Guardiola bàn leh a kaihhnawih – II

Posted on by Hriatpuia pa
Estimated read time 3 min read

Pep Guardiola’n Barcelona coah a nihna a bânsan hi a mak hran lem lova. Mahse Assistant coach Francesc ‘Tito’ Vilanova chu coach thar a ni dawn tih sawi chian a ni hi a mak angreng a. Barca coach thar tur, Guardiola kut dinglam an lo tih thin Tito hi tunge a nih chiah? Barca tana mi tha a ni dawn em i lo thlirlawk ve mai mai teh ang –

Guardiola hi Barcelona academy – La Masia chhuak a ni a. Ani thlâktu tur hi chuan Barcelona thisen kai an nih a ngai ngei dawn a. Barcelona clun chhungril hre pha lo tan he club hi enkawl ngam chi a ni tawh lovang.

Mi tam tak chuan tuna Athletic Bilbao manager Marcelo Bielsa hi Barca enkawl tur hian an ring ber a. Mahse Barca hian anmahni mi leh sa ngei an duh tlat avangin Tito hi an thlang ta a ni.

Vilanova hi Barca youth-team chhuak a ni a, mahse Barca first-team ah hian Guardiola thachhangdâwltu a ni tih loh chu experience a nei lova. Head coach experience a la nei lo bawk a, chuti chung chuan Barcelona tantute leh tan lem lotute pawhin Guardiola thlâktu tur dik tak niin an ngai.

Mi tam tak chuan Guardiola hnuaia Barca an khelh thatna chhan pawh hi Tito vang hi niin an ngai a, Barca thluak bur ber a ni an ti ve tlat a. Training-naa player-te hrualtu, tactic zawng zawng hrilhtu a ni a, Guardiola kha chu Barca team hmel lanna a ni ringawt ti tawk pawh an awm. Chutih lai chuan player-te hian coach tak tak angin an en thei lovang tih hlau pawl an awm a, a chhan chu Barca B team atang tawhin ‘number two’ a ni ngar ngar tlat a ni. Mahse senior player Carles Puyol, Xavi, Victor Valdes leh Andres Iniesta te hi a tihlâwm a, anni’n an tih that tlat chuan lungrual takin Barca hi a enkawl theih an ring thung.

Hetih lai hian Barca board hian hmun hran daih atanga coach lâkluh an ti lo hrim hrim a, a chhan chu coach tawng hnem tak neih an duh loh bâkah anmahni chhungkaw hre chiang an duhna hi a lian ber a. Chu mai piah lamah chuan Tito an neih hi chuan Guardiola hnungzuitu a nih angin, club kalphung a sawidanglam dawn miah lova, chu chu an duhna niin a lang a. Chu bakah chuan club engemawzâtin an sawm ve lai pawha Barca-a ‘pahnihna’ nih thlang ngar ngartu kha a ni a, a rinawmna hian Barca Board member-te a hneh ve a ni deuh bawk awm e.

Tito Vilanova hi 1969 September ni 17 a piang niin, Barcelona youth team-a khel thin, midfielder a ni a. Celta Vigo leh Mallorca-ah a khel tawh bawk. Nikum August thla khan Real Madrid coach Jose Mourinho chuan a mitah a kawmsak a, a lâr phah viau. Nikum November thla khan a hrawk an zai.

Avatar for Hriatpuia pa
Hriatpuia pa

You May Also Like

More From Author

54Comments

Add yours
  1. 1
    CCPA

    … [Trackback]

    […] There you will find 42099 additional Information to that Topic: zofooty.com/guardiola-ban-leh-a-kaihhnawih-ii/ […]

  40. 40
    Dustin Sampler14

    Tunlai chu Asst. Manager hman an intihhmuh riau mai… Mhs, ka ngaih ve dan ah chuan a tlok a awm in ka hrelo. Players te leh manager te inkar ‘BORUAK’ hi chak leh chakloh hril tu pakhat chu a ni in ka hria…

  41. 41
    Ramenga

    Verb modified form hi Pawl 11 leh 12 Mizo grammar ah kan zir ṭhin kha mawle.

    Inkhawm kan bang a, inkhawm bànah kan lengkhawm leh a. Mawia chu sipai aṭangin a bâng a, sipai aṭanga Mawia bàn dan chanchin kan ngaithla mek. Guardiola pawh a bàng a, Barcelona coach aṭanga Guardiola bàn dan leh a kaihhnawih kan chhiar leh a. Sawi duah aiah Guardiola bàn leh a kaihhnawih kan ti ta mai a ni.

    Mamtea Ralte hi a dik lo hauh lo. Guardiola hi Barcelona hotuten bàn pawh nise, Guardiola bàn leh a kaihhnawih tih thupui tho hi dik thlapin a hman leh theih tho. Hetah erawh hi chuan bàn a nih thu ni lovin a bàn thu kan sawi zawk a ni.

  42. 42
    Mamtea Ralte

    Sipai atangin ka ‘BAN’ tih leh Sipai atangin ka ‘BANG’ tih hi a awmzia a inang tihna a lo ni maw???!!! Hriatlohna hian Mihring hi a lo ti ‘A’ thei khawp mai!

