Pailan Arrows defender Rozama hi a kum naupang ngaihtuah in experience a ngah tawh hle a. I-League 2011-12 ah pawh hian Arrows player pawimawh tak anih ngei a rinawm. ZoFooty in amah (Rozama) kawmna hun tha tak min pek avangin a chungah kan lawm tak meuh meuh a ni.

ZF: Pailan Arrows a nih hnu hian in team ah hmasawnna a awm em? A danglamna han sawi mai tur te i nei em?
Rozama: Awm tehreng mai. A chutiang in han sawi tur em em chu awm lo a, mahse group ang a kan awm a, engkim a huho ang a kan awm na hi tha ka tia. Keimahni ho hrim hrim pawh hi engkimah kan in hrechiang.

ZF: Mizo engzatnge awm? First eleven te in chhang thei dawn em?
Rozama: Pathum kan awm a, kan first eleven kan chang ngei ka ring.

ZF: Engvangin nge Durrand Cup kha in khelh ve loh? Federation Cup a in performance ah khan in lungawi em?
Rozama: Durrand Cup kan khelhloh chhan chu ka hremiah lo. Federation Cup a kan performance ah chuan kan lungawi tho a, mahse kha mi ai khan kan la perform tha thei tih ka hria.

ZF: Nikum lama in Foreigner Coach Des Bulpin leh tuna in coach ni mek Sukhwinder Singh te hi danglam an danglam viau em?
Rozama: Nei e. Ka mimal ngaihdan chuan nikum kan game ai khan tun kum kan game ha hian hmasawnna kan nei nasa zawkin ka ring.

ZF: Home Ground ah Salt Lake Stadium in hmang dawn a, in home groundthar hi nge nikum lama in home ground Ambedkhar Stadium kha home match khelh nan i duh?
Rozama: Kei chuan Ambedkhar Stadium ka duh zawk, a chhan chu Salt Lake chu artificial a nia khelh a har zawk a, bakah Ambedkhar a te zawk a, keini tan chuan advantage a awm zawkin ka ring.

ZF: In champion theih i ring em?
Rozama: Tunlai football ah chuan ber nih theih loh a, chuvang chuan engpawh a thlen theih ka ring.

ZF: I-League team ah hian eng team te hi nge Big Four a i ngaih?
Rozama: East Bengal, Dempo, Mohun Bagan leh Churchill Brothers

ZF: I-League ah Mizo an awm nual a, Mizo player i khelhpui hian tîm na riau i nei em? (Tackle vel chungchang ah)
Rozama: Nei hran lem lo. Ground chhungah chuan Mizo leh Mizo han in chilh bur bur te hi a nuam ve alawm.

ZF: Mohun Bagan hi i huphurh em? Salt lake a Mohun Bagan tum hi eng ang chiah a boruak sang nge?
Rozama: A boruak chu a sang khawp mai, ka huphurh lo ka khel chak tawh tiang ang team lian tum hi nuam ka tia, bakah keimah ni ah chona a tam zawk a, mahse an players te chu an tha khawp mai, keini ai chuan experience nei vek an ni dawn bawk a. Kan tang chu ngai dawn khawp mai.

ZF: Winger i hmachhawn tawh ah tunge tha i la tih ber?
Rozama: Shanmugham Venkatesh, Pune FC captain.

ZF: Jersey No. engzatnge i hak dawn? Engnge i hak chhan?
Rozama: Jersey No. 15 ka ha dawn, ka favourite number a nia.

ZF: Eng boot nge i bun dawn?
Rozama: Adidas Predator ka bun ang.

ZF: Eng club nge i tan?
Rozama: India ramah chuan tan em em ka nei hran lo, kan club a ni mai. Khawvel ah chuan Manchester United ka tan ber.

ZF: Kawmna hun tha tak min siam sak avangin kan lawm e.
Rozama: Keipawh inkawmna hun tha tak minlo siam sak a, in (ZoFooty) chungah ka lawm tak meuh meuh a ni.