Kean hi arsenal-a khèl a va ang ve.. ‘United-ah’ tih han sawi tel zauh la a chiang ni mai tur
Goal 226 zingah chuan ropui tak tak chu a awm ve nual nei ang. Henry hi a vannei – Arsenal player that ber laiin a khel a. An lian si, an chak si, an thiam hlawm si.. khatih lai khan Roy Keane a lo awm ve bawk nen, an inkhel kha chu a boruak thei teh e!
Good post, as usual.
A jersey no. khi in hmu m???? 🙂 hepa hi chu a ropui a ni e…Eng club ah nge a tel ka ngaihtuah lo, ka duh ani top!!! Henry okhaih OOnrey muaah2 🙂
Lung a van tileng thin tak em,Henry hi chu a ropui ani