  43. 43
    Rooney Opa

    Guardiola kha a BANG a, kan sawi na ah chuan a BAN chungchang a ni kan sawi. Inti hre deuh hre tluantling lo hi kan tam a nia.

    BANG – BAN
    VUA – VUAK
    MU – MUT
    HMEICHHIA – HMEICHHE etc etc

  45. 45
    Lalthanzama Vanchhawng

    Post tha hle mai. TITO hian han enkawl chhin se a hriat mai ang chu..Barca hi chuan an football club hi chu sakhuanna ang tluka an ngaih pawimawh kha a nia, an ti mai mai lo tih a langchiang hle TIto an coach tir danah hian…Season tharah kan hre chho zel ang chu..

  46. 46
    Mamtea Ralte

    Mizo Tawng diktak a nilo tunge ti a? ‘BAN’ aiah ‘BANG’ han ti zawk pheila chuan ‘DUHLIAN TAWNG’ diktak i hmang ni mai tur!

  48. 48
    Xavi fanai

    Athat loh bikna tur ka hre lo..player an la gai leh deuh vek dwn tho a,bara khelh dan lah ka mit ka beg ti khwpa a hriat ve tho kha a nia..han advise ve thei ila cuan asir ataga ball cross uar ve deuh leh long shoot uar ve deuh turin ka ti ag..ghe2

  52. 52
    Zaia Roite

    Guardiola ‘ban a nih thu’ kan sawi lova, Guardiola ‘ban’ chungchang kan sawi a ni mai. Inkhawm pawh tumahin an ‘ban’ lova, mahse, ‘ban’ hun a awm ve tho 🙂

+ Leave a Comment

Guardiola bàn leh a kaihhnawih – II

Posted on by Ahruaia Lil'Foe

Pep Guardiola’n Barcelona coah a nihna a bânsan hi a mak hran lem lova. Mahse Assistant coach Francesc ‘Tito’ Vilanova chu coach thar a ni dawn tih sawi chian a ni hi a mak angreng a. Barca coach thar tur, Guardiola kut dinglam an lo tih thin Tito hi tunge a nih chiah? Barca tana mi tha a ni dawn em i lo thlirlawk ve mai mai teh ang –

Guardiola hi Barcelona academy – La Masia chhuak a ni a. Ani thlâktu tur hi chuan Barcelona thisen kai an nih a ngai ngei dawn a. Barcelona clun chhungril hre pha lo tan he club hi enkawl ngam chi a ni tawh lovang.

Mi tam tak chuan tuna Athletic Bilbao manager Marcelo Bielsa hi Barca enkawl tur hian an ring ber a. Mahse Barca hian anmahni mi leh sa ngei an duh tlat avangin Tito hi an thlang ta a ni.

Vilanova hi Barca youth-team chhuak a ni a, mahse Barca first-team ah hian Guardiola thachhangdâwltu a ni tih loh chu experience a nei lova. Head coach experience a la nei lo bawk a, chuti chung chuan Barcelona tantute leh tan lem lotute pawhin Guardiola thlâktu tur dik tak niin an ngai.

Mi tam tak chuan Guardiola hnuaia Barca an khelh thatna chhan pawh hi Tito vang hi niin an ngai a, Barca thluak bur ber a ni an ti ve tlat a. Training-naa player-te hrualtu, tactic zawng zawng hrilhtu a ni a, Guardiola kha chu Barca team hmel lanna a ni ringawt ti tawk pawh an awm. Chutih lai chuan player-te hian coach tak tak angin an en thei lovang tih hlau pawl an awm a, a chhan chu Barca B team atang tawhin ‘number two’ a ni ngar ngar tlat a ni. Mahse senior player Carles Puyol, Xavi, Victor Valdes leh Andres Iniesta te hi a tihlâwm a, anni’n an tih that tlat chuan lungrual takin Barca hi a enkawl theih an ring thung.

Hetih lai hian Barca board hian hmun hran daih atanga coach lâkluh an ti lo hrim hrim a, a chhan chu coach tawng hnem tak neih an duh loh bâkah anmahni chhungkaw hre chiang an duhna hi a lian ber a. Chu mai piah lamah chuan Tito an neih hi chuan Guardiola hnungzuitu a nih angin, club kalphung a sawidanglam dawn miah lova, chu chu an duhna niin a lang a. Chu bakah chuan club engemawzâtin an sawm ve lai pawha Barca-a ‘pahnihna’ nih thlang ngar ngartu kha a ni a, a rinawmna hian Barca Board member-te a hneh ve a ni deuh bawk awm e.

Tito Vilanova hi 1969 September ni 17 a piang niin, Barcelona youth team-a khel thin, midfielder a ni a. Celta Vigo leh Mallorca-ah a khel tawh bawk. Nikum August thla khan Real Madrid coach Jose Mourinho chuan a mitah a kawmsak a, a lâr phah viau. Nikum November thla khan a hrawk an zai.

Avatar for David Pachuau
Ahruaia Lil'Foe http://www.facebook.com/ahruaia.bumblebee

You May Also Like

More From Author

+ There are no comments

Add yours